شارجہ: پاک افغان میچ میں تماشائیوں کا تصادم روکنے کیلئے سخت اقدامات کا فیصلہ
اشاعت کی تاریخ: 6th, August 2025 GMT
کراچی:
پاکستان اور افغانستان کے درمیان ہونے والے متوقع سنسنی خیز مقابلے سے قبل شارجہ حکام نے اسٹیڈیم میں سخت سیکیورٹی اقدامات کا اعلان کردیا۔
ٹرائی نیشن ٹی20 سیریز رواں ماہ کے آخر میں شروع ہوگی جس میں میزبان متحدہ عرب امارات بھی شریک ہے۔
یہ فیصلہ ماضی میں دونوں ٹیموں کے میچوں کے دوران ہونے والے ہنگامہ آرائی کے واقعات کے پیش نظر کیا گیا ہے تاکہ اس بار اسٹیڈیم میں موجود شائقین کے لیے پرامن اور محفوظ ماحول یقینی بنایا جاسکے۔
شائقین کے لیے علیحدہ داخلی راستے اور نشستیں:
منتظمین نے اعلان کیا ہے کہ پاکستان اور افغانستان کے شائقین کو الگ الگ اسٹینڈز میں بٹھایا جائے گا اور ان کے لیے علیحدہ انٹری پوائنٹس مختص کیے گئے ہیں۔ ٹکٹوں کی فروخت بھی قومیت کی بنیاد پر کی جا رہی ہے تاکہ ہر ٹیم کے سپورٹرز اپنے مخصوص حصے میں بیٹھیں۔
شارجہ کرکٹ اسٹیڈیم کی گنجائش 16 ہزار ہے اور سیریز کے تمام میچز یہاں کھیلے جائیں گے۔ حکام کو ہاؤس فل کی امید ہے اس لیے سیکیورٹی کے یہ اقدامات بروقت اور اہم سمجھے جا رہے ہیں۔
سیریز کا شیڈول اور تفصیلات:
ٹی 20 ٹرائی نیشن سیریز 29 اگست سے 7 ستمبر تک جاری رہے گی۔ پہلے میچ میں 29 اگست کو شام 7 بجے پاکستان اور افغانستان کی ٹیمیں آمنے سامنے ہوں گی۔
پاکستان اور افغانستان اب تک سات ٹی 20 میچز میں مدمقابل آ چکے ہیں، جن میں سے چار پاکستان نے جبکہ تین افغانستان نے جیتے ہیں۔
ابتدائی طور پر یہ سیریز صرف پاکستان اور افغانستان کے درمیان ہونی تھی تاہم پاکستان کرکٹ بورڈ کی تجویز پر اسے تین ملکی ایونٹ میں تبدیل کیا گیا، تاکہ ایشیا کپ سے قبل تینوں ٹیموں کو مفید پریکٹس میچز میسر آسکیں۔
مکمل شیڈول:
29 اگست – افغانستان بمقابلہ پاکستان
30 اگست – یو اے ای بمقابلہ پاکستان
1 ستمبر – یو اے ای بمقابلہ افغانستان
2 ستمبر – پاکستان بمقابلہ افغانستان
4 ستمبر – پاکستان بمقابلہ یو اے ای
5 ستمبر – افغانستان بمقابلہ یو اے ای
7 ستمبر – فائنل
تمام میچز شارجہ کرکٹ اسٹیڈیم میں کھیلے جائیں گے۔ سیریز کے اختتام کے فوری بعد 9 ستمبر سے ایشیا کپ کا آغاز ہوگا۔
.ذریعہ: Express News
کلیدی لفظ: پاکستان اور افغانستان یو اے ای
پڑھیں:
پی او آر کارڈ ہولڈر افغان شہریوں کے انخلا میں صرف 26 دن باقی، یکم ستمبر کی حتمی ڈیڈلائن
پاکستان میں مقیم پی او آر (Proof of Registration) کارڈ رکھنے والے افغان شہریوں کے لیے ملک چھوڑنے کی حتمی تاریخ 1 ستمبر 2025 مقرر کر دی گئی ہے۔ اس حکومتی فیصلے کے تحت، افغان سٹیزن کارڈ ہولڈرز سمیت غیر قانونی طور پر مقیم افراد کو اب صرف 26 دن میں پاکستان چھوڑنا ہوگا۔
وزارت داخلہ کے مطابق، یہ اقدام ملک میں غیر قانونی تارکین وطن کی بڑھتی ہوئی تعداد کو قابو میں لانے اور قانونی و منظم امیگریشن نظام کو یقینی بنانے کے لیے کیا گیا ہے۔ حکام کا کہنا ہے کہ انخلا کے دوران انسانی ہمدردی کو مدِنظر رکھتے ہوئے کسی کے ساتھ بدسلوکی نہیں کی جائے گی۔
مزید پڑھیں: غیر قانونی طور پر مقیم غیر ملکیوں اور افغان سٹیزن کارڈ ہولڈرز کا انخلا تیزی سے جاری
واپسی کے عمل کو مؤثر بنانے کے لیے حکومت کی جانب سے سرحدی علاقوں میں خوراک، طبی امداد، اور دیگر بنیادی سہولیات کی فراہمی کے خصوصی انتظامات مکمل کر لیے گئے ہیں۔ ان مراکز میں واپس جانے والے افغان شہریوں کو ہر ممکن معاونت فراہم کی جائے گی۔
متعلقہ حکام نے افغان مہاجرین سے اپیل کی ہے کہ وہ یکم ستمبر سے قبل رضاکارانہ طور پر واپسی کے انتظامات مکمل کریں تاکہ کسی بھی قانونی یا انتظامی کارروائی سے بچا جا سکے۔
مزید پڑھیں: افغان مہاجرین کے انخلا سے بلوچستان میں کاروباری سرگرمیوں پر کیا اثرات مرتب ہوں گے؟
واضح رہے کہ گزشتہ برس حکومت پاکستان نے غیر قانونی طور پر مقیم افراد کے خلاف مرحلہ وار کارروائی کا آغاز کیا تھا، جس کے تحت لاکھوں افغان شہری وطن واپس جا چکے ہیں۔ پی او آر کارڈ رکھنے والے افراد کو کافی عرصے سے وقت دیا جا رہا تھا، اور اب حکومت نے واپسی کے لیے حتمی ڈیڈلائن جاری کر دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Proof of Registration افغان شہری پی او آر کارڈ یکم ستمبر کی حتمی ڈیڈلائن
سلیمان اور قاسم احتجاج کاحصہ بنیں گے یانہیں، عمران خان کااہم اعلان سامنے آگیا