دلجیت اور ہانیہ کی فلم ’سردار جی 3‘ پاکستانی سنیما پر نئے ریکارڈ کیساتھ چھا گئی
اشاعت کی تاریخ: 29th, June 2025 GMT
پنجابی فلم انڈسٹری کی مقبول سیریز ’سردار جی‘ کی تیسری قسط ’سردار جی 3‘ نے پاکستان میں ریلیز کے پہلے ہی دن دھوم مچا دی۔
یہ بھی پڑھیں:دلجیت دوسانجھ اور ہانیہ عامر کی فلم ’سردار جی 3‘ کا ٹریلر ریلیز، نادیہ خان کا یوٹرن
فلم نے ریلیز کے پہلے دن تقریباً 3.5 کروڑ روپے کی کمائی کر کے پاکستانی باکس آفس پر سب سے زیادہ کمائی کرنے والی بھارتی فلموں کی فہرست میں سب کو پیچھے چھوڑ دیا، یہاں تک کہ سلمان خان کی بلاک بسٹر ’سلطان‘ کو بھی۔
یہ فلم 27 جون کو پاکستان میں نمائش کے لیے پیش کی گئی، جہاں مداحوں نے اسے ہاتھوں ہاتھ لیا۔ بھارتی میڈیا کے مطابق، فلم کی یہ اوپننگ دنیا بھر میں بھی شاندار رہی اور اسے دلجیت دوسانجھ کے کیریئر کی سب سے بڑی کامیابیوں میں شمار کیا جا رہا ہے۔
ہانیہ عامر کی شرکت اور بھارتی تنازعفلم کی کامیابی کے باوجود ایک بڑا تنازع اس کے ساتھ جڑا ہوا ہے، فلم میں پاکستان کی اداکارہ ہانیہ عامر کی موجودگی کے باعث بھارت میں اسے ریلیز نہیں کیا گیا۔
یہ بھی پڑھیں:سردار جی 3 کی پابندی کے مطالبے پر دلجیت دوسانجھ نے خاموشی توڑ دی، اہم بیان سامنے آگیا
بھارتی ہندو انتہا پسند حلقوں نے فلم پر سخت تنقید کی اور ہانیہ عامر کے ساتھ دلجیت دوسانجھ کی تصاویر وائرل ہونے پر فلم کی ریلیز روکی گئی۔
فلم کے پروڈیوسرز کے مطابق بھارت میں نمائش نہ ہونے کی وجہ سے انہیں تقریباً 40 فیصد ریونیو کا نقصان ہوا ہے، جو خاص طور پر اس لیے تشویشناک ہے کیونکہ ان کی پچھلی فلم ’جٹ اینڈ جولیٹ 3‘ نے دنیا بھر میں 100 کروڑ روپے سے زیادہ کا بزنس کیا تھا۔
پاکستانی ناظرین کا زبردست ردعملاگرچہ بھارت میں فلم کو روکا گیا، مگر پاکستانی شائقین نے اسے بھرپور انداز میں خوش آمدید کہا۔ سنیما گھروں میں ’سردار جی 3‘ کے تمام شوز ہاؤس فل جا رہے ہیں اور فلم کو زبردست پذیرائی حاصل ہو رہی ہے۔
بھارت میں پابندی اور سیاسی تنازعے کے باوجود، ’سردار جی 3‘ نے پاکستانی باکس آفس پر شاندار آغاز کیا ہے۔ یہ فلم نہ صرف دلجیت دوسانجھ کی اسٹار پاور کی عکاسی کرتی ہے بلکہ یہ بھی واضح کرتی ہے کہ پاکستان میں اچھی کہانی، کامیڈی اور تفریح کو ہمیشہ پذیرائی ملتی ہے، چاہے سرحد کے اُس پار کیا ہو رہا ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا پاکستانی سنیما دلجیت دوسانجھ سردار جی 3 ہانیہ عامر.
ذریعہ
ذریعہ: WE News
کلیدی لفظ: انڈیا پاکستانی سنیما دلجیت دوسانجھ ہانیہ عامر دلجیت دوسانجھ ہانیہ عامر بھارت میں
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ