میجر سبطین حیدر شہید ایک بہادر والد کے بہادر بیٹے تھے، سرفراز بگٹی
اشاعت کی تاریخ: 9th, October 2025 GMT
اپنے بیان میں وزیراعلیٰ بلوچستان نے کہا کہ کوئٹہ سے تعلق رکھنے والے بہادر افسر نے وطن عزیز کے دفاع میں جرات و بہادری سے لڑتے ہوئے اپنی جان کا نذرانہ پیش کیا۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ کوئٹہ سے تعلق رکھنے والے بہادر افسر سبطین حیدر نے وطن عزیز کے دفاع میں جرات و بہادری سے لڑتے ہوئے اپنی جان کا نذرانہ پیش کیا۔ اپنے بیان میں وزیراعلیٰ بلوچستان نے ڈیرہ اسماعیل خان کے علاقے درابن میں دہشتگردوں کے خلاف سکیورٹی فورسز کی کامیاب کارروائی پر فورسز کو خراج تحسین پیش کیا اور آپریشن کے دوران شہید ہونے والے فوجی افسر میجر سبطین حیدر کو خراج عقیدت پیش کیا۔ وزیراعلیٰ نے کہا کہ کوئٹہ سے تعلق رکھنے والے بہادر افسر نے وطن عزیز کے دفاع میں جرات و بہادری سے لڑتے ہوئے اپنی جان کا نذرانہ پیش کیا۔ قوم کو اپنے بہادر سپوت پر فخر ہے۔ شہید ایک بہادر والد کے بہادر بیٹے تھے۔ انہوں نے کہا کہ پاک فوج کے شہداء نے مادر وطن کے دفاع میں اپنی جانیں قربان کرکے بہادری کی نئی مثال قائم کی۔ شہداء کی قربانیاں ہمیشہ یاد رکھی جائیں گی۔ ان کے خون کے مقروض ہیں۔ سرفراز بگٹی نے کہا کہ سکیورٹی فورسز کی کامیاب کارروائیاں دہشت گردی کے مکمل خاتمے کے عزم کو مزید مضبوط کر رہی ہیں۔ پاک فوج کے شانہ بشانہ کھڑے ہیں۔ بلوچستان کے عوام شہداء کے مشن کو سلام پیش کرتے ہیں۔
.ذریعہ: Islam Times
کلیدی لفظ: کے دفاع میں نے کہا کہ پیش کیا
پڑھیں:
ڈیرہ اسماعیل خان: سیکیورٹی فورسز کا آپریشن، 7 بھارتی سرپرستی یافتہ دہشتگرد ہلاک، میجر سبطین حیدر شہید
8 اکتوبر 2025 کو سیکیورٹی فورسز نے ڈیرہ اسماعیل خان کے علاقے درابن میں خفیہ اطلاع پر دہشتگردوں کی موجودگی کی اطلاع پر انٹیلی جنس بیسڈ آپریشن (IBO) کیا۔
آئی ایس پی آر کے مطابق آپریشن کے دوران سیکیورٹی فورسز کی مؤثر کارروائی سے 7 بھارتی سرپرستی یافتہ خوارج ہلاک ہوئے۔ ہلاک دہشتگرد بھارت کی پشت پناہی یافتہ تنظیم فتنۃ الخوارج سے تعلق رکھتے تھے اور سیکیورٹی فورسز، قانون نافذ کرنے والے اداروں اور معصوم شہریوں پر مختلف دہشتگرد حملوں میں ملوث تھے۔
مزید پڑھیں: قلات: سیکیورٹی فورسز نے مزید 4 دہشتگرد ہلاک کردیے، کل تعداد 8 ہوگئی
آپریشن کے دوران شدید فائرنگ کے تبادلے میں میجر سبطین حیدر (عمر 30 سال، ضلع کوئٹہ کے رہائشی) نے جامِ شہادت نوش کیا۔ میجر سبطین حیدر بہادری سے اپنی ٹیم کی قیادت کر رہے تھے اور ملک و قوم کے دفاع میں اپنی جان قربان کر دی۔
علاقے سے اسلحہ اور گولہ بارود بھی برآمد کیا گیا ہے۔ مزید دہشتگردوں کی تلاش کے لیے علاقے کی کلیئرنس آپریشن جاری ہے۔
مزید پڑھیں: خیبرپختونخوا: سیکیورٹی فورسز نے بھارتی حمایت یافتہ 9 دہشتگرد ہلاک کردیے
ترجمان آئی ایس پی آر کے مطابق پاکستان کی سیکیورٹی فورسز ملک سے بھارتی سرپرستی یافتہ دہشتگردی کے مکمل خاتمے کے لیے پرعزم ہیں، اور شہدا کی قربانیاں ہمارے عزم کو مزید مضبوط بناتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر دہشتگرد ہلاک ڈیرہ اسماعیل خان
آنے والے دنوں میں مزید بارش متوقع ہے: ڈی جی پی ڈی ایم اے