پاکستان اور بنگلہ دیش کے درمیان توانائی و معدنی شعبوں میں تعاون بڑھانے پر اتفاق
اشاعت کی تاریخ: 19th, August 2025 GMT
پاکستان اور بنگلہ دیش نے معاشی وتوانائی تعلقات کو مزید فروغ دینے پراتفاق کیا ہے، دونوں ممالک نے توانائی اور معدنی شعبوں میں دوطرفہ ترقی کے نئے مواقع تلاش کرنے پر زور دیا ہے جن میں کوئلہ، چونا اور پیٹرولیم مصنوعات شامل ہیں۔
یہ بھی پڑھیں:پاکستان بنگلہ دیش کو چاول برآمد کرے گا
یہ پیشرفت وفاقی وزیر برائے پیٹرولیم علی پرویز ملک اور پاکستان میں تعینات بنگلہ دیش کے ہائی کمشنر محمد اقبال حسین کے درمیان وزارتِ پٹرولیم میں ہونے والی ملاقات کے دوران سامنے آئی۔
Federal Minister for Petroleum, Mr.
The meeting explored potential avenues for partnership in the exploration sector, trade of limestone, coal, and petroleum products. pic.twitter.com/9Fvpgj8llv
— Petroleum Division, Ministry of Energy (@Official_PetDiv) August 19, 2025
منگل کو جاری بیان کے مطابق بات چیت میں دوطرفہ تعاون کو مضبوط بنانے پر توجہ دی گئی، خاص طور پر چونے کے پتھر، کوئلے اور پیٹرولیم مصنوعات کے شعبوں میں، تاکہ دونوں ممالک کی معاشی ترقی اور توانائی کے تحفظ کو یقینی بنایا جا سکے۔
اس موقع پر وفاقی وزیر علی پرویز ملک کا کہنا تھا کہ وزیر اعظم شہباز شریف اپنے بنگلہ دیشی بھائیوں کی حمایت اور مختلف شعبوں میں تعاون بڑھانے کے خواہاں ہیں، پاکستان بنگلہ دیش کے ساتھ اپنے تعلقات کو قدر کی نگاہ سے دیکھتا ہے اور مشترکہ منصوبوں میں دلچسپی رکھتا ہے جو دونوں ممالک کے لیے فائدہ مند ہوں۔
مزید پڑھیں:پاکستان، بنگلہ دیش ویزا فری معاہدہ، بھارت کو پریشانی کیوں لاحق ہوئی؟
ملاقات میں معدنی وسائل کی تلاش، چونے کے پتھر، کوئلے اور پیٹرولیم مصنوعات کی تجارت میں شراکت داری کے امکانات پر بھی غور کیا گیا، دونوں ممالک نے علم کے تبادلے اور سرمایہ کاری کے مواقع کی اہمیت پر زوردیا تاکہ ان شعبوں کی مکمل صلاحیت کو استعمال میں لایا جا سکے۔
بنگلہ دیشی ہائی کمشنر نے پاکستان کی جانب سے معاشی اور توانائی تعاون بڑھانے کے جذبے کو سراہا اور کہا کہ ایسا تعاون خطے کے استحکام اور خوشحالی میں مددگار ہوگا، انہوں نے پاکستان کے ساتھ تجارتی و سرمایہ کاری روابط کو وسعت دینے میں گہری دلچسپی کا اعادہ کیا۔
یہ ملاقات پاکستان اور بنگلہ دیش کے تعلقات کو مزید گہرا کرنے اور توانائی و معدنی شعبوں میں نئے مواقع تلاش کرنے کے عزم کی عکاس ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: بنگلہ دیش کے دونوں ممالک
پڑھیں:
بنگلہ دیش اور پاکستان پولیس اکیڈمیوں کے تعاون کو بڑھانے کا اعلان
بنگلہ دیش کی عبوری حکومت کے مشیر داخلہ، لیفٹیننٹ جنرل (ریٹائرڈ) محمد جہانگیر عالم چودھری نے اعلان کیا ہے کہ بنگلہ دیش اور پاکستان کی پولیس اکیڈمیوں کے درمیان تعاون کو بڑھایا جائے گا تاکہ پیشہ ورانہ تربیت اور صلاحیت سازی کو مضبوط کیا جا سکے۔
یہ بھی پڑھیں: ماضی کی تلخ یادیں بھول چکے، پاکستان بنگلہ دیش کو بھائی کی طرح دیکھتا ہے، مولانا فضل الرحمان
یہ اعلان انہوں نے منگل کو پاکستانی ہائی کمشنر عمران حیدر سے وزارت داخلہ کے دفتر میں ملاقات کے دوران کیا۔
ملاقات میں دونوں جانب سے پولیس فورسز کے تعاون کو بڑھانے، قیدیوں کی منتقلی کے نظام، شہری سلامتی اور سیف سٹی منصوبوں سمیت باہمی دلچسپی کے دیگر امور پر بات چیت کی گئی۔
مشیر داخلہ نے پاکستانی ہائی کمشنر کا خیرمقدم کرتے ہوئے کہا کہ بنگلہ دیش اور پاکستان تاریخی اور ثقافتی رشتوں کے حامل ہیں۔
انہوں نے ذکر کیا کہ بنگلہ دیش کی ہوم منسٹری کے سینیئر سیکریٹری نے ستمبر کے آخر میں پاکستان کا دورہ کیا جس سے دوطرفہ تعاون کو فروغ ملا۔
مزید پڑھیے: حسینہ واجد کو سزائے موت، بنگلہ دیش میں کہیں جشن، کہیں ہلچل
سینیئر سیکریٹری نے پاکستان کے انفراسٹرکچر اور مینجمنٹ سسٹمز خاص طور پر سیف سٹی ماڈل کو سراہا جسے بنگلہ دیش بھی نافذ کرنے کی کوشش کر رہا ہے۔ پاکستان نے بھی اس سلسلے میں تعاون کی پیشکش کی ہے۔
مشیر داخلہ نے مزید کہا کہ جلد ایک مفاہمتی یادداشت پر دستخط کیے جائیں گے تاکہ دونوں ممالک کی پولیس اکیڈمیوں کے درمیان تعاون کو باضابطہ بنایا جا سکے۔
انہوں نے اس بات کی بھی نشاندہی کی کہ فی الحال دونوں ممالک کے درمیان قیدیوں کی منتقلی یا تبادلے کے لیے کوئی قانونی فریم ورک موجود نہیں ہے۔ اگرچہ 2004 میں اس حوالے سے ایک معاہدہ شروع کیا گیا تھا لیکن یہ کبھی حتمی شکل نہیں پا سکا۔ بنگلہ دیش حکومت اس عمل کو دوبارہ شروع کرنے کا ارادہ رکھتی ہے۔
پاکستانی ہائی کمشنر عمران حیدر نے بنگلہ دیش پولیس کی معاونت کے لیے آرمورڈ سیکیورٹی گاڑیاں، ڈرونز اور زرعی مشینری میں تعاون کی دلچسپی کا اظہار کیا۔
مزید پڑھیں: روسی بحری جہاز 5 روزہ خیرسگالی دورے پر بنگلہ دیش پہنچ گیا
اس موقعے پر ہوم منسٹری کے ایڈیشنل سیکریٹری (سیاسی) محمد محبوب الرحمان اور پاکستانی ایمبیسی کے کونسلر کامران دھنگل بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش پاک بنگلہ دیش تعلقات پاکستان پاکستان اور بنگلہ دیش کی پولیس اکیڈمیاں
معروف گلوکار ایکون کو پولیس نے حراست میں لے لیا، 6 گھنٹے بعد رہائی