خیبرپختونخوا :سیکیورٹی فورسز کی کارروائیاں، 13 خوارج ہلاک
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
خیبرپختونخوا میں سیکیورٹی فورسز نے دو مختلف آپریشنز کے دوران بھارت کی پشت پناہی رکھنے والے پانچ خوارج کو جہنم واصل کر دیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق سیکیورٹی فورسز کی جانب سے خفیہ معلومات کی بنیاد پر پشاور میں حساس کارروائی کی گئی، جس کے دوران سیکیورٹی اہلکاروں نے دہشتگردوں کے ٹھکانے کو گھیرے میں لیا۔ فائرنگ کے تبادلے میں چار خوارج مارے گئے، جن میں خارجی حارث اور خارجی بصیر کی شناخت بھی ہوئی ہے۔
آئی ایس پی آر کے مطابق دوسری کارروائی شمالی وزیرستان کے علاقے میں انجام دی گئی جہاں سیکیورٹی فورسز نے ایک اور دہشتگرد کو ہلاک کر دیا۔ دونوں آپریشنز کے دوران بھاری مقدار میں اسلحہ اور بارودی مواد برآمد ہوا۔
فوجی ترجمان کا کہنا ہے کہ ہلاک شدہ دہشتگرد متعدد تخریبی کارروائیوں میں ملوث تھے اور ان کی سرپرستی بیرونی عناصر خصوصاً بھارت سے کی جا رہی تھی۔1
دہشتگردوں کے خلاف کامیاب کارروائی پر صدر مملکت، وزیراعظم اور وفاقی وزیر داخلہ نے سیکیورٹی فورسز کو خراجِ تحسین پیش کیا۔ صدر نے اپنے پیغام میں کہا کہ دہشتگردی کے خلاف پوری قوم متحد ہے اور خوارج کے فتنے کے مکمل خاتمے تک ان کے خلاف کارروائیاں جاری رہیں گی۔
وزیراعظم نے کہا کہ معصوم شہریوں کی جان کے دشمنوں کو ان کے گھناؤنے جرائم کی بھاری قیمت چکانی ہوگی۔ وزیر داخلہ نے بہادر سپاہیوں کی جرات کو سراہتے ہوئے کہا کہ قوم کی حمایت سے بھارت نواز دہشتگردوں کا مکمل صفایا کیا جائے گا۔
.ذریعہ: Jasarat News
کلیدی لفظ: سیکیورٹی فورسز
پڑھیں:
بلوچستان، ایف آئی کی انسانی اسمگلنگ کیخلاف کارروائیاں، 10 افراد گرفتار
ایف آئی اے کے مطابق کمپوزٹ سرکل گوادر نے انسانی اسمگلنگ کے خلاف ایک کامیاب کارروائی کرتے ہوئے 9 ملزمان کو گرفتار کر لیا ہے، جبکہ ایک شخص کو کوئٹہ سے بھی گرفتار کیا گیا ہے۔ اسلام ٹائمز۔ وفاقی تحقیقاتی ادارے ایف آئی اے نے بلوچستان میں انسانی اسمگلنگ کے خلاف کارروائیاں کرتے ہوئے 10 ملزمان کو گرفتار کر لیا ہے۔ ایف آئی اے کے مطابق کمپوزٹ سرکل گوادر نے انسانی اسمگلنگ کے خلاف ایک کامیاب کارروائی کرتے ہوئے 9 ملزمان کو گرفتار کر لیا ہے۔ گرفتار شدگان میں سے 6 کا تعلق منڈی بہاالدین، 2 کا تعلق گوجرانوالہ اور 1 کا تعلق شیخوپورہ سے ہے۔ ابتدائی تحقیقات کے مطابق یہ ملزمان غیر قانونی طور پر سمندر کے راستے پاکستان سے ایران جانے کی کوشش کر رہے تھے۔ ایک اور کارروائی میں ایف آئی اے بلوچستان زون نے کوئٹہ میں انسانی اسمگلروں کے خلاف کریک ڈاؤن کے دوران ملزم عبداللہ کو گرفتار کیا، جس کے ساتھ 2 افراد بھی موجود تھے۔ ملزم کے قبضے سے موبائل فون اور پاکستانی شناختی کارڈز کی جعلی کاپیاں برآمد ہوئیں۔ ایف آئی اے حکام نے بتایا کہ مزید تحقیقات جاری ہیں اور اسمگلنگ کے دیگر نیٹ ورکس کے خلاف بھی کارروائیاں کی جائیں گی، تاکہ انسانی اسمگلنگ کے واقعات کو روکنے میں مدد مل سکے۔
جسٹس طارق جہانگیری ڈگری کیس: اسلام آباد ہائیکورٹ کا بینچ ٹوٹ گیا