بھارت کے سرکاری اسپتال میں خوفناک آتشزدگی سے 7 مریض ہلاک
اشاعت کی تاریخ: 6th, October 2025 GMT
بھارتی ریاست راجستھان کے شہر جے پور کے سوائی مان سنگھ نامی سرکاری اسپتال کے ٹراما سینٹر میں اتوار کی رات آئی سی یو میں آگ لگنے سے 7 مریض ہلاک ہوگئے جبکہ 5 کی حالت نازک بتائی گئی ہے۔ آگ لگنے کا سبب شارٹ سرکٹ بتایا جا رہا ہے، جبکہ متاثرہ مریضوں کے اہل خانہ نے الزام لگایا ہے کہ عملہ آگ لگنے کے فوراً بعد اسپتال سے فرار ہو گیا تھا۔
بھارتی میڈیا رپورٹس کے مطابق آگ اسپتال کی عمارت کی دوسری منزل پر لگی تھی، جس کے بعد فلور پر ہر طرف دھواں چھا گیا جس سے مریضوں اور ان کے تیمارداروں کو شدید گھبراہٹ کا سامنا کرنا پڑا۔ واقعے میں آئی سی یو کا سامان، خون کے نمونے رکھنے والی ٹیوبیں، کاغذات اور دیگر اشیاء جل کر خاکستر ہو گئیں۔
رپورٹ کے مطابق آگ اتنی شدید تھی کہ آئی سی یو میں داخل 7 مریض دم توڑ گئے۔ حادثہ صبح دو سے تین بجے کے درمیان پیش آیا تھا۔
حادثے کی اطلاع ملتے ہی راجستھان کے وزیر اعلی بھجن لال شرما فوری طور پر اسپتال پہنچے،جس کے بعد آج انہوں نے واقعے کی اعلیٰ سطحی تحقیقات کا حکم دیا ہے۔ تحقیقات کے لیے میڈیکل ایجوکیشن ڈپارٹمنٹ کے کمشنر اقبال خان کی سربراہی میں کمیٹی قائم کی گئی ہے۔
یہ کمیٹی آگ لگنے کی وجوہات، اسپتال انتظامیہ کی جانب سے ردعمل، فائر فائٹنگ انتظامات، مریضوں کی بحفاظت نکاسی، اور مستقبل میں ایسے واقعات سے بچاؤ کے اقدامات پر رپورٹ تیار کرے گی۔
رپورٹ میں بتایا گیا ہے کہ حادثے کے وقت اسپتال میں کُل 210 مریض داخل تھے، جن میں سے چار آئی سی یوز میں 40 مریض موجود تھے۔ ہر آئی سی یو میں رات کے وقت صرف ایک عملہ تعینات تھا، جو مبینہ طور پر آگ لگتے ہی فرار ہو گیا تھا۔
اسپتال کے عملے اور مریضوں کے لواحقین نے مل کر مریضوں کو باہر نکالا، حتیٰ کہ انہیں بستر سمیت عمارت کے باہر منتقل کیا گیا۔ فائر فائٹر عملے نے تقریباً دو گھنٹے کے بعد آگ پر قابو پایا۔
ٹراما سینٹر انچارج ڈاکٹر انوراگ دھاکڑ کے مطابق دوسری منزل پر دو آئی سی یوز موجود تھے، ایک ٹراما آئی سی یو جس میں 11 مریض تھے، اور ایک سیمی آئی سی یو جس میں 13 مریض داخل تھے۔
انہوں نے بتایا کہ ٹراما آئی سی یو میں شارٹ سرکٹ ہوا، جس کے بعد آگ تیزی سے پھیلی اور زہریلا دھواں خارج ہوا جس سے اکثر مریض بے ہوش ہوگئے۔
جے پور پولیس کمشنر بیجو جارج جوزف کے مطابق آگ لگنے کی اصل وجہ جاننے کے لیے فورینزک ٹیموں کو طلب کیا گیا ہے۔
ان کا کہنا تھا کہ ابتدائی طور پر یہ شارٹ سرکٹ کا نتیجہ معلوم ہوتا ہے۔ باقی مریضوں کو دوسرے وارڈز میں منتقل کر دیا گیا ہے اور ان کا علاج جاری ہے۔
.ذریعہ: Daily Mumtaz
کلیدی لفظ: آئی سی یو میں کے مطابق آگ لگنے کے بعد
پڑھیں:
اجتماع عام میں شریک سانس کے مریضوں کے لیے احتیاط
data-id="863a0a8" data-element_type="widget" data-widget_type="theme-post-content.default">
251120-03-4
ڈاکٹر خالد مشتاق
لاہور میں رات کا ٹمپریچر 10c، 11c ہوگا۔ جب درجہ حرارت کم ہوتا ہے تو سانس کا نظام متاثر ہوتا ہے۔ سانس کی نالی ناک خشک ہوجاتی ہے۔ خشک ہونے سے بے چینی ہوتی ہے۔ بعض افراد میں ناک بہنے بھی لگتی ہے۔ ایسے میں اجتماع عام میں شریک لوگ کیا کریں؟ -1ماسک استعمال کریں۔-2ناک میں سرسوں کا تیل/ وکس/ ویسلین لگا سکتے ہیں۔-3 پانی بار بار پئیں۔-4 نمک لے کر جائیں۔ سردی گلے کو بھی متاثر کرسکتی ہے۔ نمک نیم گرم پانی میں ڈال کر غرارے کریں۔ ناک اندر تک صاف کریں۔ کھانسی ہو تو نمک چاٹ سکتے ہیں۔-5 اسٹیمر لے کر جائیں تا کہ بھاپ لے سکیں۔-6 لونگ کا تیل۔ کی بوتل لے جائیں۔ 3-2 قطرے ڈال کر بھاپ لیں۔ ناک گلے کی تکلیف کم ہوجائے گی۔-7 سردی سے بچنے کے لیے گرم ٹوپی / ٹوپا جو کانوں کو بھی سردی سے بچائے۔ مفلر کا استعمال کریں۔ گردن کو بھی سردی سے بچائیں تا کہ نزلہ نہ ہو۔ ایسے افراد جن کو الرجی کا مسئلہ ہو/ دمہ کی تکلیف ہو، (Movteleukast Sodiuy 10mg) گولی کا نام یہ ہے۔ یہ فارمولا ہے۔ -9 اپنی دوا جو سانس کے لیے لیتے ہیں اور انہیلر ساتھ لے کر جائیں۔-10 اگر آپ کے پاس نیبولائزر ہے تو ضرور لے کر جائیں۔ نزلہ ہو تو نارمل سیلائن 20-19 قطرے ڈال کر نیبولائزر کریں۔ اگر دمہ کا مریض ساتھ ہے تو نیبولائزر جو گھر پر ہے ضرور لے کر جائیں۔ ٹرین میں جانے والے سیل سے چلنے والا نیبولائزر ضرور ساتھ لے جائیں۔ دمہ کے مریض Ventollin Soluton نیبو لائزر کے لیے لازماً ساتھ رکھیں۔ دمہ کے مریض نیبولائزر کے لیے Ventollin Soluton ساتھ لے کر جائیں۔ تکلیف ہو تو 20 قطرے ڈال کر نیبولائزر کرسکتے ہیں۔ پھر ڈاکٹر کو دکھائیں۔ واضح رہے کہ پچھلے سالانہ اجتماع میں ہمارے ایک نوجوان ساتھی جو دمے کے مریض تھے راستے میں بروقت علاج نہ ملنے سے شہید ہوگئے تھے۔ اجتماع میں شریک بچوں کو ٹوپا لازمی پہنائیں اور نارمل سیلائن 0.9% لے کر جائیں۔ بار بار ناک میں ڈالتے رہیں۔
دہلی دھماکے کی تفتیش میں تیزی سے کشمیری ڈاکٹروں میں خوف و بے چینی میں اضافہ