امریکا جانتا ہے خامنہ ای کہاں چھپے ہیں لیکن فی الحال قتل نہیں کریں گے؛ ڈونلڈ ٹرمپ
اشاعت کی تاریخ: 17th, June 2025 GMT
اسرائیلی وزیراعظم نیتن یاہو کے ایرانی سپریم لیڈر آیت اللہ خامنہ ای کو قتل کرنے کے منصوبے کو امریکی صدر نے مسترد کردیا تھا لیکن اب کھلی دھمکی دی ہے۔
عالمی خبر رساں ادارے کے مطابق صدر ڈونلڈ ٹرمپ نے کہا ہے کہ امریکا کو معلوم ہے کہ ایران کے سپریم لیڈر آیت اللہ علی خامنہ ای کہاں چھپے ہوئے ہیں۔
امریکی صدر ڈونلڈ ٹرمپ نے مزید کہا کہ خامنہ ای اس وقت ہمارے لیے ایک آسان ہدف ہیں لیکن فی الحال ہم انھیں نشانہ نہیں بنایں گے۔
انھوں نے مزید کہا کہ امریکا شہریوں یا فوجیوں پر ایرانی میزائل حملے برداشت نہیں کرے گا۔
اس بیان کے فوراً بعد ڈونلڈ ٹرمپ نے ایک اور پوسٹ کی جس میں صرف ایک جملہ لکھا تھا:
"UNCONDITIONAL SURRENDER" (بلا مشروط ہتھیار ڈال دو)
یہ بیانات ایک ایسے وقت میں سامنے آئے ہیں جب اسرائیل اور ایران کے درمیان جنگ شدت اختیار کر چکی ہے۔
ایرانی حملوں میں 24 اسرائیلی مارے گئے اور متعدد زخمی ہیں جب کہ اسرائیل کے حملوں میں ملٹری لیڈرشپ اور ایٹمی سائنسدانوں سمیت 224 ایرانی جاں بحق ہوچکے ہیں۔
.
ذریعہ: Express News
کلیدی لفظ: ڈونلڈ ٹرمپ خامنہ ای
پڑھیں:
’جن طیاروں کی پوجا لیموں اور مرچ سے کی گئی تھی، وہ کہاں گئے‘؟ بھارتی لوک سبھا میں ہنگامہ
بھارت کے حالیہ فوجی آپریشن سندور کی ناکامی اور اس کے نقصانات پر بھارتی لوک سبھا میں مودی حکومت کو شدید دباؤ کا سامنا ہے۔ حزبِ اختلاف کے ارکان نے کارروائی کے دوران بھارتی فضائیہ کو پہنچنے والے نقصانات اور اس کی تفصیلات پر شدید سوالات اٹھا دیے۔
سماج وادی پارٹی کے رہنما اور رکنِ پارلیمان اکھلیش یادیو نے طنز کرتے ہوئے کہا کہ بس اتنا جاننا چاہتے ہیں کہ جن طیاروں کی پوجا لیموں اور مرچ لگا کر کی گئی تھی، وہ آخر کہاں گئے؟ آپریشن سندور میں ہمارے بہترین طیارے کتنے اڑے اور کتنے واپس لوٹے؟
مزید پڑھیں: اگر ایک بھی رافیل نہیں گرا تو مودی 35 طیارے قوم کو دکھائیں، کانگریس کا بھارت سرکار کو چیلنج
لوک سبھا کے اجلاس کے دوران حکومت کی جانب سے مسلسل خاموشی اور تفصیلات فراہم نہ کرنے پر حزبِ اختلاف کے ارکان نے ایوان میں شور شرابا کیا۔ کئی ارکان نے کہا کہ حکومت صرف میڈیا پر کامیابی کے دعوے کر رہی ہے، جبکہ پارلیمان کو اصل حقائق سے لاعلم رکھا گیا ہے۔
یاد رہے کہ آپریشن سندور کے دوران بھارتی فضائیہ کو شدید جانی و مالی نقصان اٹھانا پڑا تھا۔ پاکستان نے بہترین دفاعی حکمت عملی کے تحت 6 بھارتی جنگی طیارے مار گرائے۔ تاہم بھارتی وزارتِ دفاع کی جانب سے اب تک اس کی تصدیق یا تردید نہیں کی گئی۔
مزید پڑھیں: جب تم رافیل اڑا ہی نہیں سکتے تو نئے جہاز کس لعنت کے لیے خرید رہے ہو؟ڈمی خواجہ آصف
ایوان میں اراکین کا کہنا تھا کہ عوام اور پارلیمان کو اندھیرے میں رکھنا نہ صرف جمہوری عمل کی توہین ہے بلکہ یہ اس بات کا ثبوت بھی ہے کہ مودی سرکار کو زمینی حقائق کا سامنا کرنے کا حوصلہ نہیں رہا۔ حزبِ اختلاف نے مطالبہ کیا کہ آپریشن سندور کی مکمل تحقیقات کرکے رپورٹ پارلیمان میں پیش کی جائے۔
سیاسی تجزیہ کاروں کے مطابق لوک سبھا میں اٹھنے والی یہ آوازیں نہ صرف بھارتی حکومت کی عسکری پالیسیوں پر عدم اعتماد کو ظاہر کرتی ہیں بلکہ پاکستان کی دفاعی صلاحیتوں کا غیر اعلانیہ اعتراف بھی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکھلیش یادیو بھارتی لوک سبھا پوجا رافیل سماج وادی پارٹی لیموں اور مرچ مودی سرکار
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی