ستاروں کی روشنی میں آپ کا آج (بدھ) کا دن کیسا رہے گا ؟
اشاعت کی تاریخ: 25th, June 2025 GMT
آج بروزبدھ،25جون 2025 :آج کے دن آپ کے ستارے آپ کی زندگی کے حوالے سے کیا کہتے ہیں ۔ آپ کے کیرئیر ، ملازمت، محبت، صحت، پیسے، کیریئر سے متعلق اپنے گہرے سلگتے سوالات کے جوابات تلاش کریں
برج حمل ، سیارہ مریخ، 21 مارچ سے 20 اپریل
آپ کے معاملات سیدھے ہونے کا نام ہی نہیں لے رہے۔ کوئی انجانی سی بندش تو ہے جس نے تنگ کر رکھا ہوا ہے۔ اس لئے روحانی طور پر مضبوط کریں خود کو۔
برج ثور، سیارہ زہرہ، 21 اپریل سے 20 مئی
اب جو موقع یا آفر ملے اس کو اپنے ہاتھوں سے مت جانے دیں۔ ان شاءاللہ آپ کو فائدہ ہی حاصل ہوگا اور جس بھی طرف سے امید لگا رکھی تھی وہ بھی پوری ہو سکتی ہے۔
برج جوزہ، سیارہ عطارد، 21 مئی سے 20 جون
مالی حوالے سے ان شاءاللہ بہتری کی امید ہے۔ جو لوگ آپ کو تنگ کر رہے ہیں۔ ان سے دور ہونے کا مشورہ بھی ہے، ان دنوں ویسے پرانے جھگڑے سامنے آنے کا امکان ہے۔
برج سرطان، سیارہ چاند، 21 جون سے 20 جولائی
سورة بقرہ کی تلاوت گیارہ دن پڑھنی یا پڑھانی ہے اور ساتھ میں گیارہ مرتبہ منزل بھی۔ اس سے ہر طرح کی بندش وہ جادو ٹونے جیسے معاملات سے نجات ملے گی۔
برج اسد، سیارہ شمس، 21 جولائی سے 21 اگست
اولاد کے تمام معاملات کو اچھی طرح چیک کریں جو بات آپ کو بتائی جا رہی ہے شاہد وہ ٹھیک نہیں ہے۔ آپ خود چیک کریں اور اپنے کردار کو اہم معاملات میں ادا کریں۔
برج سنبلہ ، سیارہ عطارد، 22 اگست سے 22 ستمبر.
فضول کاموں میں وقت کا ضیاع ہو رہا ہے۔ آپ اس کی قدر نہیں کر رہے اور پھر قسمت کو قصور وار ٹھہراتے ہیں۔ آج سے ہی اپنے تمام معاملات کو حل کرنے کی طرف چلیں۔
برج میزان ، سیارہ زہرہ، 23 ستمبر سے 22 اکتوبر
آپ زیادہ فکر مند نہ ہوں۔ اللہ نے چاہا تو جس مشکل میں کیوں نہ ہوں اس سے نکل جائیں گے اور بڑی ضرورت بھی پوری ہو گی جو لوگ بیمار تھے وہ صدقہ دیں بس۔
برج عقرب ، سیارہ مریخ، 23 اکتوبر سے 22 نومبر
حالات ایک دن ٹھیک رہتے ہیں اور ایک دن خراب ہو جاتے ہیں۔ جیسے کسی نے جکڑ کر رکھ دیا ہو۔ آپ اپنی نظر اتاریں۔ گوشت کے ذریعے یہ لازمی کریں، ضروری ہے۔
برج قوس ، سیارہ مشتری، 23 نومبر سے 20 دسمبر
جو لوگ کسی کے ساتھ کاروبارکرنا چاہ رہے وہ ابھی انتظار کریں اور خود چاہے چھوٹا کیوں نہ ہو اپنا کاروبار کریں۔ ان شاءاللہ فائدہ مند ہوگا۔ آج دن بہت اچھا ہے۔
برج جدی ، سیارہ زحل، 21 دسمبر سے 19 جنوری
کسی بھی بات کو سنجیدگی سے مت لیں اور زیادہ تر معاملات میں اگر درگزر سے کام لیں گے تو بہتر رہے گا۔ اگر رشتے بچانے ہیں تو ابھی اندرون خانہ مخالفت تو ہو رہی ہے، صدقہ دیں۔
برج دلو ، سیارہ زحل، 20 جنوری سے 18 فروری
ابھی ایک نیا سلسلہ بن جانے کی خبر آ رہی ہے۔ مشتری شمس کا خوبصورت ملاپ اور بھی کئی کاموں میں فائدہ دے گا اور آپ کی زندگی کو بدلنے میں بھی مددگار ہوگا۔
برج حوت ، سیارہ مشتری، 19 فروری سے 20 مارچ
اولاد کے حوالے سے اچھی خبر ہے۔ من پسند کام بھی ہو سکتا ہے اور آج آپ کو ایک نیا سلسلہ بن جانے کی اطلاع ملے گی جس سے آپ مستقبل میں فائدہ اٹھا سکیں گے۔
لاہور؛ عدالت پیشی پر جانے والے دو افراد کو فائرنگ کرکے قتل کر دیا گیا
ذریعہ
ذریعہ: Daily Ausaf
پڑھیں:
اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں،جسٹس اشتیاق ابراہیم اے این ایف پر برہم
اسلام آباد(ڈیلی پاکستان آن لائن)سپریم کورٹ میں منشیات برآمدگی کیس میں جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
نجی ٹی وی چینل دنیا نیوز کے مطابق سپریم کورٹ میں منشیات برآمدگی کیس میں ملزمہ کی درخواست ضمانت پرسماعت ہوئی،جسٹس ہاشم کاکڑ کی سربراہی میں 3رکنی بنچ نے سماعت کی،ملزمہ کے وکیل نے عدالت کے رو برو اے این ایف ریڈکی سی سی ٹی وی فوٹیج چلائی،عدالت نے سی سی ٹی وی فوٹیج کا فرانزک کروانے کا حکم دیدیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وکیل نے کہاکہ واضح دیکھا جا سکتا ہے اے این ایف اہلکار منشیات لے کر گھر آیا، خودمنشیات گھر میں رکھ کر جھوٹا کیس بنایاگیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
اے این ایف اہلکار نے فوٹیج میں موجودگی کی تردید کردی،جسٹس اشتیاق ابراہیم نے کہاکہ اے این ایف کے اسلحہ بردار اہلکار تشدد کرتے نظر آ رہے ہیں،وکیل اے این ایف نے کہاکہ یہ فوٹیج کسی اور گھر میں کئے گئے ریڈ کی ہے۔
جسٹس ہاشم کاکڑ نے کہاکہ اے این ایف کے 10اہلکار تھے مگر 2لڑکیاں پھر بھی بھاگ گئیں؟ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی،وکیل احسن بھون نے کہاکہ گارڑی کی ریکوری کا ریکارڈ بھی تبدیل کیاگیا ہے،
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں ،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
جسٹس ہاشم کاکڑ نے اے این ایف اہلکار سے مکالمہ کرتے ہوئے کہاکہ جوانی ہمیشہ نہیں رہتی، کچھ خیال کیا کریں۔سپریم کورٹ نے 5لاکھ روپے مچلکوں کے عوض ملزمہ کی ضمانت منظورکرلی۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ