چکوال یونیورسٹی آمد پر شاندار استقبال، مریم نواز ہونہار سکالر شپ لیپ ٹاپ لے کر طلبا کے درمیان پہنچ گئیں
اشاعت کی تاریخ: 1st, October 2025 GMT
چکوال‘ لاہور (شہزاد چودھری/ نمائندہ نوائے وقت + نوائے وقت رپورٹ) وزیراعلیٰ مریم نواز ہونہار سکالر شپ اور لیپ ٹاپ لیکر پھر طلباء کے درمیان پہنچ گئیں۔ وزیر اعلیٰ نے راولپنڈی ڈویژن کے لئے ہونہار سکالر شپ اور لیپ ٹاپ سکیم فیز ٹوکا باقاعدہ آغاز کر دیا۔ وزیراعلیٰ نے تقریب میں آمد پر اظہار مسرت کیا۔ چکوال یونیورسٹی میں مریم نواز کی آمد پر طلباء نے شاندار خیرمقدم کیا اور نشستوں سے کھڑے ہوکر تالیاں بجائیں۔ وزیر اعلیٰ مریم نواز طلباء کے درمیان بیٹھ گئیں اور بات چیت کی۔ یونیورسٹی آف چکوال میں منعقدہ تقریب کے دوران طالبعلم وزیر اعلیٰ مریم نواز شریف کے ساتھ سیلفی بنانے کے لئے پرجوش تھے۔ یونیورسٹی کے سپیشل طالب علم نے پیانو پر قومی ترانے کی دھن پیش کی، وزیر اعلیٰ مریم نواز شریف نے خصوصی انعام دیا۔ وزیر اعلیٰ مریم نواز شریف بصارت سے محروم سپیشل بچے کو خود سٹیج سے نیچے لائیں۔ ''اس پرچم کے سائے تلے ہم ایک ہیں '' یونیورسٹی آف چکوال کی تقریب میں طلباء کے پر اثر ملی نغمہ پر تقریب کا ماحول جذباتی ہوگیا۔ طالبہ اریدا اختر، عمار خالد نے لیپ ٹاپ سکیم اور ہونہار سکالر شپ کے بارے میں انتہائی جذباتی انداز میں اپنے تاثرات بیان کیے۔ تقریب میں لیپ ٹاپ سکیم کے ارتقا کے بارے دستاویزی فلم بھی دکھائی گئی۔ وزیر اعلیٰ مریم نواز شریف نے طلبہ اور طالبات میں ہونہار سکالر شپ کے چیک اور لیپ ٹاپ تقسیم کیے۔ طلباء نے وزیر اعلیٰ مریم نواز شریف کا شکریہ ادا کیا اور انہیں ماں جیسی قرار دیا۔ وزیراعلیٰ مریم نوازشریف نے ڈپٹی کمشنر چکوال سارہ حیات کو سٹیج پر بلا کر سراہا اور بچیوں کیلئے رول ماڈل قرار دیا۔ وزیر اعلیٰ مریم نواز شریف کو لیپ ٹاپ سکیم کے بارے میں تفصیلی بریفنگ دی گئی۔ فیز ون میں 40ہزار طلباء کو کور آئی سیون تھرٹین جنریشن لیپ ٹاپ دیئے گئے۔ فیز ٹو میں 33311 طلباء کو لیپ ٹاپ دیئے جائیں گے۔ سرکاری یونیورسٹیز، کالجز، میڈیکل اور ڈینٹل کالج کے طلباء کو میرٹ پر سکالر شپ دیئے جارہے ہیں۔ وزیراعلیٰ پنجاب مریم نواز شریف کے راستے میں مسلسل پھول نچھاور‘ کارکن پارٹی پرچم لیکرروڈ کے سائیڈ پر کھڑے رہے۔ وزیراعلی مریم نواز شریف نے ہاتھ ہلا کر نعروں کا جواب دیا۔ بعض نوجوان لیڈر کا استقبال کرنے کیلئے سجے سجائے گھوڑوں پر سوار ہو کر آئے۔ سڑک کی دونوں اطراف خواتین اور بچوں کا جم غفیر نظر آیا۔ وزیراعلی مریم نواز شریف نے چکوال سنٹر آف ایکسی لینس بوائز کیمپس کا افتتاح کر دیا۔ سینٹر آف ایکسیلنس میں وزیر اعلیٰ مریم نواز شریف کی آمد پر ننھے طلبہ کا جوش وخروش نظر آیا۔ قومی پرچم اور تصاویری بینر لہرائے۔ وزیر اعلیٰ مریم نوازشریف نے اوپر گیلری میں کھڑے طلبہ کو پاس بلا لیا۔ بچوں نے وزیر اعلی مریم نواز شریف کو درمیان پاکر نعرے لگائے اور تالیاں بجائیں۔ وزیراعلی مریم نواز شریف نے طلبہ کو نصیحت کی کہ دل لگا کر پڑھو، ملک کا نام روشن کیجئے۔ دل چاہتا ہے ہر شہر میں دس، پندرہ سینٹر آف ایکسیلنس بنائیں۔ وزیر اعلیٰ مریم نواز شریف نے درمیان میں کھڑے ہو کر بچوں کے ساتھ گروپ فوٹو بنوایا۔ وزیراعلیٰ مریم نواز شریف نے سنٹر آف ایکسی لینس میں پودا لگا کر شجرکاری مہم کا آغاز کیا۔ وزیر اعلیٰ مریم نواز شریف کو سنٹر آف ایکسی لینس پراجیکٹ کے بارے میں تفصیلی بریفنگ دی گئی۔ سنٹر آف ایکسی لینس میں سٹیٹ آف دی آٹ آئی ٹی لیب، سائنس لیب اور لیبارٹری قائم کی گئی ہے۔ سنٹر آف ایکسی لینس میں بہترین سٹیڈیم اور ملٹی پرپزل ہال بھی بنایا گیا ہے۔ سنٹر آف ایکسی لینس چکوال میں طلباء کے لئے پینے کا صاف پانی اور ہائی جینک واش روم بھی بنائے گئے۔ دریں اثناء وزیراعلیٰ پنجاب مریم نواز شریف کی ہدایت پر پنجاب بھر میں سیلاب زدگان کی مدد کے لئے فلڈ سروے کا آغاز کر دیا گیا۔ وزیراعلی مریم نواز شریف نے فلڈ سروے کے جلد آغاز پر پی ڈی ایم اے، انتظامیہ اور دیگر متعلقہ اداروں کو شاباش دی۔ وزیراعلیٰ مریم نواز شریف نے کمشنر، ڈپٹی کمشنر اور اسسٹنٹ کمشنر کو سروے ٹیموں کی معاونت اور مانیٹرنگ کی ہدایت کی۔ پنجاب کے 26 اضلاع میں فلڈ سروے کے لئے 1429ٹیمیں پہنچ گئی۔ قصور میں سیلاب زدگان کے نقصان کا تخمینہ لگانے کے لئے سروے کا آغاز آج (یکم اکتوبر) سے ہوگا۔
.
ذریعہ
ذریعہ: Nawaiwaqt
کلیدی لفظ: وزیراعلی مریم نواز شریف نے اعلی مریم نواز شریف نے سنٹر ا ف ایکسی لینس ہونہار سکالر شپ لیپ ٹاپ سکیم وزیر اعلی کے بارے کے لئے
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار