وزیرِ اعظم شہباز شریف کا فتنہ الخوارج کے خلاف کامیاب آپریشن پر سیکیورٹی فورسز کو خراجِ تحسین
اشاعت کی تاریخ: 9th, October 2025 GMT
اسلام آباد (نیوز ڈیسک) وزیرِ اعظم محمد شہباز شریف نے ڈیرہ اسماعیل خان کے علاقے دارابان میں فتنہ الخوارج کے خلاف سیکیورٹی فورسز کے کامیاب آپریشن پر افسران اور اہلکاروں کو خراجِ تحسین پیش کیا۔ آپریشن کے دوران سات دہشت گردوں کو ہلاک کیا گیا، جنہیں وزیرِ اعظم نے ملک دشمن عناصر قرار دیتے ہوئے کہا کہ ان کے ناپاک عزائم کو خاک میں ملانے پر پوری قوم اپنی بہادر افواج کو سلام پیش کرتی ہے۔
وزیرِ اعظم نے آپریشن کے دوران جامِ شہادت نوش کرنے والے میجر سبطین حیدر شہید کو زبردست خراجِ عقیدت پیش کیا۔ انہوں نے کہا کہ میجر سبطین حیدر اور ان جیسے بہادر سپوتوں کی قربانیاں پاکستان کے امن، استحکام اور بقا کی ضمانت ہیں۔ وزیرِ اعظم نے شہید کے درجات کی بلندی اور اہلِ خانہ کے لیے صبرِ جمیل کی دعا بھی کی۔
انہوں نے کہا کہ پاکستان کی بہادر افواج دن رات وطنِ عزیز کی سرحدوں اور شہریوں کے تحفظ میں مصروفِ عمل ہیں، اور قوم کو اپنے ان جانباز سپوتوں پر فخر ہے۔
وزیرِ اعظم نے واضح کیا کہ دہشت گردی کی لعنت کے مکمل خاتمے تک یہ جنگ جاری رہے گی۔ انہوں نے کہا کہ فتنہ الخوارج جیسے عناصر ریاست، دین اور معاشرتی امن کے دشمن ہیں، جن کا انجام ہمیشہ ذلت اور ہلاکت ہی ہوگا۔
وزیرِ اعظم نے مزید کہا کہ پوری قوم اپنی افواجِ پاکستان کے غیر متزلزل عزم اور بہادری کے ساتھ شانہ بشانہ کھڑی ہے، اور دہشت گردی کے خلاف جنگ دراصل پاکستان کے روشن اور پرامن مستقبل کی جنگ ہے۔
.ذریعہ: Daily Mumtaz
کلیدی لفظ: کہا کہ
پڑھیں:
فتنہ الخوارج سے امریکی ہتھیاروں کا بڑا ذخیرہ برآمد
سیکیورٹی فورسز نے کے پی میں کارروائیاں، امریکی ساختہ اسلحہ اور جدید آلات برآمد
دہشت گرد گروہ پاکستان کیخلاف کارروائیوں میں استعمال کر رہے ہیں،سیکیورٹی ذرائع
سیکیورٹی فورسز نے کے پی میں کارروائیاں کرتے ہوئے فتنہ الخوارج سے امریکی ہتھیاروں کا بڑا ذخیرہ برآمد کرلیا۔تفصیلات کے مطابق خیبر پختونخوا میں سیکیورٹی فورسز کی مختلف کارروائیوں کے دوران فتنہ الخوارج سے بڑی تعداد میں امریکی ساختہ اسلحہ اور جدید آلات برآمد ہوئے ہیں۔سیکیورٹی ذرائع نے بتایا کہ ضبط کیے گئے ہتھیاروں پر واضح نشانات موجود ہیں کہ یہ امریکی حکومت کی ملکیت ہیں۔ذرائع کا کہنا ہے کہ یہ اسلحہ اور آلات وہی ہیں جو امریکی فوج اور نیٹو افواج افغانستان سے انخلا کے دوران چھوڑ گئی تھیں، جنہیں بعدازاں دہشت گرد گروہ پاکستان کے خلاف کارروائیوں میں استعمال کر رہے ہیں۔سیکیورٹی ذرائع کے مطابق برآمد کیے گئے اسلحے میں ایم فور، ایم 16 سمیت جدید خودکار اسلحہ اور اسٹیل ہیڈ گولیاں برآمد ہوئیں ، جوبلٹ پروف جیکٹ سے بھی گزرسکتی ہیں۔فتنہ الخوارج سے نائٹ ویژن گاگلزاور دیگر جدید آلات سمیت امریکی فوج اور نیٹو کے زیر استعمال اعلیٰ معیار کا دھماکاخیز مواد اور تاریں بھی برآمد ہوئیں۔ذرائع کا کہنا ہے کہ جدید امریکی اسلحے کے استعمال سے فتنہ الخوارج رات کے وقت بھی حملوں کی صلاحیت رکھتے ہیں، جس سے خطرات میں اضافہ ہوا تھا۔
’گالیاں‘ تنقید کے باوجود ٹک ٹاکر کی 15 منٹ کی آمدن 1 لاکھ سے زائد