بلاول بھٹو کا ورلڈ ٹیچرز ڈے پر اساتذہ کو خراجِ تحسین
اشاعت کی تاریخ: 5th, October 2025 GMT
اسلام آباد(نمائندہ خصوصی) پاکستان پیپلز پارٹی کے چیئرمین بلاول بھٹو زرداری نے ورلڈ ٹیچرز ڈے کے موقع پر پاکستان سمیت دنیا بھر کے اساتذہ کو خراجِ تحسین پیش کیا ہے، جو اج 5 اکتوبر کو منایا جائے گا۔ پی پی پی چیئرمین نے اپنے پیغام میں کہا کہ اساتذہ ہی حقیقی معنوں میں قوم کے معمار ہیں، جو علم، اقدار اور اْمید کے علمبردار ہوتے ہیں۔ انہوں نے کہا کہ اساتذہ صرف پڑھانے والے نہیں ہوتے بلکہ وہ رہنما، سرپرست اور ہماری اجتماعی مستقبل کے خاموش معمار ہیں۔ انہوں نے مزید کہا کہ میں عالمی یومِ اساتذہ کے موقع پر ان کی محنت، صبر اور بے لوث خدمت کو سلام پیش کرتا ہوں۔ پاکستان پیپلز پارٹی ملک بھر کے ٹیچرز کے ساتھ کھڑی ہے، کیونکہ ان کے بغیر ایک روشن پاکستان کا تصور ممکن نہیں۔ چیئرمین بلاول بھٹو زرداری نے کہا کہ پاکستان پیپلز پارٹی کا یہ کامل یقین ہے کہ تعلیم جہالت اور عدم مساوات کے خلاف سب سے مؤثر ہتھیار ہے۔ انہوں نے نشاندھی کرتے ہوئے کہا کہ قائدِ عوام شہید ذوالفقار علی بھٹو نے پاکستان کے جدید تعلیمی نظام کی بنیاد رکھی، جبکہ شہید محترمہ بینظیر بھٹو نے اسی وڑن کو آگے بڑھاتے ہوئے خصوصاً بچیوں اور محروم طبقات کے لیے تعلیم تک رسائی کو وسیع کیا۔انہوں نے کہا کہ جب بھی وفاق یا صوبے میں پیپلز پارٹی کی حکومت بنی ہے، تو ریکارڈ گواہ ہے کہ پی پی پی نے سب سے زیادہ اسکول قائم کیے، یونیورسٹیاں قائم کیں اور تعلیم کے شعبے میں سرمایہ کاری کی۔
.
ذریعہ
ذریعہ: Nawaiwaqt
کلیدی لفظ: پیپلز پارٹی انہوں نے کہا کہ
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار