مادرِ ملت فاطمہ جناح: وقار، وفا اور عزم کی تابندہ علامت
اشاعت کی تاریخ: 9th, July 2025 GMT
محترمہ فاطمہ جناح، وہ نام جو محض قائداعظم کی ہمشیرہ ہی نہیں، بلکہ پاکستان کے سیاسی، فکری اور اخلاقی سفر کی روشن ترین مثال بن کر ابھرا۔ وہی فاطمہ جناح، جنہیں قوم نے مادرِ ملت کا عظیم لقب عطا کیا، جنہوں نے اپنی نجی زندگی کو قومی مفاد پر قربان کرکے تاریخ میں اپنا نام سنہری حروف سے رقم کیا۔
31 جولائی 1893 کو کراچی میں پیدا ہونے والی فاطمہ جناح نے کم سنی میں ماں کی شفقت سے محروم ہوکر ایک مضبوط اور باوقار شخصیت کی بنیاد رکھی۔ قائداعظم محمد علی جناح اس وقت اعلیٰ تعلیم کے لیے لندن میں تھے۔ بڑی بہن نے پرورش کی ذمہ داری سنبھالی، مگر جیسے ہی محمد علی واپس آئے، فاطمہ کے لیے زندگی ایک نئے سفر پر روانہ ہو گئی۔ ایک ایسا سفر جو اُنہیں محض ایک فرد نہیں بلکہ ایک نظریے کی ساتھی اور مستقبل کی مادرِ ملت بنا گیا۔
ابتدائی تعلیم گھر پر حاصل کی، پھر انگریزی تعلیم کے لیے داخلہ لیا تو خاندان کی مخالفت کا سامنا کیا، مگر بھائی کے حوصلے اور اپنی استقامت سے آگے بڑھتی گئیں۔ محمد علی جناح کی مدبرانہ تربیت نے فاطمہ جناح کی شخصیت کو نکھار دیا۔ وہ نظم و ضبط، سچائی، اخلاق اور علم دوستی میں نمایاں رہیں۔ 1913 میں سینئر کیمبرج کا امتحان امتیازی نمبروں سے پاس کیا اور پھر کلکتہ کے ڈینٹل کالج سے 1922 میں دندان سازی کی تعلیم مکمل کی۔
مزید پڑھیں: فاطمہ جناح کی تقریر اور کتاب کس نے سنسر کی؟
محمد علی جناح کی زندگی میں فاطمہ جناح کی موجودگی محض خاندانی نہیں بلکہ انقلابی تھی۔ جب رتی جناح کا انتقال ہوا، فاطمہ بھائی کا سہارا بن گئیں۔ وہ صرف ان کی بہن نہ تھیں بلکہ روحانی طاقت، فکری ساتھی اور سیاسی مشیر بھی تھیں۔ قائداعظم نے انہیں جنرل کونسل کہا، کیونکہ ہر اہم فیصلہ اُن کی رائے کے بغیر مکمل نہ ہوتا۔
1935 میں قائداعظم کے ساتھ سیاسی عمل کا باقاعدہ آغاز کیا۔ مسلم خواتین کو جگانے کا بیڑا اٹھایا۔ ان کے خطاب عوامی بیداری کے استعارے بن گئے۔ مسلم لیگ کے جلسوں میں پیش پیش رہیں۔ خواتین کو تعلیم، خود مختاری اور سیاسی شعور کے اسباق دیے۔ انھیں بتایا کہ قوموں کی تقدیر اُس وقت سنورتی ہے جب ان کی بیٹیاں بھی فکر، علم اور قیادت کے میدان میں قدم رکھتی ہیں۔
برصغیر کے طول و عرض میں قائداعظم کے ساتھ دورے کیے۔ مسلم خواتین کے ذہنوں میں امید، یقین اور مقصد کا چراغ روشن کیا۔ مسلم لیگ کی رکن رہیں، خواتین ونگ کو منظم کیا۔ ان کے خطابات، مینابازار کے افتتاح، طالبات کی رہنمائی اور سیاسی تنظیموں میں شرکت، یہ سب تحریکِ پاکستان کے اہم گوشے ہیں جن کے بغیر تاریخ ادھوری ہے۔
قائداعظم خود فرماتے تھے کہ فاطمہ نہ صرف میری حوصلہ افزائی کرتی ہے بلکہ میرے بیانات میں اس کی رائے ہمیشہ شامل ہوتی ہے۔ وہ اُن کی رازدار، ہمراز، مشیر اور مشن کی محافظ تھیں۔ وہ گولیوں کی بوچھاڑ میں بھی برادر کے ساتھ رہیں۔ ان کا اخلاص، استقامت اور ایثار ناقابلِ فراموش ہے۔
مزید پڑھیں: فاطمہ جناح کی وصیت کے مطابق موہٹہ پیلس کو گرلز ڈینٹل کالج بنانا قرار پا گیا
فاطمہ جناح نے ہمیشہ خواتین کو باور کرایا کہ قوم کی تعمیر میں اُن کا کردار مردوں سے کم نہیں۔ وہ تعلیم نسواں، بالغ تعلیم، معاشی خود کفالت اور سیاسی شرکت کی داعی تھیں۔ ان کی تقاریر آج بھی ہمارے لیے نسخۂ کیمیا ہیں۔
محترمہ فاطمہ جناح 9 جولائی 1967 کو 73 برس کی عمر میں کراچی میں اپنی رہائش گاہ پر مردہ حالت میں پائی گئیں۔ آپ کا مرقد قائداعظم کے مزار کے احاطے میں ہے، پاکستانی قوم ان کی لازوال خدمات پر انہیں آج بھی سلام پیش کرتی ہے۔
فاطمہ جناح صرف ایک فرد نہیں، ایک ادارہ تھیں۔ اُنہوں نے تاریخ کے ہر دور میں خواتین کو آواز، حیثیت اور وقار دیا۔ آج جب ہم سیاسی اضطراب، اخلاقی زوال اور فکری پسماندگی کے دور میں ہیں، تو مادرِ ملت کی زندگی ایک عہدِ نو کی نوید دے سکتی ہے شرط صرف یہ ہے کہ ہم اُن کے جذبے کو اپنائیں، اُن کی جدوجہد کو اپنی راہ کا چراغ بنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 جولائی قائداعظم مادر ملت محترمہ فاطمہ جناحؒ.
ذریعہ
ذریعہ: WE News
کلیدی لفظ: 9 جولائی مادر ملت محترمہ فاطمہ جناح فاطمہ جناح کی اور سیاسی خواتین کو محمد علی کے لیے
پڑھیں:
چیئرمین وزیراعظم یوتھ پروگرام رانا مشہود احمد خاں کا امریکہ کی معروف یونیورسٹیوں کا دورہ
سٹی 42: چیئرمین وزیراعظم یوتھ پروگرام رانا مشہود احمد خاں نے امریکہ کی معروف یونیورسٹیوں کا دورہ کیا ۔
یونیورسٹی آف شکاگو کا دورہ
چیئرمین رانا مشہود احمد خاں نے کہا وزیراعظم یوتھ پروگرام نوجوانوں کو تعلیم، ہنر، روزگار اور عالمی مواقع سے جوڑنے کے لیے مؤثر اقدامات کر رہا ہے، ڈیجیٹل مہارتوں، قیادت اور کاروباری صلاحیتوں کے فروغ کے لیے عالمی اداروں کے ساتھ تعاون نوجوانوں کے روشن مستقبل کے لیے ضروری ہے۔ پاکستانی نوجوانوں کے لیے مختصر مدتی تربیتی پروگرام، کیریئر تیاری اور جدید مہارتوں کے مواقع پیدا کیے جا رہے ہیں، عالمی جامعات کے ساتھ شراکت داری پاکستان کے نوجوانوں کو بین الاقوامی معیار کی تعلیم اور مواقع فراہم کرے گی، یونیورسٹی آف شکاگو نے وزیراعظم یوتھ پروگرام کے ساتھ نوجوانوں کی ترقی اور تعلیمی تعاون کو فروغ دینے میں دلچسپی کا اظہار کیا.
آئی جی پنجاب نے27افسران کے تقرروتبادلے کر دیے
یونیورسٹی آف الینوائے شکاگو (UIC) کا دورہ
چیئرمین رانا مشہود احمد خاں نے کہا جدید تحقیق، طبی تعلیم اور ڈیجیٹل ہیلتھ کے شعبوں میں عالمی تعاون نوجوانوں کے لیے نئے راستے کھولے گا، جدید ٹیکنالوجی، تحقیق اور جدت کے شعبوں میں تعاون کے ذریعے پاکستانی نوجوانوں کو مستقبل کے تقاضوں کے مطابق تیار کیا جا سکتا ہے، وزیراعظم یوتھ پروگرام نوجوانوں کو جدید علوم اور عالمی معیار کی مہارتوں سے آراستہ کرنے کے لیے کوشاں ہے، پاکستان اور امریکہ کے درمیان تعلیمی و تحقیقی روابط کو مزید مضبوط بنانا حکومت کی اہم ترجیحات میں شامل ہے، یونیورسٹی آف الینوائے شکاگو (UIC) نے پاکستان کے ساتھ تحقیق، طبی تعلیم اور جدید ٹیکنالوجی کے شعبوں میں تعاون بڑھانے پر اتفاق کیا.
آج شام و رات سے 27 جولائی تک مزید بارشوں کی پیشگوئی
ڈی پال یونیورسٹی کا دورہ
چیئرمین رانا مشہود احمد خاں نے کہا نوجوانوں کو ڈیجیٹل مہارتوں، کاروباری صلاحیتوں اور قائدانہ تربیت سے آراستہ کرنا وقت کی اہم ضرورت ہے،پاکستانی طلبہ کی بڑھتی ہوئی تعداد دونوں ممالک کے مضبوط تعلیمی تعلقات کی عکاس ہے، بیرونِ ملک زیر تعلیم پاکستانی نوجوان ملک کے بہترین سفیر ہیں، وزیراعظم یوتھ پروگرام عالمی تعلیمی اداروں کے تعاون سے نوجوانوں کے لیے مزید مواقع پیدا کرنے کے لیے پرعزم ہے، ڈی پال یونیورسٹی نے پاکستانی نوجوانوں کے لیے تعلیمی مواقع، ڈیجیٹل مہارتوں اور تربیتی پروگراموں میں تعاون کی خواہش کا اظہار کیا.
لیونل میسی کا بین الاقوامی فٹبال سے ریٹائرمنٹ کا فیصلہ
بھارت سے جنگ اور افغانستان میں کارروائی خارج ازامکان نہیں، وزیردفاع