روس نے بھارت کو فضائی دفاعی نظام’ایس-400‘ کی ترسیل مؤخر کردی
اشاعت کی تاریخ: 28th, June 2025 GMT
ماسکو(نیوز ڈیسک)پاکستان کے ہاتھوں رافیل کی تباہی اور بھارتی فضائیہ کی کارکردگی نے بڑے سوالات اٹھا دیے مگر مودی حکومت اپنی ہٹ دھرمی پر قائم ہے اور شرمناک شکست کو اب بھی تسلیم نہیں کررہی مگر دوسری جانب روس نے اہم فیصلہ کرتے ہوئے بھارت کو جدید ترین فضائی دفاعی نظام ’ ایس-400‘ کی ترسیل 3 سال کے لیے مؤخر کر دی ہے۔
بھارتی اخبار ٹائمز آف انڈیا کے مطابق یہ فیصلہ روسی وزیر دفاع آندرے بیلوسوف اور ان کے بھارتی ہم منصب راج ناتھ سنگھ کے درمیان ملاقات کے بعد سامنے آیا۔
یہ میزائل سسٹم 2018 کے ایک معاہدے کے تحت بھارت کو 5.
رپورٹ کے مطابق تاخیر کی بڑی وجہ روس کی یوکرین کے ساتھ جاری جنگ ہے، جس سے اس کے دفاعی سازوسامان کی برآمدات متاثر ہو رہی ہیں۔ اس تاخیر کے ساتھ ہی بھارت اور روس کے درمیان دفاعی تعاون میں بھی کمی دیکھنے میں آ رہی ہے۔
گزشتہ کچھ برسوں میں بھارت نے روس کے بجائے فرانس، جرمنی اور دیگر مغربی ممالک سے فوجی سازوسامان خریدنے کو ترجیح دی ہے۔ مثال کے طور پر 2023 میں بھارت نے روسی آبدوزوں کی بجائے جرمنی کی کمپنی سے 6 آبدوزیں خریدنے کا فیصلہ کیا، اور فرانسیسی رافیل طیاروں کی خریداری بھی اسی رجحان کا حصہ ہے۔
تجزیہ کاروں کا کہنا ہے کہ بھارت اپنی دفاعی پالیسی میں تبدیلی لا رہا ہے اور اب وہ مغربی ممالک، خاص طور پر فرانس، اسرائیل اور امریکہ سے زیادہ فوجی تعاون حاصل کر رہا ہے۔
مزیدپڑھیں:وفاقی وزرا اور وزرائے مملکت کی تنخواہ ارکان اسمبلی کے برابر کردی گئی
ذریعہ: Daily Ausaf
پڑھیں:
بھارتی کرکٹر نے مسلسل 8 چھکے لگاکر نئی تاریخ رقم کردی
بھارت(ویب ڈیسک) فرسٹ کلاس میچ کے دوران آکاش کمار چوہدری نامی بیٹر نے مسلسل 8 چھکے لگانے کے بعد 11 گیندوں پر نصف سنچری بناکر ایک ہی میچ میں دو ریکارڈ قائم کرکے تاریخ رقم کردی۔
کرکٹ ویب سائٹ ’کرک انفو‘ کے مطابق آکاش کمار چوہدری فرسٹ کلاس کرکٹ میں ایک اوور میں 6 چھکے لگانے والے دنیا کے تیسرے کھلاڑی بن گئے اور ساتھ ہی انہوں نے فرسٹ کلاس کرکٹ کی تیز ترین نصف سنچری بھی اسکور کی۔
بھارتی بلے باز نے مسلسل 8 چھکوں کی مدد سے انجام دیا اور صرف 11 گیندوں پر اپنی نصف سینچری مکمل کرکے یہ کارنامہ انجام دیا۔
دراصل، آکاش چوہدری بلے باز نہیں بلکہ فاسٹ باؤلر ہیں جنہوں نے رنجی ٹرافی پلیٹ گروپ کے میچ میں اروناچل پردیش کے خلاف سورت ایک میچ کے دوران یہ کارنامہ اس وقت انجام دیا جب میگھالیہ کی ٹیم 6 وکٹوں پر 576 رنز بنا چکی تھی۔
فاسٹ باؤلر آکاش چوہدری نمبر 8 پر بیٹنگ کے لیے آئے اور انہوں نے اپنی اننگز کا آغاز ایک ڈاٹ اور 2 سنگلز سے کیا، اس کے بعد لیفٹ آرم اسپنر لیمر ڈابی کے ایک ہی اوور میں 6 چھکے لگا دیے، یوں وہ ان عظیم کھلاڑیوں کے کلب میں شامل ہو گئے جنہوں نے ایک ہی اوور میں 6 چھکے لگائے تھے جن میں صرف گیری سوبرز اور روی شاستری شامل ہیں۔
آکاش چوہدری نے اگلے اوور میں آف اسپنر ٹی این آر موہت کی لگاتار 2 گیندوں پر چھکے لگا کر اپنی نصف سنچری مکمل کی اور یوں انہوں نے لیکاسٹرشائر کے وین وائٹ کا 2012 میں ایسیکس کے خلاف بنایا گیا 12 گیندوں پر نصف سینچری کا ریکارڈ ایک گیند سے توڑا۔
25 سالہ آکاش چوہدری کے باؤلنگ میں بھی اعدادوشمار شاندار ہیں وہ 87 وکٹیں فرسٹ کلاس کرکٹ میں 37 وکٹیں لسٹ-اے میچوں میں اور اور 28 وکٹیں ٹی20 مقابلوں میں لے چکے ہیں۔
پنجاب اسمبلی غیر قانونی بھرتی کیس: پرویز الہی کی حاضری معافی کی درخواست منظور