جنوبی افریقا کو زمبابوے کے خلاف دوسرے ٹیسٹ سے قبل بڑا دھچکا، کیشو مہاراج سیریز سے باہر
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
ہرارے: جنوبی افریقا کے تجربہ کار اسپنر کیشو مہاراج انجری کے باعث زمبابوے کے خلاف جاری ٹیسٹ سیریز سے باہر ہوگئے ہیں۔
تفصیلات کے مطابق جنوبی افریقی کرکٹ ٹیم کو زمبابوے کے خلاف جاری ٹیسٹ سیریز کے دوسرے اور فیصلہ کن معرکے سے قبل ایک بڑا دھچکا اس وقت لگا، جب عبوری کپتان اور تجربہ کار اسپنر کیشو مہاراج گروئن انجری کا شکار ہوکر سیریز سے باہر ہوگئے۔
میڈیا رپورٹس کے مطابق تفصیلات کے مطابق بائیں ہاتھ کے اسپنر کیشو مہاراج کو بولاوایو ٹیسٹ کے تیسرے دن بیٹنگ کرتے ہوئے بائیں گروئن میں تکلیف محسوس ہوئی، جس کے بعد طبی معائنے کی غرض سے وہ فوری طور پر جنوبی افریقہ روانہ ہو رہے ہیں۔
ٹیم مینجمنٹ کے مطابق کیشو مہاراج کی انجری کی نوعیت کا مکمل جائزہ وطن واپسی پر لیا جائے گا، مہاراج کی غیر موجودگی میں آل راؤنڈر ویان ملڈر کو دوسرے ٹیسٹ میچ کے لیے قیادت سونپ دی گئی ہے، جو اتوار سے شروع ہوگا۔
دوسری جانب جنوبی افریقی کی ٹیم انتظامیہ نے سینیورن متھوسامی کو اسکواڈ میں کیشو مہاراج کے متبادل کے طور پر شامل کر لیا ہے۔
جنوبی افریقی ٹیم نے سیریز کے درمیان تیز گیند باز لنگی نگیدی کو اسکواڈ سے ریلیز کرنے کا فیصلہ بھی کیا ہے۔ یہ اقدام ان نوجوان فاسٹ بولرز کو مزید مواقع دینے کے لیے کیا گیا ہے، جنہوں نے پہلے ٹیسٹ میں نمایاں کارکردگی کا مظاہرہ کیا تھا۔
یاد رہے کہ جنوبی افریقہ نے زمبابوے کے خلاف ابتدائی ٹیسٹ میں شاندار کھیل پیش کرتے ہوئے کوئنز اسپورٹس کلب میں 328 رنز سے فتح حاصل کی تھی اور سیریز میں ایک صفر کی برتری حاصل کی ہے۔
.
ذریعہ
ذریعہ: Jasarat News
کلیدی لفظ: زمبابوے کے خلاف کیشو مہاراج کے مطابق
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
پاکستان نے ورلڈ کپ 2028 کیلیے براہ راست کوالیفائی کر لیا