بند آنکھوں اور اندھیرے میں دیکھنے کی صلاحیت دینے والے لینس تیار
اشاعت کی تاریخ: 25th, May 2025 GMT
بیجنگ (نیوز ڈیسک)جدید سائنس اور ٹیکنالوجی نے ہماری زندگیوں کو بہت آسان بنا دیا ہے۔ خاص طور پر دیکھنے کی صلاحیت کو بہتر بنانے کے لیے مختلف ایجادات سامنے آتی رہتی ہیں۔ حال ہی میں سائنسدانوں نے ایک انقلابی ایجاد کی ہے جو رات کے اندھیرے میں بھی دیکھنے کی صلاحیت فراہم کرتی ہے، اور یہ ایجاد عام کانٹیکٹ لینز کی طرح پہننے میں آسان ہے۔ آئیے جانتے ہیں اس نئی حیران کن ایجاد کے بارے میں جو آنکھوں کے ذریعے سپر وژن فراہم کرے گی۔
چین کی یونیورسٹی آف سائنس اینڈ ٹیکنالوجی کے سائنسدانوں نے ایسے کانٹیکٹ لینز تیار کئے ہیں جو رات کے اندھیرے میں دیکھنے کی صلاحیت فراہم کرتے ہیں اور حیرت انگیز بات یہ ہے کہ آنکھیں بند کرنے کے باوجود بھی نظر آتا ہیں۔ یہ جدید لینز خاص نینو پارٹیکلز اور لچکدار پولیمرز پر مشتمل ہیں جو انفرا ریڈ روشنی کو انسانی آنکھوں کے لیے قابل دید روشنی میں تبدیل کر دیتے ہیں۔
یہ لینز خاص طور پر نیئرانفرا ریڈ روشنی (Near-Infrared Light) کو محسوس کرنے کے قابل بناتے ہیں، جو 800 سے 1600 نینو میٹر کی حد میں ہوتی ہے، یعنی وہ روشنی جو عام انسان نہیں دیکھ سکتے۔ اس ایجاد کی سب سے بڑی خوبی یہ ہے کہ اسے کسی پاور سورس کی ضرورت نہیں ہوتی، جو روایتی نائٹ وژن گگلز میں ضروری ہوتی ہے۔
ابتدائی تجربات چوہوں پر کیے گئے جہاں چوہوں نے ان لینز کے ذریعے انفرا ریڈ روشنی والے تاریک خانے کو ترجیح دی، جبکہ بغیر لینز کے چوہے اس روشنی کو محسوس نہ کر سکے۔ بعد ازاں انسانی تجربات میں بھی شرکاء نے فلیکرنگ انفرا ریڈ روشنی کو دیکھ کر اس کی سمت معلوم کی۔
تحقیق کے مطابق آنکھیں بند کرنے پر یہ لینز زیادہ موثر ثابت ہوئی کیونکہ آنکھوں کے پپوٹوں سے انفرا ریڈ روشنی آسانی سے گزر جاتی ہے اور عام روشنی کی مداخلت کم ہو جاتی ہے۔
یونیورسٹی کے نیوروسائنسدان، ڈاکٹر تیان ژو نے کہا، ’ہماری تحقیق غیر مداخلتی طریقے سے ایسے پہننے والے آلات کی راہ ہموار کرتی ہے جو لوگوں کو سپر وژن فراہم کر سکتے ہیں۔‘
اس ٹیکنالوجی کے کئی عملی استعمالات متوقع ہیں جیسے سیکیورٹی، ریسکیو آپریشنز، معلومات کی انکرپشن، اور دھند یا دھول والے موسم میں بہتر دیکھنے کی صلاحیت۔
یہ ایجاد نہ صرف سائنس کی دنیا میں انقلاب ہے بلکہ مستقبل میں عام زندگی میں بھی اس کا استعمال بڑھنے کی توقع ہے۔
مزیدپڑھیں:بحر الکاہل سکڑنے لگا، سائنسدانوں کی نئے براعظم کی تشکیل کی پیشگوئی
ذریعہ
ذریعہ: Daily Ausaf
کلیدی لفظ: انفرا ریڈ روشنی فراہم کر
پڑھیں:
پنجاب حکومت کا بڑا ریلیف، گھر کی مرمت اور توسیع کے لیے 10 لاکھ روپے تک بلاسود قرض کا اعلان
لاہور: اپنی چھت محفوظ چھت پروگرام 2026 کے تحت پنجاب حکومت نے ایسے شہریوں کے لیے خوشخبری سنائی ہے جو اپنے گھروں کی مرمت، مضبوطی یا توسیع کرنا چاہتے ہیں۔ اس منصوبے کے ذریعے اہل درخواست گزاروں کو 5 لاکھ سے 10 لاکھ روپے تک بلاسود قرض فراہم کیا جائے گا تاکہ وہ بغیر سود کے اپنے گھر کی ضروری تعمیراتی ضروریات پوری کر سکیں۔
حکومت کا کہنا ہے کہ اس پروگرام کا مقصد کم اور متوسط آمدن رکھنے والے خاندانوں کو بہتر رہائشی سہولیات فراہم کرنا اور گھروں کی محفوظ تعمیر و مرمت میں مالی مدد دینا ہے۔
دو مختلف کیٹیگریز میں قرض فراہم کیا جائے گا
اس اسکیم کے تحت قرضوں کی فراہمی کو دو حصوں میں تقسیم کیا گیا ہے۔
پہلی کیٹیگری ان افراد کے لیے مختص ہے جو اپنے موجودہ گھر کی چھت کی مرمت، بنیادی ڈھانچے کی مضبوطی یا ضروری تعمیراتی کام کروانا چاہتے ہیں۔ ایسے درخواست گزار 5 لاکھ روپے تک بلاسود قرض حاصل کر سکیں گے، جس کی واپسی 9 سال کے دوران آسان ماہانہ اقساط میں ہوگی۔ اس کی متوقع ماہانہ قسط تقریباً 4 ہزار 700 روپے ہوگی۔
دوسری کیٹیگری ان شہریوں کے لیے رکھی گئی ہے جو اپنے گھر میں توسیع، جیسے دوسری منزل یا اضافی کمروں کی تعمیر، کرنا چاہتے ہیں۔ انہیں 10 لاکھ روپے تک بلاسود قرض دیا جائے گا، جسے بھی 9 سال میں واپس کرنا ہوگا۔ اس قرض کی متوقع ماہانہ قسط تقریباً 9 ہزار 300 روپے ہوگی۔
درخواست کیسے دیں؟
اپنی چھت محفوظ چھت پروگرام 2026 کے لیے درخواست دینے کے خواہشمند افراد پنجاب حکومت کے مخصوص آن لائن پورٹل کے ذریعے رجسٹریشن کر سکتے ہیں۔ درخواست جمع کراتے وقت شناختی اور دیگر ضروری دستاویزات فراہم کرنا لازمی ہوگا۔
وہ افراد جو انٹرنیٹ کے ذریعے درخواست نہیں دے سکتے، ان کے لیے متبادل سہولت بھی فراہم کی گئی ہے۔ ایسے شہری اپنی درخواست متعلقہ ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
حکومت نے شہریوں کو مشورہ دیا ہے کہ درخواست جمع کرانے سے پہلے اپنی تمام معلومات اور دستاویزات مکمل کر لیں تاکہ درخواست کی جانچ کے عمل میں کسی قسم کی دشواری پیش نہ آئے۔
بھارت سے جنگ اور افغانستان میں کارروائی خارج ازامکان نہیں، وزیردفاع