وزیراعظم یوتھ پروگرام کے تحت نوجوانوں کو بااختیار بنانے کا مشن جاری، ملکی تاریخ کا سب سے بڑا یوتھ لون پروگرام شروع کیا ہے۔رانا مشہود احمد خان
اشاعت کی تاریخ: 28th, June 2025 GMT
لاہور (اُردو پوائنٹ اخبارتازہ ترین - اے پی پی۔ 28 جون2025ء) چیئرمین وزیراعظم یوتھ پروگرام رانا مشہود احمد خان نے کہا ہے کہ وزیرِاعظم محمد شہباز شریف کی قیادت میں نوجوانوں کو مختلف شعبوں میں مواقع فراہم کر رہے ہیں ،نوجوانوں کو بااختیار بنانا حکومتی ترجیحات میں شامل ہے ،پاکستان کی نوجوان نسل میں بہت ٹیلنٹ موجود ہے ،نوجوان آئی ٹی اور کھیل سمیت دیگر میں اپنا لوہا منوا رہے ہیں ،یوتھ ہب پورٹل کے ذریعے نوجوانوں کو سکالر شپ دے رہے ہیں۔
ان خیالات کا اظہار انہوں نے ہفتہ کو لاہور چیمبر آف کامرس اینڈ انڈسٹری میں پاکستان انفارمیشن ٹیکنالوجی اکیڈمک ایسوسی ایشن اور لاہور چیمبر کے اشتراک سے منعقدہ تقریب سے خطاب کرتے ہوئے کیا۔ اس موقع پرصدر لاہور چیمبر میاں ابوذر شاد، نائب صدر شاہد نذیر چوہدری اور چیئرمین پاکستان آئی ٹی اکیڈمک ایسوسی ایشن وہاب یونس سمیت تاجر برادری کی بڑی تعداد موجود تھی۔(جاری ہے)
رانا مشہود نے کہا کہ نوجوان پاکستان کا روشن مستقبل ہیں اور ان کی فلاح، فنی تربیت اور روزگار کی فراہمی حکومت کی اولین ترجیحات میں شامل ہے۔ انہوں نے بتایا کہ حکومت آئی ٹی برآمدات کو 25 ارب ڈالر تک لے جانے کے ہدف پر کام کر رہی ہے جبکہ آن لائن ارننگ کے شعبے میں نوجوانوں کو سہولیات فراہم کی جا رہی ہیں۔انہوں نے کہا کہ اس وقت 8 لاکھ سے زائد نوجوان بیرونِ ملک باعزت روزگار حاصل کر رہے ہیں جبکہ حکومت رواں سال یہ تعداد 15 لاکھ تک لے جانے کی خواہاں ہے، اس کے ساتھ ہی دسمبر میں پاکستان کی پہلی ''یوتھ گیمز'' کے انعقاد کا اعلان بھی کیا تاکہ نوجوانوں کو صحت مندانہ سرگرمیوں کی طرف راغب کیا جا سکے۔چیئرمین یوتھ پروگرام نے ''آپریشن بنیان المرصوص''کے دوران نوجوانوں کے کردار کو سراہتے ہوئے کہا کہ ان کی دفاعی صلاحیتوں نے پاکستان کا وقار دنیا بھر میں بلند کیا، بھارت کی پاکستان مخالف سرگرمیوں پر شدید ردعمل دیتے ہوئے انہوں نے خبردار کیا کہ اگر بھارت نے پانی بند کرنے کی کوشش کی تو اسے سنگین نتائج بھگتنا ہوں گے۔انہوں نے خوشخبری دی کہ پاکستان آئندہ برس اقوام متحدہ کی سلامتی کونسل کی صدارت کرے گاجو ملک کی خارجہ پالیسی کی بڑی کامیابی ہے، بجٹ سے متعلق گفتگو میں انہوں نے کہا کہ موجودہ بجٹ متوازن اور عوام دوست ہے جبکہ آئندہ سال مزید عوام کو ریلیف دینے کیلئے بہتر بجٹ پیش کیا جائے گا۔ انہوں نے اس عزم کا اظہار کیا کہ حکومت دو سال میں آئی ایم ایف سے نجات حاصل کر لے گی،تاجر برادری کو ملکی معیشت کی ریڑھ کی ہڈی قرار دیتے ہوئے رانا مشہود نے کہا کہ ان کے جائزمطالبات مشاورت سے پورے کئے جائیں گے۔ تقریب سے خطاب کرتے ہوئے چیئرمین آئی ٹی اکیڈمک ایسوسی ایشن وہاب یونس نے نیوٹیک کے منصوبوں میں شمولیت کے لیے تعاون کی درخواست کی تاکہ نوجوانوں کو جدید ہنر سکھا کر روزگار کے قابل بنایا جا سکے۔تقریب کے اختتام پر معزز مہمانوں کو یادگاری شیلڈز پیش کی گئیں اور نوجوانوں کے لیے خصوصی تربیتی پروگرامز میں اشتراک کے امکانات پر مشاورت کی گئی۔.ذریعہ: UrduPoint
کلیدی لفظ: تلاش کیجئے نوجوانوں کو رانا مشہود نے کہا کہ انہوں نے رہے ہیں آئی ٹی
پڑھیں:
معرکۂ حق کے بعد فوجی ڈھانچے میں تبدیلی ناگزیر تھی، رانا ثنا
data-id="863a0a8" data-element_type="widget" data-widget_type="theme-post-content.default">
اسلام آباد: وزیراعظم کے مشیر برائے سیاسی امور رانا ثناء اللہ نے کہا ہے کہ معرکۂ حق میں کامیابی کے بعد فوج کے اندرونی ڈھانچے میں تبدیلی ناگزیر تھی اور یہ ایک خالصتاً پیشہ ورانہ فیصلہ ہے جس کا سیاست سے کوئی تعلق نہیں۔
ایک پروگرام میں گفتگو کے دوران رانا ثناء اللہ نے کہا کہ حکومت نے اپوزیشن کو کئی بار مذاکرات کی پیشکش کی تاکہ قومی مسائل پر بات ہو اور ملک کے مفاد میں مشترکہ لائحہ عمل طے کیا جا سکے، لیکن بدقسمتی سے تحریکِ انصاف بات چیت پر آمادہ نہیں ہوئی۔ انہوں نے بتایا کہ 27ویں آئینی ترمیم پر بھی پی ٹی آئی سے ڈائیلاگ کی کوشش کی گئی مگر انہوں نے کسی قسم کی بیٹھک سے انکار کر دیا۔
رانا ثناء اللہ کا کہنا تھا کہ “معرکہ حق” یعنی بنیان المرصوص میں اللہ تعالیٰ نے ہمیں کامیابی عطا کی، اور اسی تجربے سے حاصل ہونے والے سبق کے بعد فوج کے اندرونی اسٹرکچر میں تبدیلی کی گئی، جو وقت کی اہم ضرورت تھی۔ انہوں نے کہا کہ یہ تبدیلی فوج کے نظم و نسق اور مؤثر کارکردگی سے متعلق ہے اور اس میں کوئی سیاسی پہلو شامل نہیں۔
مشیرِ وزیراعظم نے مزید بتایا کہ 27ویں ترمیم سے متعلق اب تک تعلیم، صحت، آبادی اور بلدیاتی نظام جیسے اہم امور پر مکمل اتفاق رائے نہیں ہو سکا، تاہم مذاکرات کا عمل جاری ہے۔ ان کا کہنا تھا کہ لوکل باڈی نظام کو مضبوط بنانے کی کوشش ہو رہی ہے اور جیسے جیسے اتفاق رائے بنتا جائے گا، ترمیمی عمل بھی آگے بڑھتا رہے گا، تاہم اس کے لیے پارلیمان میں دو تہائی اکثریت ناگزیر ہے۔
27ویں آئینی ترمیم سے قبل قومی اسمبلی اور سینیٹ کے اجلاسوں میں وقفہ کیوں کیا گیا؟