اداکارہ جویریہ عباسی نے ’دوہرا نکاح‘ کرنے کی کیا وجہ بتائی؟
اشاعت کی تاریخ: 9th, October 2025 GMT
پاکستان شوبز انڈسٹری کی معروف اداکارہ جویریہ عباسی نے حال ہی میں اپنے نکاح سے متعلق دلچسپ انکشافات کیے ہیں کہ کس طرح ان کا نکاح ’ڈوئل نکاح‘ بن گیا۔
جویریہ عباسی نے ایک پروگرام میں شرکت کے دوران نہ صرف اپنے فنی کیریئر بلکہ ذاتی زندگی اور شادی کی تقریب میں ادا کی گئی مختلف رسومات پر بھی کھل کر گفتگو کی۔ انہوں نے بتایا کہ ان کا نکاح ایک ’سو شی‘ یعنی سنی شعیہ شادی تھی، جس میں دونوں خاندانوں نے اپنی اپنی مذہبی روایات کے مطابق مختلف رسومات ادا کیں اور نکاح بھی دونوں مسالک کے طریقے کے مطابق ادا کیا گیا اور یوں یہ ایک منفرد اور خوبصورت تقریب ثابت ہوئی۔ اس طرح ان کا نکاح ایک ڈوئل نکاح بن گیا۔
میزبان اشنا شاہ نے ایک تصویر دکھاتے ہوئے سوال کیا کہ کیا ان کے ماتھے پر سندور لگایا جا رہا ہے؟ جس پر جویریہ عباسی نے بتایا کہ ان کے شوہر کے خاندان میں نکاح کے بعد بیوی کے ماتھے پر آیت لکھنا ایک روایت ہے، اور یہ تصویر اسی موقع پر لی گئی تھی۔
اپنی ازدواجی زندگی کے حوالے سے گفتگو کرتے ہوئے جویریہ عباسی کا کہنا تھا کہ وہ اپنے تعلقات سے بے حد خوش ہیں اور زندگی کے اس نئے باب کو بڑی خوشی اور جوش و جذبے کے ساتھ دیکھ رہی ہیں۔ انہوں نے اس تجربے کو نہایت خاص اور یادگار قرار دیا۔
یہ بھی پڑھیں: ہاتھ کس نے مانگا اور دوسری شادی کا فیصلہ کیوں کیا؟ جویریہ عباسی اور ان کے شوہر کے انکشافات
واضح رہے کہ جویریہ عباسی نے مئی 2024 میں سوشل میڈیا کے ذریعے اپنی منگنی کا اعلان کیا تھا، اور کچھ ہی عرصے بعد ایک ٹی وی شو میں اپنی دوسری شادی کی تصدیق بھی کی تھی۔ انہوں نے عدیل حیدر سے شادی کی ہے جو ایک کاروباری شخصیت کے ساتھ ساتھ فوٹوگرافر بھی ہیں۔
یہ بات بھی قابل ذکر ہے کہ جویریہ عباسی کی پہلی شادی 1997 میں اداکار شموں عباسی سے ہوئی تھی، جس سے ان کی بیٹی عنزیلہ عباسی پیدا ہوئی۔ تاہم، 2009 میں ان دونوں کا طلاق ہو گیا تھا۔ والدین کی علیحدگی کے بعد عنزیلہ اپنی والدہ کے ساتھ رہی، اور 2023 میں جویریہ عباسی نے اپنی بیٹی کی شادی کی بھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جویریہ عباسی جویریہ عباسی شادی جویریہ عباسی نکاح.
ذریعہ
ذریعہ: WE News
کلیدی لفظ: جویریہ عباسی جویریہ عباسی شادی جویریہ عباسی نکاح جویریہ عباسی نے شادی کی
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار