بانی پی ٹی آئی‘ بشریٰ کو اڈیالہ سے راولپنڈی منتقل کرنے کا امکان
اشاعت کی تاریخ: 30th, September 2025 GMT
راولپنڈی (اپنے سٹاف رپورٹر سے) بانی پی ٹی آئی عمران خان کو اڈیالہ جیل سے منتقل کرکے راولپنڈی کے کسی علاقے میں منتقل کرنے کا امکان ہے یہ منتقلی توشہ خانہ ٹو کیس کا فیصلہ ہونے کے بعد کی جائے گی۔ ذرائع کے مطابق 26 جولائی 2025ء کو ڈی آئی جی جیلخانہ جات راولپنڈی نے نئی جگہ پر جیل کا 40 رکنی عملہ مقرر کرنے کی ہدایت کرتے ہوئے 31 جولائی تک مقرر کرنے کے احکامات جاری کئے بتایا گیا ہے بانی پی ٹی آئی کیلئے راولپنڈی میں قاسم مارکیٹ کے علاقے میں خصوصی جیل تیار کی گئی ہے خصوصی جیل کے تمام انتظامات اور ضروری قانونی تقاضے بھی مکمل کرلئے گئے ذرائع کے مطابق بانی پی ٹی آئی کے ساتھ ان کی اہلیہ بشری بی بی کو بھی خصوصی جیل منتقل کئے جانے کا امکان ہے خصوصی جیل کے امور ڈی ایس پی پریزن عامر فیاض بھٹی کو سونپے گئے ہیں خصوصی جیل میں اٹک، چکوال اور جہلم کی ڈسٹرکٹ جیلوں سے تقریبا 40 اہکاروں کاتبادلہ کیا گیا ہے ڈی آئی جی جیل راولپنڈی ریجن رانا رؤف نے عملے کے تبادلے کا نوٹیفکیشن جاری کردیا خصوصی جیل کے سکیورٹی سمیت تمام لوازمات پورے کرلئے گئے ہیں۔
.ذریعہ: Nawaiwaqt
کلیدی لفظ: بانی پی ٹی ا ئی خصوصی جیل
پڑھیں:
پی ٹی آئی حالتِ انتشار میں، بانی سے بدنیتی پر مبنی فیصلے کروائے جاتے ہیں: شیر افضل
اسلام آباد (نیوزڈیسک) رکنِ قومی اسمبلی شیر افضل مروت نے کہا ہے کہ پی ٹی آئی انتشار کی حالت میں ہے، بانی پی ٹی آئی سے بدنیتی پر مبنی فیصلے کروائے جاتے ہیں۔
ممبر قومی اسمبلی شیر افضل مروت کا کہنا ہے کہ کوئی شک نہیں کہ بانی پی ٹی آئی پر بشریٰ بی بی کا بہت اثر ہے، اور یہ بھی حقیقت ہے کہ عمران خان کے طریقہ حکمرانی پر تصوف کا اثر تھا، پی ٹی آئی برطانوی جریدے کے خلاف بہت اچھا کیس کر سکتی ہے۔
انہوں نے کہا کہ علی امین گنڈا پور، محمود خان، عثمان بزدار اور سہیل آفریدی بھی بشریٰ بی بی کے فیصلے ہیں، علی امین گنڈا پور کو ہٹانے کا فیصلہ بھی بشریٰ بی بی کا تھا، علی امین گنڈاپور کو ہٹا دیا گیا اور بیرسٹر گوہر کی کوئی بات نہیں مانتا۔
شیرافضل مروت کا مزید کہنا تھا کہ مجھے تو پارٹی سے 3 دفعہ نکال دیا گیا، اب میں جس سے مرضی ملوں، نواز شریف نے کہا کہ انہیں مجھ سے مل کر خوشی ہوئی، پی ٹی آئی میں سب سے زیادہ طاقت ور چیز ایک دوسرے کے کان بھرنا ہے، سہیل آفریدی کیلئے احتجاجی تحریک چلانا مشکل ہے۔
مسلم لیگ ن کے صدر میاں نوازشریف کی قومی اسمبلی آمد