جاپان کی تاریخ میں پہلی بار خاتون وزیراعظم بننے جا رہی ہیں
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
ٹوکیو: جاپان کی حکمران جماعت لبرل ڈیموکریٹک پارٹی نے اقتصادی سلامتی کی سابق وزیر سانائے تکائچی کو اپنا نیا سربراہ منتخب کرلیا ہے، جس کے بعد ملک کی تاریخ میں پہلی بار ایک خاتون کے وزیراعظم بننے کی راہ ہموار ہوگئی ہے۔
عالمی خبر رساں اداروں کے مطابق جاپان میں وزارتِ عظمیٰ کے انتخاب کے لیے پارلیمانی ووٹنگ وسط اکتوبر میں ہوگی۔ چونکہ ایوانِ زیریں میں لبرل ڈیموکریٹک پارٹی کو سب سے زیادہ نشستیں حاصل ہیں، اس لیے سانائے تکائچی کا وزیراعظم بننا تقریباً یقینی قرار دیا جارہا ہے۔
سانائے تکائچی نے پارٹی کے اندر ہونے والے رن آف الیکشن میں زراعت کے وزیر شینجیرو کوئزومی کو شکست دی، جو سابق وزیراعظم جونیچیرو کوئزومی کے صاحبزادے ہیں اور نوجوان ووٹرز میں خاصے مقبول سمجھے جاتے ہیں۔
جاپان ایک ایسا ملک ہے جو عالمی درجہ بندی میں صنفی مساوات کے حوالے سے کافی نیچے شمار ہوتا ہے۔ اس پس منظر میں سانائے تکائچی کا وزیراعظم کے عہدے تک پہنچنا ایک تاریخی سنگ میل قرار دیا جارہا ہے، جو جاپان کی سیاست میں خواتین کے کردار کے حوالے سے ایک نئی تاریخ رقم کرے گا۔
تاہم ماہرین کا کہنا ہے کہ تکائچی چونکہ پارٹی کے قدامت پسند دھڑے سے تعلق رکھتی ہیں، اس لیے ان کی بعض سخت گیر پالیسیوں پر نہ صرف پارلیمنٹ بلکہ عوامی حلقوں میں بھی بحث چھڑنے کا امکان ہے۔ سیاسی مبصرین کے مطابق ان کا اقتدار جاپان کی داخلی اور خارجہ پالیسیوں پر اہم اثرات ڈال سکتا ہے۔
ویب ڈیسک
دانیال عدنان
ذریعہ: Jasarat News
کلیدی لفظ: سانائے تکائچی جاپان کی
پڑھیں:
تاریخ میں پہلی بار اسموگ کے خاتمے کے لیے پنجاب میں جدید گنز کا استعمال شروع
وزیر اعلی پنجاب مریم نواز کی ہدایت پر تاریخ میں پہلی دفعہ اسموگ کے خاتمے کے لیے جدید گنز کا استعمال شروع کر دیا گیا۔
پنجاب کی تاریخ میں پہلی بار اینٹی اسموگ گن کی جدید ٹیکنالوجی کا استعمال شروع کیا گیا ہے، لاہور کے مختلف علاقوں میں اینٹی اسموگ گن کے باضابطہ استعمال کا آغاز کر دیا گیا۔
اے آئی سے جڑے جدید موسمیاتی نظام کی مدد سے اینٹی اسموگ گن کی افادیت کا بھی جائزہ لیا گیا، وزیراعلی مریم نواز نے پنجاب کے علاقوں میں اسموگ کے مسئلے پر قابو پانے کے لیے دیگر اقدامات کے ساتھ ساتھ جدید مشینری بھی فراہم کی۔
اسموگ کے خاتمے کی اس جدید مشین کے ذریعے پانی کے چھوٹے چھوٹے قطروں کی پھوار فضا میں برسائی جاتی ہے، پانی کی پھوار سے فضا میں موجود آلودگی اور مٹی کے زرات کو صاف کیا جاتا ہے، اسموگ میں کمی لانے کے لیے یہ جدید مشینری چین، بھارت سمیت دیگر ممالک میں بھی استعمال کی جا رہی ہے۔
15 اینٹی سموگ گنز مقامی طور پر تیار کی گئی ہیں جن کا اب باضابطہ استعمال شروع کر دیا گیا ہے، 5 اینٹی اسموگ گنز تیاری کے مرحلے میں ہیں۔
اینٹی اسموگ گنز کے ساتھ پانی صاف کرنے کا نظام بھی منسلک ہے، 16000 لیٹر واٹر ٹینک کے ساتھ منسلک یہ اینٹی اسموگ گن فضائی آلودگی پر قابو پانے کے وزیراعلی مریم نواز کے مشن کی ایک اہم کڑی ہے۔
اینٹی اسموگ گنز سے سانس اور پھیپھڑوں کی بیماریوں پر قابو پانے میں بھی مدد ملے گی، اینٹی سموگ گن 100 میٹر تک پانی کی پھوار فضا میں پھینک سکتی ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ