فرانس کے دارالحکومت پیرس میں واقع پاکستانی سفارتخانے میں یومِ استحصال کشمیر عقیدت و احترام کے ساتھ منایا گیا
اشاعت کی تاریخ: 6th, August 2025 GMT
پیرس (اُردو پوائنٹ اخبارتازہ ترین۔ 06 اگست2025ء) فرانس کے دارالحکومت پیرس میں واقع پاکستانی سفارتخانے میں یومِ استحصال کشمیر عقیدت و احترام کے ساتھ منایا گیا۔ اس موقع پر ایک خصوصی تقریب کا انعقاد کیا گیا، جس کا مقصد بھارتی غیر قانونی اقدامات کے خلاف آواز بلند کرنا اور کشمیری عوام کے ساتھ اظہارِ یکجہتی کرنا تھا۔ تقریب میں پاکستانی کمیونٹی کے افراد، طلبہ، صحافیوں، دانشوروں اور دیگر شعبہ ہائے زندگی سے تعلق رکھنے والے افراد نے شرکت کی۔
شرکاء نے کشمیری عوام کی طویل جدوجہدِ آزادی اور حقِ خود ارادیت کو بھرپور خراجِ تحسین پیش کیا۔ تقریب کا آغاز صدرِ پاکستان، وزیرِاعظم اور وزیرِخارجہ کے خصوصی پیغامات سے ہوا، جن میں مسئلہ کشمیر کی تاریخی نوعیت، بھارتی مظالم، اور اقوامِ متحدہ کی قراردادوں پر روشنی ڈالی گئی۔(جاری ہے)
پاکستان کی سفیر محترمہ ممتاز زہرہ بلوچ نے اپنے خطاب میں کہا کہ بھارت نے 5 اگست 2019 کو مقبوضہ جموں و کشمیر کی خصوصی آئینی حیثیت کو یکطرفہ طور پر ختم کرکے بین الاقوامی قوانین اور اقوامِ متحدہ کی قراردادوں کی کھلی خلاف ورزی کی۔
انہوں نے کہا کہ ان اقدامات کا مقصد کشمیریوں کو ان کے ہی وطن میں اقلیت میں بدلنا اور خطے کی متنازع حیثیت کو زبردستی ختم کرنا ہے۔ انہوں نے مزید کہا کہ مسئلہ کشمیر پاکستان کا قومی مؤقف اور خارجہ پالیسی کا بنیادی ستون ہے۔ پاکستان عالمی برادری سے مطالبہ کرتا ہے کہ وہ بھارت کو مقبوضہ کشمیر میں انسانی حقوق کی خلاف ورزیوں پر جوابدہ بنائے۔ تقریب میں مقررین نے بھارت کی طرف سے مقبوضہ کشمیر میں آبادیاتی تبدیلیوں، غیر کشمیریوں کو ڈومیسائل سرٹیفیکیٹس جاری کرنے، زمینوں کی ملکیت سے متعلق قوانین میں تبدیلی، اور انتخابی حلقہ بندیوں کو ازسرِ نو ترتیب دینے جیسے اقدامات کی شدید مذمت کی۔ ان کا کہنا تھا کہ یہ تمام اقدامات کشمیریوں کو ان کے سیاسی اور جغرافیائی حقوق سے محروم کرنے کی ایک منظم کوشش ہے۔ تقریب کے اختتام پر شرکاء نے کشمیری عوام کی حمایت کے عزم کا اعادہ کرتے ہوئے عالمی ضمیر کو جھنجھوڑنے کی ضرورت پر زور دیا۔.ذریعہ: UrduPoint
کلیدی لفظ: تلاش کیجئے
پڑھیں:
سردار عتیق احمد خان کی آل پارٹیز اجلاس میں شرکت اور خطاب
سردار عتیق احمد خان نے کہا کہ کشمیری عوام کا نعرہ ہمیشہ سے ''پاکستان زندہ باد'' رہا ہے اور یہ کنونشن دشمنوں کے عزائم کو ناکام بنانے کے ساتھ ساتھ پاکستان اور کشمیر کے ناقابلِ تسخیر رشتے کو دنیا کے سامنے اجاگر کرے گا۔ اسلام ٹائمز۔ باغ صدرمسلم کانفرنس و سابق وزیراعظم آزادکشمیر سردار عتیق احمد خان باغ میں 22 ستمبر پاکستان زندہ باد کنونشن کے حوالے سے منعقدہ آل پارٹیز مشاورتی اجلاس منعقد ہوا۔ آل پارٹیز مشاورتی اجلاس میں وزیر حکومت سردار میر اکبر خان، سردار عبدالرشید چغتائی ایڈووکیٹ، میجر سردار نصراللہ خان، چیئرمین میونسپل کارپوریشن باغ میجر قیوم، سردار مشتاق نیئر، مسلم لیگ نواز کے رہنما راجہ سعید انقلابی، سردار پرویز چغتائی، خالد امیر گردیزی ایڈووکیٹ، راجہ ذوالفقار ایڈووکیٹ، خالد اکبر عباسی ایڈووکیٹ، ظفر اقبال عباسی، سردار شجاع منگول، راجہ حامد منظور ایڈووکیٹ، راجہ سردار رشید طاہری، راجہ تبارک علی خان سمیت دیگر سیاسی اور سماجی کارکنان نے شرکت کی۔ اس موقع پر صدر مسلم کانفرنس و سابق وزیراعظم آزاد جموں و کشمیر سردار عتیق احمد خان نے خطاب کرتے ہوئے کہا ہے کہ 22 ستمبر کو باغ میں ہونے والا پاکستان زندہ باد کنونشن کشمیری عوام کی پاکستان کے ساتھ والہانہ محبت اور وابستگی کا عظیم الشان مظاہرہ ہو گا۔
سردار عتیق احمد خان نے کہا کہ کشمیری عوام کا نعرہ ہمیشہ سے ''پاکستان زندہ باد'' رہا ہے اور یہ کنونشن دشمنوں کے عزائم کو ناکام بنانے کے ساتھ ساتھ پاکستان اور کشمیر کے ناقابلِ تسخیر رشتے کو دنیا کے سامنے اجاگر کرے گا۔ انہوں نے کہا کہ یہ کنونشن نہ صرف تحریکِ آزادی کشمیر کی تقویت کا ذریعہ ہو گا بلکہ نوجوان نسل کو بھی پاکستان سے اپنی محبت اور عزم کے اعادہ کا موقع فراہم کرے گا۔انہوں نے تمام کارکنان اور عوام سے اپیل کی کہ وہ 22 ستمبر کو پاکستان زندہ باد کنونشن میں بھرپور شرکت کر کے اسے ایک تاریخی عوامی اجتماع بنائیں۔پاکستان زندہ باد کنونش کے انتظامات کو حتمی شکل دی جا رہی ہے اور مختلف کمیٹیاں تشکیل دی گئی ہیں جو شرکاء کی رہنمائی اور کنونشن کے نظم و ضبط کو یقینی بنائیں گی۔ اس موقع پر راستوں اور مقام کو پاکستان کے پرچموں اور بینرز سے سجایا جا رہا ہے، جبکہ شرکاء جوش و خروش کے ساتھ تیاریوں میں مصروف عمل ہیں۔
پاکستان زندہ باد کنونشن کا مقصد مقبوضہ جموں و کشمیر کے عوام سے یکجہتی کا اظہار، کشمیر بنے گا پاکستان کے عزم کو دہرانا اور پاکستان کے ساتھ محبت و وابستگی کو اجاگر کرنا ہے۔ سردار عتیق احمد خان نے کہا ہے کہ یہ کنونشن اس بات کا عملی ثبوت ہے کہ کشمیری عوام پاکستان کے ساتھ دلی وابستگی اور غیر متزلزل تعلق رکھتے ہیں۔ انہوں نے کارکنان اور عوام سے بھرپور شرکت کی اپیل کرتے ہوئے کہا کہ یہ کنونشن دشمنانِ کشمیر کے خلاف ایک عوامی ریفرنڈم ثابت ہو گا۔ کنونشن میں شریک رہنما اور مقررین پاکستان کی تکمیل کی جدوجہد اور کشمیر کاز کو اجاگر کرتے ہوئے تحریکِ آزادی کے شہداء کو خراج عقیدت بھی پیش کریں گے اور معرکہ حق کو بھی خراج عقیدت پیش کریں گے۔ انہوں نے مزید کہا ہے کہ پاکستان اور سعودی عرب کے درمیان تاریخی سٹریٹجیک معاہدہ انتہائی خوش آئند ہے، پاکستان دنیا میں نہ صرف دفاعی اعتبار سے بلکہ سفارتی اعتبار سے بھی ابھر کر آیا ہے، پاکستان کے دفاعی معاہدوں کا دائرہ کار مزید بڑھے گا، پاکستان اسرائیل کے توسیع پسندانہ عزائم میں سب سے بڑی رکاوٹ ہے۔
علی پور، ہیڈ پنجند پر پانی کی سطح میں کمی، بندبوسن میں ریسکیو کارروائیاں جاری