بلوچستان: مسلح افراد کا لیویز لائن پر حملہ، 2حملہ آور ہلاک 3زخمی
اشاعت کی تاریخ: 1st, July 2025 GMT
بلوچستان کے ضلع مستونگ میں نامعلوم مسلح افراد نے لیویز لائن پر حملہ کر دیا، فائرنگ کے دوران 16 سالہ نوجوان جاں بحق، سات افراد زخمی جبکہ جوابی کارروائی کے نتیجے میں 2 حملہ آور ہلاک اور 3 زخمی ہو گئے۔
سی ٹی ڈی کے ذرائع کے مطابق مستونگ بازار میں 20 سے زائد مسلح افراد نے لیویز لائن پر حملہ کیا، اس دوران مسلح افراد نے فائرنگ کی۔ لیویز لائن میں موجود لیویز اہلکاروں اور مسلح افراد میں فائرنگ کا تبادلہ ہوا، زخمی ہونے والے حملہ آور موقع سے فرار ہو گئے تھے، حملہ آور آماچ پہاڑی سلسلے میں فورسز سے فائرنگ کے تبادلے میں مارے گئے۔
مسلح افراد نے لیویز لائن کے احاطے میں کھڑی کئی گاڑیوں کو نذر آتش کر دیا۔
واقعے کی اطلاع ملنے پر پولیس ایف سی اور دیگر قانون نافذ کرنے والے اداروں کے اہلکار موقع پر پہنچ گئے تاہم اس دوران حملہ آور مستونگ لیویز لائن میں فائرنگ کرتے ہوئے ریکارڈ کو نذر آتش کر کے فرار ہونے میں کامیاب ہوگئے۔
پولیس انتطامیہ کے مطابق حملہ آوروں نے ایک بینک کو بھی لوٹا اور وہاں بھی عملے کو یر غمال بنا کر ریکارڈ نذرآتش کردیا۔
بلوچستان حکومت کے ترجمان بیاندوسری جانب بلوچستان حکومت کے ترجمان شاہد رند کا کہنا ہے کہ مستونگ میں فتنہ الہندوستان نے بینک، تحصیل آفس اور دفاتر پر حملہ کیا، دہشتگردوں کی فائرنگ سے 16 سال کا نوجوان جاں بحق اور 7 افراد زخمی ہوئے، ایف سی، سی ٹی ڈی، لیویز نے علاقے کا محاصرہ کیا اور دہشتگردوں کے خلاف کامیاب جواب کارروائی کی۔
بلوچستان حکومت کے ترجمان کے مطابق سیکیورٹی فورسز نے دہشتگردوں کو گھیرے میں لے لیا جس کے بعد شدید فائرنگ کا تبادلہ ہوا، فائرنگ کے تبادلے میں 2 دہشت گرد مارے گئے جبکہ 3 زخمی ہوئے۔
شاہد رند کے مطابق علاقے میں موجود دہشت گردوں کے خلاف بھرپور کارروائی کی جاری ہے، سیکیورٹی فورسز کا فوری رسپانس جانی نقصان بڑھنے سے روکنے میں مؤثر رہا، حملے کے مقام پر فورسز نے منظم انداز میں کلیئرنس آپریشن شروع کر دیا۔
بلوچستان حکومت کے ترجمان کا کہنا ہےکہ شہریوں کے تحفظ اور دہشتگردوں کی گرفتاری کے لیے انٹیلیجنس بنیادوں پر کارروائی جاری ہے، سیکیورٹی اداروں نے حملہ آوروں کے سہولت کاروں کی تلاش بھی شروع کر دی ہے۔
.ذریعہ: Jang News
کلیدی لفظ: بلوچستان حکومت کے ترجمان مسلح افراد نے لیویز لائن حملہ آور کے مطابق پر حملہ
پڑھیں:
کراچی: 15 افراد نے گھر میں گھس کر ایک شخص کو قتل کر دیا
کراچی:گلشن معمار کے علاقے ناردرن بائی پاس کے قریب گھر میں منگل اور بدھ کی درمیانی شب فائرنگ سے ایک شخص زخمی ہوگیا جسے طبی امداد کے لیے جناح اسپتال منتقل کیا گیا۔
پولیس کے مطابق زخمی ہونے والا شخص جناح اسپتال میں دوران علاج زخموں کی تاب نہ لاتے ہوئے جاں بحق ہوگیا، ایس ایچ او گلشن معمار انسپکٹر غلام یاسین نے بتایا کہ مقتول کی شناخت 40 سالہ نور بہادر ولد حیات خان کے نام سے کی گئی ، مقتول کا آبائی تعلق مہمند ایجنسی خیبر پختونخوا سے تھا ، مقتول چند روز قبل اپنے رشتے دار کے انتقال پر فاتحہ کے لیے اپنے رشتے دار وقاص کے گھر آیا تھا ، وقاص کا لکڑیوں کا ٹال ہے۔
انہوں نے بتایا کہ واقعے کے وقت منگل اور بدھ کی درمیانی شب تقریباً چار بجے پانچ سے چھ مسلح افراد آئے اور اوطاق ( مہمان خانے ) کے دروازے پر دستک دی وقاص نے دروازہ کھولا تو مسلح افراد اوطاق میں داخل ہوگئے اور پوچھا کہ یہ کون سویا ہوا ہے۔
وقاص نے بتایا کہ میرا مہمان ہے اور مہمند ایجنسی سے آیا ہے ، مسلح افراد نے کہا کہ اسے جگاؤ پہلے وقاص نے اٹھانے سے منع کیا، تاہم اسلحہ کے آگے مجبور ہو کر اپنے رشتے دار کو جگانے کے لیے اس کا نام نور بہادر لے کر آواز دی اور پھر وہ جیسے ہی نیند سے بیدار ہوا مسلح افراد نے فائرنگ کر کے اسے گولیاں ماریں اور اسلحہ لہراتے ہوئے وہاں سے چلے گئے۔
ابتدائی تحقیقات کے مطابق واقعہ ذاتی رنجش کا شاخسانہ ہے جبکہ مقتول کے رشتے دار کا کہنا تھا کہ 15 سے زائد ڈاکو اس کے گھر میں داخل ہوئے اور مزاحمت کرنے پر فائرنگ کردی۔
مقتول کے رشتے دار کا کہنا تھا کہ واقعے کے بعد مددگار 15 پر کال کرنے کے باوجود پولیس نہ جائے وقوعہ پر نہیں پہنچی اور نہ ہی صبح 8 بجے تک پولیس اسپتال پہنچی ، مقتول کی لاش قانونی کارروائی کے بعد مہمند ایجنسی لے جائی گئی۔
سابق گورنر پنجاب کے روپ میں فراڈ کرنے والے ملزمان گرفتار