بھارت کیخلاف شاندار کارکردگی دکھانے والے جیمی اسمتھ پر آئی پی ایل کے دروازے بند
اشاعت کی تاریخ: 7th, July 2025 GMT
بھارت کیخلاف دوسرے ٹیسٹ میں شاندار بیٹنگ پرفارمنس دینے والے انگلینڈ کے نوجوان وکٹ کیپر بیٹر جیمی اسمتھ پر آئی پی ایل کے دروازے بند کردیے گئے۔
جیمی اسمتھ نے ایجبسٹن ٹیسٹ میں بھارت کے خلاف پہلی اننگز میں ناقابل شکست 184 اور دوسری اننگز میں 88 رنز بنائے تھے۔
بھارت کے خلاف تیسرے دن انگلش ٹیم جب 84 رنز پر 5 وکٹیں گنوا چکی تھی تو جیمی اسمتھ کی ناقابل شکست 184 رنز کی شاندار اننگز ٹیم کو بحران سے نکالنے میں مددگار ثابت ہوئی۔
کرکٹ ماہرین کا خیال تھا کہ 2026 کے آئی پی ایل منی آکشن میں جیمی اسمتھ ایک بڑے معاہدے کے مضبوط امیدوار ہوں گے کیونکہ وہ نہ صرف جارح مزاج بیٹر ہیں بلکہ وکٹ کیپنگ کی صلاحیت بھی رکھتے ہیں۔
مگر اچانک دھچکا — آئی پی ایل کا نیا قانون آڑے آ گیا
آئی پی ایل گورننگ کونسل نے 2025 کے میگا آکشن سے قبل نیا قانون متعارف کروایا ہے جس کے مطابق وہ غیر ملکی کھلاڑی جو 2025 کے میگا آکشن میں رجسٹر نہیں ہوں گے، انہیں 2026 کے منی آکشن میں شامل ہونے کی اجازت نہیں دی جائے گی۔
یہ قانون اس لیے بنایا گیا تاکہ غیر ملکی کھلاڑیوں کی جانب سے میگا آکشن کو چھوڑ کر صرف منی آکشن میں شرکت کر کے زیادہ معاوضہ حاصل کرنے کی حکمت عملی کو روکا جا سکے۔
چونکہ جیمی اسمتھ نے 2025 میگا آکشن کے لیے رجسٹریشن نہیں کرائی تھی اس لیے اب وہ 2026 کے آئی پی ایل منی آکشن میں حصہ لینے کے اہل نہیں رہے، کرکٹ مداحوں اور فرنچائزز نے اس فیصلے پر مایوسی کا اظہار کیا ہے۔
Post Views: 3.ذریعہ: Daily Mumtaz
کلیدی لفظ: جیمی اسمتھ آئی پی ایل میگا آکشن
پڑھیں:
چترال سے نکلنے والے دریائے کنڑ پر بھارت کی افغان طالبان کو ڈیم بنانے میں مدد کی پیشکش
data-id="863a0a8" data-element_type="widget" data-widget_type="theme-post-content.default">
بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔
غیرملکی خبرایجنسی کے مطابق گزشتہ دنوں افغانستان میں برسراقتدار طالبان رجیم کے سپریم لیڈر ملا ہیبت اللہ اخوندزادہ نے وزارت توانائی کو چترال سے نکلنے والے دریائے کنڑ پر جلد از جلد ڈیم کی تعمیر شروع کرنے کا حکم دیا تھا۔
افغان میڈیا کے مطابق سپریم لیڈر ملا ہیبت اللہ اخوندزادہ نے کہا تھا کہ ڈیم کیلئے ملکی کمپنیوں کے ساتھ معاہدے کیے جائیں اور غیر ملکی کمپنیوں کا انتظار نہ کیا جائے۔
اب بھارت نے چترال سے نکلنے والے دریائے کنڑ پر افغان طالبان کی جانب سے ڈیم بنانے میں مدد کی پیشکش کردی۔
بھارتی وزارت خارجہ کے ترجمان رندھیر جیسوال نے ہفتہ وار پریس کانفرنس میں ایک سوال کے جواب میں کہا کہ بھارت ہائیڈروالیکٹرک پروجیکٹس کی تعمیر میں افغانستان کی مدد کیلئے تیار ہے، دونوں ممالک میں پانی سے متعلق معاملات میں تعاون کی ایک تاریخ ہے، ہرات میں سلما ڈیم کی مثال موجود ہے۔
دوسری جانب افغان طالبان نے بھارتی اعلان کا خیرمقدم کیا اور قطر میں طالبان کے سفیر سہیل شاہین نے دی ہندو سے گفتگو میں کہا کہ دونوں ممالک کے درمیان تعاون کے بہت سے مواقع موجود ہیں۔
خیال رہے کہ دریائے کنڑ چترال سے نکلتا ہے اور تقریباً 482 کلومیٹر کا سفر طے کرنے کے بعد دریائے کابل میں شامل ہو کر واپس پاکستان آتا ہے۔
عمر ایوب‘ شبلی فراز کی نااہلی سے متعلق اپیلیں عدالت عظمیٰ سے واپس لے لی گئیں