غزہ اور فلسطین کبھی تنہا نہیں ہوگا، جامعہ کراچی میں فلسطین سے اظہارِ یکجہتی
اشاعت کی تاریخ: 9th, October 2025 GMT
اسلام ٹائمز: ریلی سے خطاب کرتے ہوئے سیکرٹری جنرل فلسطین فاؤنڈیشن پاکستان ڈاکٹر صابر ابو مریم نے کہا کہ غزہ کے مظلوم عوام پر جاری ظلم پوری انسانیت کے لیے امتحان ہے، فلسطین کی آزادی عالمی ضمیر کا مطالبہ ہے، اور پاکستان کے عوام ہمیشہ فلسطین کے ساتھ کھڑے رہیں گے، امتِ مسلمہ کو اپنے اختلافات سے بالاتر ہو کر فلسطینی عوام کی عملی مدد کرنی چاہیئے۔ متعلقہ فائیلیںاسلام ٹائمز۔ جامعہ کراچی میں اسرائیلی بربریت کے خلاف اسٹوڈنٹس الائنس کے زیرِ اہتمام غزہ مارچ اور پُرامن احتجاجی ریلی کا انعقاد کیا گیا، جس میں طلبہ، اساتذہ، اور سول سوسائٹی کے نمائندوں کی بڑی تعداد نے شرکت کی۔ شرکاء نے ہاتھوں میں “Free Palestine”، “Stop Genocide in Gaza” اور “From Gaza to Karachi — One Struggle for Justice” کے بینرز اٹھا رکھے تھے۔ ریلی سے خطاب کرتے ہوئے سیکرٹری جنرل فلسطین فاؤنڈیشن پاکستان ڈاکٹر صابر ابو مریم نے کہا کہ غزہ کے مظلوم عوام پر جاری ظلم پوری انسانیت کے لیے امتحان ہے، فلسطین کی آزادی عالمی ضمیر کا مطالبہ ہے، اور پاکستان کے عوام ہمیشہ فلسطین کے ساتھ کھڑے رہیں گے، امتِ مسلمہ کو اپنے اختلافات سے بالاتر ہو کر فلسطینی عوام کی عملی مدد کرنی چاہیئے۔
اساتذہ نے اپنے خطابات میں کہا کہ اسرائیلی جارحیت انسانیت سوز جرم ہے جسے دنیا کے کسی قانون کے تحت جائز نہیں کہا جا سکتا، فلسطین کے حقِ خودارادیت کی جدوجہد کو علمی اور فکری سطح پر بھی اجاگر کرنے کی ضرورت ہے، نوجوان نسل کو سوشل میڈیا پر فلسطینی مظلوموں کی آواز بننا چاہیئے۔ طلبہ رہنماؤں نے کہا کہ غزہ سے کراچی تک، ایک ہی جدوجہد، حق کی حمایت، صرف نعرہ نہیں بلکہ ایک عہد ہے، فلسطین کی آزادی ہی مشرقِ وسطیٰ اور دنیا میں پائیدار امن کی ضمانت ہے، طلبہ تحریکیں ہمیشہ انصاف اور آزادی کے ساتھ کھڑی رہیں گی۔ ریلی کے اختتام پر شرکاء نے فلسطینی شہداء کے ایصالِ ثواب کے لیے دعا کی اور عالمی برادری سے فوری جنگ بندی اور انسانی امداد کی فراہمی کا مطالبہ کیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: کہا کہ
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا