اورکزئی واقعہ وزیر اعلیٰ کی تبدیلی کا محرک بنا، سلمان اکرم راجہ
اشاعت کی تاریخ: 8th, October 2025 GMT
اسلام آباد (ڈیلی پاکستان آن لائن) پاکستان تحریک انصاف کے سیکریٹری جنرل سلمان اکرم راجہ کا کہنا ہے کہ اورکزئی واقعہ علی امین گنڈاپور کو وزارت اعلیٰ سے ہٹانے کا محرک بنا۔ واضح رہے کہ دہشتگردی کے واقعے میں لیفٹیننٹ کرنل اور میجر سمیت پاک فوج کے 11 جوان شہید ہوئے ہیں۔
اڈیالہ جیل کے باہر میڈیا سے گفتگو کرتے ہوئے سلمان اکرم راجہ نے کہا کہ عمران خان کو توقع ہے کہ وزیر اعلیٰ کی تبدیلی سے ایک نئی شروعات ہوگی، افہام و تفہیم کی بات ہوگی، معاملات کو سمجھنے کی بات ہوگی۔ خیبر پختونخوا میں جو جرگے اور قبائل ہیں ان سے معاونت حاصل کی جائے گی، ایک دیرپا حل مہیا کیا جائے گا۔
پاکپتن کی تاریخ کا پہلا سرکاری ٹرانسپورٹ سسٹم , 15 بسیں3مختلف شہری روٹس پر چلیں گی
انہوں نے کہا کہ یہ عمران خان کا سوچا سمجھا فیصلہ ہے لیکن اس کا محرک اورکزئی میں ہونے والا دہشتگردی کا واقعہ بنا۔ جو شہادتیں ہوئی ہیں انہوں نے عمران خان کو انتہائی مغموم کیا ہے۔ انہوں نے تمام شہدا کے درجات کی بلندی کی دعا کی اور غم کا اظہار کیا۔انہوں نے اس عزم کا اظہار کیا ہے کہ آئندہ ہم بہتر پالیسی اپنا سکیں گے، صوبائی حکومت وفاق کی رہنمائی کرسکے گی۔
مزید :.ذریعہ: Daily Pakistan
کلیدی لفظ: انہوں نے
پڑھیں:
پیپلز پارٹی سے اتحاد ممکن نہیں، عدم اعتماد کی تحریک پر غور ہوسکتا ہے: سلمان اکرم راجہ
فائل فوٹوسیکریٹری جنرل پی ٹی آئی سلمان اکرم راجہ نے کہا ہے کہ پیپلز پارٹی کے ساتھ حکومت سازی کے لیے اتحاد ممکن نہیں، موجودہ حکومت کے خلاف عدم اعتماد کی تحریک پر غور ہوسکتا ہے۔
راولپنڈی میں اڈیالہ جیل کے باہر میڈیا سے گفتگو میں سلمان اکرم راجہ نے کہا کہ پیپلز پارٹی اور ن لیگ کی نورا کشتی چل رہی ہے، چند دن میں ختم ہوجائے گی، پیپلز پارٹی کے ساتھ حکومت میں بیٹھنا بانی پی ٹی آئی کو منظور نہیں، اسد قیصر نے بھی عدم اعتماد کی تحریک کے لیے ووٹ دینے کی بات کی ہے، حکومت کے خلاف عدم اعتماد کی صورت میں اگر کوئی پارٹی حکومت نہیں بنا سکتی تو نئے انتخابات ہونے چاہئیں۔
انہوں نے کہا کہ ہوسکتا ہے قومی اسمبلی اور سینیٹ میں اپوزیشن لیڈرز کے انتخاب پر پارٹی میں مختلف رائے ہو لیکن یہ اب ماضی ہے، پی ٹی آئی بڑی جماعت ہے لیکن ہمارے اتحادی اکابرین سیاست میں ایک ماضی رکھتے ہیں، محمود خان اچکزئی اور علامہ راجہ ناصر عباس بانی پی ٹی آئی کا انتخاب ہیں۔
تحریک انصاف کے رہنما سلمان اکرم راجہ نے کہا ہے کہ آج کا بڑا فیصلہ تھا جس سے پارلیمانی پارٹی کو آگاہ کیا گیا۔
ان کا کہنا تھا کہ توشہ خانہ ٹو میں جو بھی سزا ہوگی وہ ٹھہر نہیں پائے گی، تمام سزائیں سیاسی ہیں پہلے کے کیسز کا حال سب کے سامنے ہے.
انہوں نے کہا کہ پشاور جلسے سے متعلق فیکٹ فائنڈنگ کمیٹی کی رپورٹ کو پارٹی دیکھے گی، ابھی اس بارے میں کوئی بات نہیں کر سکتا۔
سلمان اکرم راجہ نے کہا کہ علیمہ خان کو بانی پی ٹی آئی کا پیغام دینے سے روکنا خاندان کے اندر کا معاملہ ہے، علیمہ خان پر متعدد مقدمات درج ہیں خدشہ ہے ان کو کسی وقت گرفتار کیا جاسکتا ہے، بانی پی ٹی آئی نے علیمہ خان کی گرفتاری کے پیش نظر انہیں روکا ہے، ایک بہن نہیں تو دوسری بہن پیغامات اور بانی کی ہدایات ہم تک پہنچائیں گی۔
انہوں نے کہا کہ جیل ٹرائل کو منتقل کرنے کا مقصد بانی پی ٹی آئی کو تنہا کرنا تھا، ہم واٹس ایپ ٹرائل کے خلاف ہائیکورٹ گئے، عدالتی کارروائی کا بائیکاٹ بھی کیا تھا، پنجاب حکومت نے مزید ہزیمت اٹھانے کے بجائے جیل ٹرائل بحال کرکے اچھا فیصلہ کیا، بانی پی ٹی آئی کو تنہا کرنے کا منصوبہ ہم نے نہیں مانا۔
فی پوسٹ 7 ہزار ڈالر! اسرائیل نے امریکی سوشل میڈیا انفلوئنسرز کو خریدنا شروع کر دیا