روس کی جاپان کے سمندر میں بحری مشقیں جاری، کروز میزائیلوں سے فرضی اہداف کو نشانہ بنایا
اشاعت کی تاریخ: 30th, June 2025 GMT
روس کی جاپان کے سمندر میں بحری مشقیں جاری ہیں، مشقوں میں روس نے دشمن کے فرضی بحری اہداف کو نشانہ بنایا ہے۔
یہ بھی پڑھیں: روس کا یوکرین پر بڑا فضائی حملہ، یوکرینی ایف 16 جہاز تباہ، پائلٹ بھی ہلاک
روسی وزارتِ دفاع کے حوالے سے سرکاری خبر رساں ادارے ٹی اے ایس نے بتایا کہ روس نے جاپان کے سمندر میں بحری مشقوں کے دوران کروز میزائلوں سے دشمن کے فرضی بحری اہداف کو کامیابی سے نشانہ بنایا ہے، مشقوں میں روس کے پیسفک فلیٹ کی جنگی کشتیاں اور ساحلی میزائل سسٹمز شامل تھے، جنہوں نے مشترکہ طور پر میزائل حملہ کرتے ہوئے دشمن جہازوں کی فرضی موجودگی کو ہدف بنایا۔
روسی وزارت دفاع کے مطابق مشقوں کے دوران ’تمام اہداف کو کامیابی سے نشانہ بنایا گیا۔‘ پیسفک فلیٹ کے فلیگ شپ ‘واریاگ’ میزائل کروز بحری جہاز نے وولکان اینٹی شپ کروز میزائل کا براہ راست تجربہ کیا، 2 میزائل بوٹ گروپس نے 4 ‘موسکٹ کروز میزائل داغے۔
خشکی پر موجود ‘باسٹین’ کوسٹل میزائل سسٹم نے ایک ‘اونیکس’ اینٹی شپ میزائل فائر کیا۔
یہ بھی پڑھیں: روس نے بھارت کو ایس-400 میزائل سسٹمز کی ترسیل روک دی، وجہ کی بنی؟
رپورٹ کے مطابق میزائلوں کی فائرنگ سے قبل علاقے کو شہری بحری جہازوں اور فضائی ٹریفک کے لیے بند کردیا گیا تھا۔
یاد رہے کہ روس کی جانب سے یہ مشقیں ایسے وقت میں کی گئیں جب مشرقی ایشیا میں کشیدگی میں اضافہ دیکھا جارہا ہے، اور روس علاقائی طاقتوں کے ساتھ اپنے فوجی تعاون کو مزید مضبوط بنا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بحری مشقیں جاپان روس سمندر کروز میزائیل.ذریعہ: WE News
کلیدی لفظ: جاپان کروز میزائیل نشانہ بنایا اہداف کو
پڑھیں:
روسی بحری جہاز 5 روزہ خیرسگالی دورے پر بنگلہ دیش پہنچ گیا
روسی بحری جہاز گریمیایشچی پیر کو چٹ گرام بندرگاہ پہنچا جہاں یہ بنگلہ دیش اور روس کے درمیان بحری تعاون کو مضبوط کرنے کے لیے 5 روزہ خیرسگالی دورے پر ہے۔
یہ بھی پڑھیں: حسینہ واجد کی سزا پر عالمی ماہر کا تبصرہ، بنگلہ دیش میں سیاسی اثرات کا امکان
جہاز کی آمد پر چٹ گرام نیول ایریا کے کمانڈر کی جانب سے چیف اسٹاف آفیسر نے افسران اور عملے کا استقبال کیا۔
باضابطہ پروٹوکول کے مطابق بنگلہ دیش نیوی کے سیریمنیئل بینڈ نے پرفارمنس دی۔
روس کے دفاعی اٹاشی اور اعلیٰ بنگلہ دیشی نیوی اہلکار بھی موجود تھے تاکہ دورے پر آئے عملے کو خوش آمدید کہا جا سکے۔
جہاز کے بنگلہ دیش کی بحری حدود میں داخل ہونے سے قبل بی این ایس عمر فاروق نے باضابطہ طور پر اس کا استقبال اور اس کی اسکورٹ کی۔
دورے کے دوران گرامیایشچی کے کمانڈنگ آفیسر اور روس کے ملٹری اٹاشی، اپنے وفد کے ہمراہ، چٹ گرام نیول ایریا کے کمانڈر، بی این فلیٹ کے کمانڈر، ایریا سپرنٹنڈنٹ ڈاک یارڈ اور چٹ گرام پورٹ اتھارٹی کے چیئرمین سے ملاقات کریں گے۔
مزید پڑھیے: اگر پابندی نہیں ہٹی تو بنگلہ دیش میں الیکشن نہیں ہونے دیں گے، حسینہ واجد کے بیٹے کی دھمکی
روسی افسران اور عملہ ریڈکن پوائنٹ میں بنگلہ دیش نیول اکیڈمی پر پھولوں کی چادر رکھنے، بحری جہازوں اور بیسز کے دورے اور مختلف تاریخی اور ثقافتی مقامات کے مشاہدے کے لیے بھی جائیں گے۔ بنگلہ دیش نیوی کے اہلکار بھی روسی جہاز کا دورہ کریں گے۔
حکام کا کہنا ہے کہ یہ دورہ دونوں بحریہ کے اہلکاروں کو ایک دوسرے کے آپریشنز کا مشاہدہ کرنے، پیشہ ورانہ تجربات بانٹنے اور مہارتیں سیکھنے کا موقع فراہم کرے گا جس سے باہمی تعاون اور سمجھ بوجھ میں اضافہ ہوگا۔ روس نے ماضی میں بھی بنگلہ دیش کے لیے دوستانہ مشن کے تحت بحری جہاز بھیجے ہیں۔
مزید پڑھیے: بنگلہ دیش اور قطر کے درمیان دفاعی تعاون کے نئے دور کا آغاز، اہم معاہدے پر دستخط
توقع ہے کہ روسی جہاز 21 نومبر 2025 کو بنگلہ دیش سے روانہ ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش روسی بحری جہاز گریمیایشچی
امریکی ایوانِ نمائندگان میں تاریخی شٹ ڈاؤن ختم کرنے کے معاہدے پر آج ووٹنگ ہوگی