فیڈرل بورڈ نے نیا گریڈنگ فارمولا جاری کر دیا، نیا نظام 2026 سے لاگو ہوگا
اشاعت کی تاریخ: 8th, October 2025 GMT
فیڈرل بورڈ آف انٹرمیڈیٹ اینڈ سیکنڈری ایجوکیشن (FBISE) نے امتحانی نتائج کے لیے نیا گریڈنگ فارمولا جاری کر دیا ہے، جو میٹرک (SSC) کے امتحانات پر 2026 سے اور ایف اے، ایف ایس سی (HSSC) کے امتحانات پر 2027 سے نافذ ہوگا۔
جاری نوٹیفکیشن کے مطابق، نئے نظام کے تحت 96 سے 100 فیصد نمبر حاصل کرنے والے طلبہ کو A++ گریڈ، جبکہ 91 سے 95 فیصد نمبر لینے والوں کو A+ گریڈ دیا جائے گا۔
مزید پڑھیں: فیڈرل بورڈ انٹرمیڈیٹ امتحانات کے نتائج کا اعلان، لڑکیاں پھر سبقت لے گئیں
اسی طرح 86 سے 90 فیصد نمبر پر A گریڈ، 81 سے 85 فیصد پر B++ گریڈ اور 76 سے 80 فیصد نمبر لینے والوں کے لیے B+ گریڈ مقرر کیا گیا ہے۔
مزید بتایا گیا ہے کہ 71 سے 75 فیصد نمبر پر B گریڈ، 61 سے 70 فیصد پر C+ اور 51 سے 60 فیصد نمبر لینے والوں کو C گریڈ دیا جائے گا۔
40 سے 50 فیصد نمبر حاصل کرنے والے طلبہ کو D (Emerging) گریڈ اور 40 فیصد سے کم نمبر لینے والے طلبہ کو “Ungraded” قرار دیا جائے گا۔
مزید پڑھیں:فیڈرل بورڈ کے نویں اور دسویں کے سالانہ نتائج کا اعلان، طالبات بازی لے گئیں
نوٹیفکیشن میں یہ بھی کہا گیا ہے کہ ناکام طلبہ دوبارہ امتحان دینے کے اہل ہوں گے، بشرطیکہ وہ دیگر مقررہ شرائط پوری کریں۔
فیڈرل بورڈ کے مطابق، نیا گریڈنگ سسٹم طلبہ کی کارکردگی کو بین الاقوامی معیار کے مطابق پرکھنے کے لیے تیار کیا گیا ہے، تاکہ تعلیمی تشخیص کو زیادہ شفاف اور جامع بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
FBISE فیڈرل بورڈ نیا گریڈنگ فارمولا.
ذریعہ
ذریعہ: WE News
کلیدی لفظ: فیڈرل بورڈ نیا گریڈنگ فارمولا نیا گریڈنگ فیڈرل بورڈ فیصد نمبر نمبر لینے کے لیے گیا ہے
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ