اقوام متحدہ بحران کا شکار ہے، بھارتی وزیرِ خارجہ کا دعویٰ
اشاعت کی تاریخ: 28th, September 2025 GMT
بھارتی وزیرِ خارجہ ایس جے شنکر نے اقوام متحدہ کو ’بحران کی کیفیت‘ میں قرار دیتے ہوئے کہا ہے کہ عالمی ادارہ موجودہ عالمی چیلنجز پر قابو پانے میں ناکام رہا ہے۔
انہوں نے جنرل اسمبلی میں اپنی تقریر میں یوکرین، مشرقِ وسطیٰ اور مغربی ایشیا سمیت متعدد تنازعات کا حوالہ دیتے ہوئے کہا کہ کئی ایسے ’ہاٹ اسپاٹس‘ بھی ہیں جو میڈیا کی توجہ تک حاصل نہیں کر پاتے۔
جے شنکر نے پائیدار ترقی کے اہداف (SDGs) پر سست رفتاری کو ’مایوس کن تصویر‘ قرار دیا اور ماحولیاتی تبدیلی سے نمٹنے کے اقدامات کو پرانے وعدوں کی بازگشت اور تخلیقی حساب کتاب سے تشبیہ دی۔
ان کا کہنا تھا کہ امیر ممالک توانائی اور خوراک کی کمی سے خود کو محفوظ بنا رہے ہیں جبکہ وسائل سے محروم ریاستیں مشکلات میں جکڑی ہیں اور بعد ازاں انہیں نصیحت آموز لیکچر سننے کو ملتے ہیں۔
مزید پڑھیں: شہباز شریف کی امریکی صدر ٹرمپ سے ملاقات، بھارتی شہری اپنے وزیراعظم مودی پر پھٹ پڑے
بھارتی وزیرِ خارجہ نے عالمی معیشت میں بڑھتی بے یقینی، تجارتی رکاوٹوں، ٹیکنالوجی پر اجارہ داری، سپلائی چین، معدنی وسائل تک رسائی اور بحری راستوں کے تحفظ جیسے مسائل کا حوالہ دیا اور کہا کہ یہ سب زیادہ بین الاقوامی تعاون کے متقاضی ہیں۔
انہوں نے سوال اٹھایا کہ آیا اقوام متحدہ ان مسائل کا حل نکالنے کی اہلیت رکھتا ہے یا نہیں۔ جے شنکر نے زور دیا کہ اقوام متحدہ اصلاحات کی مزاحمت کے باعث جمود کا شکار ہے، حالانکہ زیادہ تر رکن ممالک تبدیلی چاہتے ہیں۔
ان کا کہنا تھا کہ یہ ضروری ہے کہ ہم اس بدگمانی کو پسِ پشت ڈال کر اصلاحاتی ایجنڈے کو عملی جامہ پہنائیں۔ پاکستان کا نام لیے بغیر انہوں نے کہا کہ کئی دہائیوں سے بڑے دہشتگرد حملوں کے تانے بانے بھارت کے ہمسائے ملک سے ملتے ہیں۔
ان کا کہنا تھا کہ بھارت اپنے شہریوں کے تحفظ اور دہشتگردوں کو انصاف کے کٹہرے میں لانے کا حق رکھتا ہے۔ انہوں نے عالمی سطح پر دہشتگردی کے خلاف مزید تعاون اور دہشتگردی کے پورے نظام پر مسلسل دباؤ ڈالنے کی ضرورت پر زور دیا۔
مزید پڑھیں: امریکی ٹیرف کا خوف، بھارتی حکومت نے ٹرمپ سے جڑی لابنگ فرم کی خدمات حاصل کرلیں
جے شنکر نے دعویٰ کیا کہ بھارت دنیا کے 78 ممالک میں 600 سے زائد ترقیاتی منصوبوں میں شامل ہے اور ضرورت کے وقت دوسرے ملکوں کی مدد کے لیے ہمیشہ آگے بڑھتا ہے، چاہے معاملہ مالی معاونت کا ہو یا خوراک، کھاد اور ایندھن کا۔
انہوں نے افغانستان (2024) اور میانمار میں آنے والے حالیہ زلزلوں کے بعد بھارت کی ہنگامی امداد کے اقدامات کو مثال کے طور پر پیش کیا اور کہا کہ بھارت اقوام متحدہ کے امن مشنز میں بھی نمایاں کردار ادا کر رہا ہے۔
بھارتی وزیر نے گزشتہ دہائی میں اپنے ملک کی معاشی کامیابیوں کو نمایاں کرتے ہوئے اسٹارٹ اپ کلچر، تیز رفتار ترقی یافتہ انفراسٹرکچر اور مصنوعی ذہانت کے ’ذمہ دارانہ استعمال‘ کو کامیابی کی علامت قرار دیا۔ ان کے بقول بھارت کا فلسفہ 3 نکات پر مبنی ہے: خود انحصاری، مضبوط دفاعی صلاحیت اور ایک بڑے ابھرتے ہوئے ملک کی خود اعتمادی۔
جے شنکر نے اپنی تقریر کے اختتام پر زور دیا کہ اقوام متحدہ کے موجودہ عشرے کو ’قیادت اور امید کا عشرہ بننا چاہیے کیونکہ خوشحالی کے جزائر ایک طوفانی سمندر میں قائم نہیں رہ سکتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ ایس جے شنکر بھارت بھارتی وزیر خارجہ پاکستان.
ذریعہ
ذریعہ: WE News
کلیدی لفظ: اقوام متحدہ ایس جے شنکر بھارت بھارتی وزیر خارجہ پاکستان بھارتی وزیر اقوام متحدہ انہوں نے کہا کہ
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار