’پرتگالی ہوں، لیکن سعودی عرب سے ہوں‘ رونالڈو کا النصر کے ساتھ نئی کامیابیوں کا عزم
اشاعت کی تاریخ: 1st, July 2025 GMT
عالمی شہرت یافتہ فٹبالر کرسٹیانو رونالڈو نے سعودی فٹبال کلب النصر کے ساتھ اپنے مستقبل، سعودی پرو لیگ کی ترقی، اور مملکت کے ساتھ طویل المدتی وابستگی پر گفتگو کرتے ہوئے اعلان کیا ہے کہ یہ النصر کی تاریخ کا سب سے کامیاب سیزن ہوگا۔
النصر کلب کے آفیشل سوشل میڈیا اکاؤنٹ پر جاری کیے گئے انٹرویو کلپس میں رونالڈو نے کہا کہ ہم بہت سی چیزیں بدلنے جا رہے ہیں۔ میں النصر پر، اور اس کے شائقین پر یقین رکھتا ہوں۔ یہ سیزن ہمارا سب سے بہترین ہو گا، اور ہم کچھ بہت اہم جیتنے جا رہے ہیں۔
The Story continues.
pic.twitter.com/XV8WoOREeB
— AlNassr FC (@AlNassrFC_EN) June 26, 2025
گزشتہ ہفتے رونالڈو نے النصر کے ساتھ اپنے معاہدے میں توسیع کی تھی، جو اب انہیں 42 سال کی عمر کے بعد بھی کلب کی نمائندگی کا موقع دے گا۔ وہ اب تک النصر کی جانب سے 105 میچز میں 93 گول کر چکے ہیں۔
مزید پڑھیں: کرسٹیانو رونالڈو کا بڑا فیصلہ، دنیا بھر میں مداح خوشی سے جھوم اٹھے
رونالڈو نے سعودی پرو لیگ کو مسابقتی اور عالمی سطح پر ابھرتی ہوئی لیگ قرار دیا۔ ان کا کہنا تھا کہ مجھے خوشی ہے کہ یہ لیگ بہت زیادہ مسابقتی ہے، اور میں اس پروجیکٹ پر یقین رکھتا ہوں، نہ صرف اگلے 2 برس کے لیے بلکہ 2034 تک، جب سعودی عرب میں ورلڈ کپ ہوگا، جو میرے خیال میں تاریخ کا سب سے خوبصورت ورلڈ کپ ہوگا۔
یاد رہے کہ FIFA ورلڈ کپ 2034 پہلی بار ایک ہی میزبان ملک میں 48 ٹیموں کے درمیان منعقد ہو گا، جس کے میچز ریاض، جدہ، خبیر، ابہا اور نیوم میں کھیلے جائیں گے۔
رونالڈو نے سعودی ولی عہد شہزادہ محمد بن سلمان کو تبدیلی کا معمار قرار دیتے ہوئے کہا کہ ولی عہد نے حیرت انگیز کام کیا ہے۔ وہ اس ملک میں تبدیلی کے عمل میں سب سے اہم شخصیت ہیں، اور ہمیں ان اور ان کی ٹیم کو سراہنا چاہیے۔ مستقبل روشن ہے کیونکہ ترقی کی رفتار بہت تیز ہے۔
مزید پڑھیں: کرسٹیانو رونالڈو نے مسلسل تیسرے سال کون سا اعزاز اپنے نام کیا؟
رونالڈو نے اس بات کی تصدیق کی کہ ان کے ارادے صرف فٹبال تک محدود نہیں، بلکہ وہ سعودی عرب کی ترقی میں ہر شعبے میں کردار ادا کرنا چاہتے ہیں، کہا میں 2 سال مزید بطور فٹبالر رہوں گا، لیکن میری وابستگی زندگی بھر کے لیے ہے۔ میرا کردار صرف کھیل تک محدود نہیں، میں سعودی عرب کی مجموعی ترقی کا حصہ بننا چاہتا ہوں۔
بات ختم کرتے ہوئے انہوں نے کہا کہ میں پرتگالی ہوں، لیکن میں سعودی عرب سے ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: رونالڈو نے کے ساتھ
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
بھارت سے جنگ اور افغانستان میں کارروائی خارج ازامکان نہیں، وزیردفاع