ماحول دوست توانائی اپنائیں، بڑھتے درجہ حرارت کو قابو میں لائیں: گوتیرش
اشاعت کی تاریخ: 8th, October 2025 GMT
اسلام آباد (اُردو پوائنٹ ۔ UN اردو۔ 08 اکتوبر 2025ء) اقوام متحدہ کے سیکرٹری جنرل انتونیو گوتیرش نے ایک مرتبہ پھر دنیا بھر کے ممالک سے مطالبہ کیا ہے کہ وہ معدنی ایندھن سے چھٹکارا حاصل کریں جو عالمی حدت میں اضافے کا باعث بن رہے ہیں۔
انہوں نے یہ اپیل ماحول دوست توانائی کے بارے میں دو نئی رپورٹوں کے اجرا پر کی ہے جن میں بتایا گیا ہے کہ قابل تجدید توانائی کے شعبے میں پہلے سے کہیں تیزرفتار ترقی ہو رہی ہے جس کا ثبوت یہ ہے کہ گزشتہ سال پہلی مرتبہ اس توانائی نے کوئلے سے زیادہ بجلی پیدا کی ہے۔
Tweet URLیہ انکشاف ماحول دوست اور قابل تجدید توانائی کی جانب منتقلی سے متعلق بین الاقوامی تھنک ٹینک 'امبر' کی ایک نئی تحقیق میں سامنے آیا ہے۔
(جاری ہے)
اس کے مطابق، رواں سال کے پہلے نصف میں شمسی اور ہوائی توانائی کی پیداوار نے دنیا بھر میں بجلی کی بڑھتی ہوئی طلب سے بھی زیادہ ترقی کی جس کے نتیجے میں کوئلے اور گیس کے استعمال میں گزشتہ سال اسی عرصہ کے مقابلے میں کمی دیکھی گئی۔سیکرٹری جنرل نے کہا ہے کہ ماحول دوست توانائی کا مستقبل اب کوئی دور کا وعدہ نہیں رہا بلکہ یہ توانائی دنیا میں وافر مقدار میں پیدا ہونے لگی ہے۔
انہوں نے عالمی برادری پر زور دیا ہے کہ وہ اس تاریخی موقع سے فائدہ اٹھائے اور سبھی کے بہتر مستقبل کی جانب کوششوں کو تیز کرے۔فیصلہ کن موڑ'امبر' میں بجلی کے شعبے کی اعلیٰ سطحی تجزیہ کار مالگورزاتا ویاتروس موتیکا نے ماحول دوست توانائی کے شعبے میں تیزرفتار ترقی کو فیصلہ کن موڑ قرار دیا ہے۔ ان کا کہنا ہے کہ شمسی اور ہوائی توانائی اب اتنی تیزی سے ترقی کر رہی ہیں کہ ان سے دنیا میں بجلی کی بڑھتی ہوئی طلب پوری ہو سکتی ہے۔
یہ وہ لمحہ ہے جب یہ توانائی طلب کے ساتھ قدم سے قدم ملا رہی ہے۔دوسری رپورٹ میں جوہری توانائی کے عالمی ادارے (آئی اے ای اے) نے بتایا ہے کہ قابل تجدید توانائی کی تنصیبات میں مسلسل اضافہ ہو رہا ہے اور توقع ہے کہ 2030 تک یہ صلاحیت دوگنا بڑھ جائے گی۔
رپورٹ کے مطابق، عالمی سطح پر قابل تجدید توانائی کی صلاحیت میں 4,600 گیگا واٹ کا اضافہ متوقع ہے جو چین، یورپی یونین اور جاپان میں بجلی کی موجودہ پیداوار کے مجموعی حجم کے برابر ہو گا۔
شمسی توانائی کی فوٹووولٹائک ٹیکنالوجی کا اس میں اہم کردار ہے جو سورج کی روشنی کو براہ راست بجلی میں تبدیل کرتی ہے۔ رپورٹ کے مطابق، ماحول دوست توانائی کی مقدار میں اضافے کا تقریباً 80 فیصد حصہ شمسی توانائی پر مشتمل ہو گا جس کے بعد ہوائی، پن بجلی، حیاتیاتی توانائی اور جیو تھرمل بجلی کا نمبر آتا ہے۔
سب کے لیے بہتر مستقبلیہ رپورٹیں اقوام متحدہ کے سیکرٹری جنرل کی جانب سے جولائی میں جاری کیے گئے 'موقع کا لمحہ' نامی جائزے کی توثیق کرتی ہیں اور یہ ان پیغامات کی عکاس بھی ہیں جو عالمی رہنماؤں نے گزشتہ ماہ موسمیاتی کانفرنس کے دوران دیے تھے۔
یہ کانفرنس اقوام متحدہ کی جنرل اسمبلی کے اعلیٰ سطحی ہفتے اور نومبر میں برازیل میں ہونے والی عالمی موسمیاتی کانفرنس (کاپ30) کی تیاریوں کا حصہ تھی۔سیکرٹری جنرل بارہا واضح کر چکے ہیں کہ اگرچہ قابل تجدید اور ماحول دوست توانائی کی جانب نمایاں پیش رفت ہوئی ہے مگر اب بھی اس توانائی کی جانب منتقلی کو مزید تیررفتار اور منصفانہ بنانے کی ضرورت ہے۔
انہوں نے دنیا پر زور دیا ہے کہ اگر پیرس معاہدے کے تحت عالمی درجہ حرارت میں اضافے کو صنعتی دور سے پہلے کی سطح کے مقابلے میں 1.
ذریعہ
ذریعہ: UrduPoint
کلیدی لفظ: تلاش کیجئے قابل تجدید توانائی ماحول دوست توانائی سیکرٹری جنرل توانائی کے توانائی کی میں بجلی کی جانب
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار