30 جولائی کو پشاور میں قبائلی عوام کا گرینڈ جرگے کا انعقاد ہوگا: نعیم الرحمان
اشاعت کی تاریخ: 28th, July 2025 GMT
---فائل فوٹو
امیرِ جماعتِ اسلامی نعیم الرحمان نے کہا ہے کہ 30 جولائی کو پشاور میں قبائلی عوام کا گرینڈ جرگے کا انعقاد ہوگا۔
حافظ نعیم الرحمان نے پریس کانفرنس کے دوران کہا ہے کہ بلوچستان حقوق مارچ مولانا ہدایت الرحمان کی قیادت میں جاری ہے، مولانا ہدایت الرحمان کو مظفرگڑھ کے مقام پر روک دیا گیا ہے، حکومت سے گزارش کرتے ہیں مولاناہدایت الرحمان کو راستہ دیں، ہم پاکستان کے عوام کے حقوق کی بات کر رہے ہیں۔
انہوں نے مزید کہا کہ لانگ مارچ بلوچستان کے عام شہریوں کی آواز ہے، پُرامن بلوچستان مارچ کا راستہ نہ روکا جائے، یہ لانگ مارچ جمہوری عمل ہے، آئینی حدود کے دائرے میں ہے، جماعتِ اسلامی پورے ملک کو جوڑتی ہے، کچھ لوگ غلط فہمیاں پیدا کرنا چاہتے ہیں۔
حافظ نعیم الرحمان کا کہنا تھا کہ بلوچستان کو اللّٰہ تعالیٰ نے معدنی وسائل سے مالا مال کر رکھا ہے، بدقسمتی سے بلوچستان کے لوگوں کو گیس نہیں فراہم کی جاتی، بلوچستان کے شہریوں میں احساس محرومی پایہ جاتا ہے۔
ان کا کہنا تھا کہ بلوچستان کے شہریوں کا احساس محرومی دور کیا جائے، قبائلی علاقوں میں امن کے لیے ہر کوشش کرنے کو تیار ہیں۔
انہوں نے غزہ میں جاری اسرائیلی جارحیت پر بات کرتے ہوئے کہا کہ غزہ کی صورتحال تشویشناک ہو رہی ہے، مسلم حکمرانوں کے لیے غزہ کی صورتحال پر خاموشی لمحۂ فکریہ ہے، غزہ میں بچے شہید ہو رہے ہیں، مسلم دنیا ڈٹ کر بات کرے تو کوئی حل نکل سکے گا، غزہ میں جنگ بندی کے معاہدے کی مستقل خلاف ورزی ہو رہی ہے۔
ان کا کہنا تھا کہ پانچ اگست حقوق کشمیر اور فلسطین کے طور پر منایا جائے گا۔
.ذریعہ: Jang News
کلیدی لفظ: نعیم الرحمان بلوچستان کے
پڑھیں:
آئین موجود‘ عمل نہیں‘ جج بھی غیر مطمئن ہیں: حافظ نعیم
لاہور (نوائے وقت رپورٹ) امیر جماعت اسلامی حافظ نعیم الرحمن نے کہا ہے کہ ملک پر ظلم کا نظام مسلط ہے، آئین تو موجود ہے،اس پر عمل نہیں ہوتا، عدالتوں سے عوام ہی نہیں،ججز بھی غیر مطمئن ہیں۔ پیسے والا انصاف خرید لیتا ہے،غریب کی نسلیں عدالتوں کے دھکے کھاتی ہیں۔ منصورہ میں مرکزی تربیت گاہ کے شرکاء سے خطاب کرتے ہوئے انہوں نے کہا جماعت اسلامی نچلی سطح تک عوام کو انصاف دلانے کیلئے کوشاں ہے۔ جاگیر دار کسان اور سرمایہ دار اور ٹھیکیدار مزدور کے خون پسینے کی کمائی کھا رہے ہیں۔شوگر ملز مافیا حکومت میں بیٹھ کر عوام کو لوٹ رہا ہے۔حکمران عوام کا استحصال کررہے ہیں۔ ظالم حکمرانوں سے نجات حاصل کرنے کیلئے عوام جماعت اسلامی کا ساتھ دیں۔ حافظ نعیم الرحمن نے کہا کہ جماعت اسلامی عوام کو مہنگائی،بے روز گاری اور لاقانونیت سے نجات دلانے کیلئے ملک کے ہر گوٹھ اورگاؤں اور شہر کے ہر محلہ اور یونین کونسل میں عوامی کمیٹیاں بنا رہی ہے۔ یہ عوامی کمیٹیاں ظلم و ناانصافی کے خلاف عوام کو متحد اور منظم کریں گی۔
کھارادر میں خالی گئی عمارت کے مکین دوسرے روز بھے کھلے آسمان تلے پڑے رہے