صوبہ جل رہا ہے اور گنڈاپور لاؤ لشکر کیساتھ پنجاب فتح کرنے نکلے ہوئے ہیں: حافظ حمداللّٰہ
اشاعت کی تاریخ: 13th, July 2025 GMT
—فائل فوٹو
جے یو آئی کے رہنما حافظ حمداللّٰہ نے وزیر خبیرپختونخوا علی امین گنڈاپور کے بیان پر ردعمل دیتے ہوئے کہا ہے کہ مولانا فضل الرحمٰن کو فارم 47 کا بینفیشری کہنے والے بتائیں آپ کس کے این او سی پر وزیر اعلیٰ بنے۔
ایک بیان میں انہوں نے کہا کہ صوبہ جل رہا ہے اور علی امین گنڈاپور لاؤ لشکر کے ساتھ پنجاب فتح کرنے نکلے ہوئے ہیں، خیبرپختونخوا میں حکومت آپ کے بازو سے نہیں ڈنڈے کی زور سے بنی۔
حافظ حمداللّٰہ کا کہنا ہے کہ آج بھی آپ کی حکومت دولت اور طاقت کے بل بوتے پر کھڑی ہے، آپ کی اپنی پارٹی میں آپ کی حکومت کے خلاف آوازیں اٹھ رہی ہیں۔
وزیرِ اعلیٰ خیبر پختون خوا علی امین گنڈا پور کا کہنا ہے کہ عوام نے مولانا فضل الرحمٰن کو مسترد کیاہو ا ہے، مولانا کے پی کے میں تبدیلی لانے کی بجائے اپنے اندر تبدیلی لے آئیں تو بہت اچھا ہو گا۔
انہوں نے کہا کہ 8 فروری کے انتخابات آپ کو ووٹ سے نہیں نوٹ سے جتوائے گئے۔
واضح رہے کہ وزیرِ اعلیٰ خیبر پختونخوا علی امین گنڈاپور کا کہنا تھا کہ عوام نے مولانا فضل الرحمٰن کو مسترد کیا ہوا ہے، مولانا کے پی کے میں تبدیلی لانے کی بجائے اپنے اندر تبدیلی لے آئیں تو بہت اچھا ہو گا۔
پارٹی رہنماؤں سےخطاب اور میڈیا سے بات چیت کے دوران وزیرِ اعلیٰ خیبر پختونخوا علی امین گنڈاپور نے کہا کہ مولانا فضل الرحمٰن خود جعلی مینڈیٹ پر ہیں اور یہ ہمارے لیے باتیں کریں گے۔
ان کا کہنا تھا کہ مولانا فضل الرحمٰن کے ایک ایم این اے اور 2 ایم پی اے میرٹ پر ہیں، باقی سب فارم 47 پر ہیں، مولانا نے لوگوں کو گمراہ کیا، اس لیے اپنے حلقے سے نہ جیت سکے۔
.ذریعہ: Jang News
کلیدی لفظ: مولانا فضل الرحم ن علی امین گنڈاپور کا کہنا
پڑھیں:
کراچی، آئی ایس او کے تحت جامعہ اردو گلشن کیمپس میں عظیم الشان سالانہ یوم مصطفیٰؐ کا انعقاد
مہمانِ خصوصی مولانا امین شہیدی نے عالمی حالات خصوصاً فلسطین کے مظلوم مسلمانوں کی حالتِ زار پر روشنی ڈالی۔ انہوں نے طلبہ کو دعوت دی کہ وہ اپنی زندگیوں میں سیرتِ نبوی ﷺ کو عملی طور پر نافذ کریں۔ اسلام ٹائمز۔ امامیہ اسٹوڈنٹس آرگنائزیشن پاکستان کراچی ریجن جامعہ اردو گلشن کیمپس کے زیر اہتمام ہر سال کی طرح اس سال بھی جامعہ اردو گلشن کیمپس میں سالانہ یوم مصطفیٰ (ص) کا پروگرام نہایت عقیدت و احترام کے ساتھ منعقد کیا گیا۔ پروگرام کا مقصد طلبہ میں سیرتِ نبی اکرمﷺ، اخلاقِ محمدیﷺ اور شعورِ اسلامی کو اجاگر کرنا تھا۔ سالانہ یوم مصطفیٰؐ کے پروگرام میں امت واحدہ پاکستان کے سربراہ مولانا محمد امین شہیدی، مولانا سید علی عباس رضوی، فلسطین فاؤنڈیشن پاکستان کے مرکزی جنرل سیکریٹری ڈاکٹر صابر ابو مریم و دیگر مقررین نے خطاب کیا۔ پروگرام میں مختلف شعرائے کرام نے نہایت خوبصورت انداز میں نعت و منقبت پیش کی، جس سے محفل کی رونق دوبالا ہوگئی، جبکہ طلبہ و طالبات نے بھی محبتِ رسولﷺ کے جذبے سے سرشار ہو کر نعت رسولِ مقبولﷺ اور منقبت خوانی کی۔
مہمانِ خصوصی مولانا امین شہیدی نے عالمی حالات خصوصاً فلسطین کے مظلوم مسلمانوں کی حالتِ زار پر روشنی ڈالی۔ مولانا امین شہیدی نے طلبہ کو پیغام دیا کہ موجودہ حالات میں نوجوان صرف تعلیم تک محدود نہ رہیں بلکہ عصرِ حاضر کے چیلنجز کو سمجھیں، حق کی حمایت اور باطل کے خلاف آواز بلند کرنا اپنا فریضہ سمجھیں۔ انہوں نے اس بات پر زور دیا کہ رسولِ اکرمﷺ کی سیرت ہمیں صرف عبادات نہیں بلکہ عدل، انصاف، اتحاد، جرات اور فکری بیداری کا درس بھی دیتی ہے۔ مولانا امین شہیدی نے طلبہ کو دعوت دی کہ وہ اپنی زندگیوں میں سیرتِ نبوی ﷺ کو عملی طور پر نافذ کریں۔ مولانا سید علی عباس رضوی نے خطاب کرتے ہوئے رسولِ اکرمﷺ کی حیاتِ طیبہ، انکی تعلیمات اور عصرِ حاضر میں امتِ مسلمہ کی ذمہ داریوں پر نہایت بصیرت افروز خطاب کیا۔ فلسطین فاؤنڈیشن پاکستان کے مرکزی جنرل سیکریٹری ڈاکٹر صابر ابو مریم نے فلسطین میں جاری مظالم اور پاکستان کے کردار پر تفصیلی گفتگو کی۔
سالانہ یوم مصطفیٰؐ کے موقع پر آئی ایس او کراچی ریجن کے صدر عون علی، آئی ایس او کراچی ڈسٹرکٹ پروفیشنل کے صدر مہدی علی، ڈاکٹر الیاس خاکی، اسٹوڈنٹس ایڈوائزر ڈاکٹر جہانگیر رضا، شعبہ ارضیاتی علوم کی پروفیسر ڈاکٹر شاہین عباس، ڈاکٹر صابہ زہرا، چیئرپرسن شعبہ کامرس، شعبہ کمپیوٹر سائنس کے پروفیسر ڈاکٹر اختر رضا، آئی ایس او کراچی یونیورسٹی یونٹ، آئی ایس او عبدالحق یونٹ، پختون اسٹوڈنٹس، اے پی ایم ایس او اور اسلامی جمعیت طلبہ کے وفود سمیت، اساتذہ کرام، غیر تدریسی اسٹاف، طلبہ و طالبات نے کثیر تعداد میں شرکت کی۔
میجر سبطین حیدر شہید ایک بہادر والد کے بہادر بیٹے تھے، سرفراز بگٹی