امریکی کمپنی کے ساتھ تیل و گیس شراکت داری، پشاور بلاک کی بحالی پر اہم پیشرفت
اشاعت کی تاریخ: 1st, October 2025 GMT
وفاقی وزیر علی پرویز ملک نے کاربیکس امریکن انرجی اور ماڑی پیٹرولیم کی قیادت سے ملاقات کی، جس میں پشاور بلاک کی بحالی اور انرجی شعبے میں مشترکہ منصوبوں پر تفصیلی تبادلہ خیال ہوا۔
وزیر علی پرویز ملک نے اس موقع پر کہا کہ ہائی کاربیکس امریکن انرجی اور پاکستانی کمپنیوں کے درمیان یہ شراکت ایکسپلوریشن سیکٹر کے لیے اہم قدم ہے۔
مزید پڑھیں:پاکستان میں آف شور تیل و گیس کی تلاش، معیشت کے لیے گیم چینجر قرار
انہوں نے اس بات پر بھی زور دیا کہ فیول سپلائی کے مقامی وسائل اور پائیداری کے لیے یہ شراکت داری مکمل تعاون کی یقین دہانی کراتی ہے۔
ملاقات میں ہائی کاربیکس امریکن انرجی کے سی ای او پیرس اون تھینک اور ماڑی انرجیز کے ایم ڈی فہیم حیدر بھی موجود تھے۔ سی ای او پیرس اون تھینک نے کہا کہ پاکستان میں انرجی کے شعبے میں بے پناہ مواقع موجود ہیں۔
انہوں نے مزید بتایا کہ ہائی کاربیکس امریکن انرجی، پشاور کے علاوہ 3 دیگر بلاکس پر بھی کام کر رہی ہے، اور نئی شراکت کے ذریعے پشاور بلاک میں ایکسپلوریشن کو فعال کیا جائے گا۔
مزید پڑھیں: امریکا اور پاکستان میں معدنیات اور تیل و گیس کے شعبے میں تعاون پر اتفاق
وفاقی وزیر علی پرویز ملک نے کہا کہ طویل المدتی پائیداری اور غیر ملکی براہِ راست سرمایہ کاری کو راغب کرنا حکومتی اصلاحات کا بنیادی مقصد ہے۔
انہوں نے یہ بھی کہا کہ ڈائریکٹوریٹ جنرل آف پیٹرولیم کنسیشنز میں اصلاحات انڈسٹری ماہرین کی مشاورت سے کی جائیں گی، تاکہ ایک مؤثر، شفاف اور سرمایہ کاری دوست ماحول پیدا کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی کمپنی تیل و گیس کاربیکس امریکن انرجی ماڑی پیٹرولیم.
ذریعہ
ذریعہ: WE News
کلیدی لفظ: امریکی کمپنی تیل و گیس کاربیکس امریکن انرجی کاربیکس امریکن انرجی تیل و گیس کے لیے کہا کہ
پڑھیں:
پشاور: پسند کی شادی کیلئے گھر سے نکلنے والی لڑکی اور لڑکا قتل
— فائل فوٹوپشاور میں تھانہ خزانہ کی حدود میں لڑکی اور لڑکے کے قتل کی 2 الگ الگ ایف آئی آر درج کر لی گئیں۔
پولیس کے مطابق لڑکی پسند کی شادی کے لیے گھر سے نکلی تھی، تاہم لڑکے کے گھر والوں نے لڑکی کو واپس اس کے گھر چھوڑ دیا۔
ملزمان مقتولین کے دو بچے اور گاڑی بھی ساتھ لے گئے تھے۔
پولیس کا کہنا ہے کہ لڑکی کے بھائیوں نے لڑکے کو اغوا کے بعد قتل کیا جبکہ ملزمان کے گھر سے لڑکی کی لاش ملی۔
فرار ملزمان کی تلاش کے لیے پولیس کی کوششیں جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ