بھارت کا ایشیا کپ ٹرافی تنازع آئی سی سی میں اٹھانے کا اعلان، ٹرافی کو ہاتھ لگایا جائے اور نہ ادھر ادھر کی جائے
اشاعت کی تاریخ: 10th, October 2025 GMT
بھارت کا ایشیا کپ ٹرافی تنازع آئی سی سی میں اٹھانے کا اعلان، ٹرافی کو ہاتھ لگایا جائے اور نہ ادھر ادھر کی جائے WhatsAppFacebookTwitter 0 10 October, 2025 سب نیوز
اسلام آباد (آئی پی ایس )بھارت کے انکار کے بعد ایشیا کپ 2025 کی ٹرافی کو دبئی میں تالے میں رکھ دیا گیا، ایشین کرکٹ کونسل کے صدر محسن نقوی کی سخت ہدایات پر ٹرافی اے سی سی کے آفس میں موجود ہے اور انہوں نے ہدایت کی ٹرافی کو ہاتھ لگایا جائے نہ ادھر ادھر کی جائے، بھارتی ٹیم جب چاہیے ٹرافی آکرمیرے ہاتھ سے لے سکتی ہے، جب بھی پلان ہو بتا دیا جائے۔ دوسری جانب بی سی سی آئی نے معاملہ آئی سی سی اجلاس میں اٹھانے کی تیاری شروع کردی ہے۔
بھارتی نشریاتی ادارے این ڈی ٹی وی کے مطابق متحدہ عرب امارت میں کھیلے گئے ایشیا کپ 2025 کی ٹرافی جو بھارتی ٹیم نے ایشین کرکٹ کونسل (اے سی سی) کے صدر محسن نقوی سے لینے سے انکار کر دیا تھا تاحال دبئی میں اے سی سی کے ہیڈ کوارٹرز میں بند ہے۔ذرائع کے مطابق محسن نقوی کی جانب سے واضح ہدایات دی گئی ہیں کہ ٹرافی کو چیئرمین کی اجازت اور موجودگی کے بغیر نہ ہلایا جائے اور نہ ہی کسی کے حوالے کیا جائے۔
یہ معاملہ اس وقت شروع ہوا جب بھارتی ٹیم نے 28 ستمبر کو دبئی میں ہونے والے فائنل میں پاکستان کو شکست دے کر ایشیا کپ جیتا مگر پریزنٹیشن تقریب کے دوران محسن نقوی سے ٹرافی لینے سے انکار کر دیا۔ اس کے بعد نقوی خود ٹرافی لے کر تقریب سے چلے گئے، جو اب تک اے سی سی کے دفتر میں موجود ہے۔
محسن نقوی جو پاکستان کرکٹ بورڈ (پی سی بی) کے چیئرمین اور اپنے ملک کے وزیر داخلہ بھی ہیں، اس وقت بھارت اور پاکستان کے درمیان بڑھتی ہوئی کشیدگی کے پس منظر میں ایک متنازع شخصیت کے طور پر سامنے آئے ہیں۔ پہلگام دہشت گرد حملے کے بعد دونوں ملکوں کے تعلقات مزید بگڑ گئے ہیں۔
ایشین کرکٹ کونسل سے وابستہ ایک ذریعے کے مطابق، محسن نقوی نے سخت ہدایت جاری کی ہے کہ ٹرافی ان کی منظوری کے بغیر کسی کو نہ دی جائے، وہ خود ذاتی طور پر یہ ٹرافی بھارتی ٹیم یا بی سی سی آئی کو دیں گے، جب بھی یہ موقع آئے گا۔پورا ایشیا کپ بھارت اور پاکستان کے درمیان کشیدگی کے باعث تنازعات کی زد میں رہا۔ بھارتی کھلاڑیوں نے پورے ٹورنامنٹ کے دوران پاکستانی کھلاڑیوں سے ہاتھ ملانے سے انکار کیا اور دونوں ٹیموں کے کھلاڑیوں نے سیاسی اشاروں کے ذریعے ایک دوسرے کا مذاق اڑایا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکابل کی خودمختار علاقائی سالمیت کی خلاف ورزی کی گئی، افغانستان کا پاکستان پر الزام کابل کی خودمختار علاقائی سالمیت کی خلاف ورزی کی گئی، افغانستان کا پاکستان پر الزام سینئر سفارت کار طاہر حسین اندرابی کو نیا ترجمان دفتر خارجہ مقرر کرنے کا فیصلہ وزیراعظم محمد شہباز شریف سے ایتھوپیا کے پاکستان میں سفیر جمیل بیکر عبدللہ کی الوداعی ملاقات جواب دہی کے بغیر امن ایک سراب بن کر رہ جاتا ہے،پاکستان کمیٹی نے امن پر سیاست کو ترجیح دی، نوبیل انعام پر وائٹ ہا ئو س برہم جتھوں کی سیاست کے ذریعے مطالبات منوانے کی کوئی گنجائش نہیں: حکومتCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
پڑھیں:
سعودی عرب نے عالمی ٹورنامنٹس کی میزبانی حاصل کرکے نئی تاریخ رقم کی ہے، محسن نقوی
چیئرمین پی سی بی محسن نقوی نے کہا ہے کہ سعودی قیادت کی سرپرستی میں مملکت نے عالمی کھیلوں کے منظرنامے میں ایک نئی اور شاندار تاریخ رقم کی ہے۔ بڑے بین الاقوامی ٹورنامنٹس کی میزبانی حاصل کرنا سعودی عرب کے وژن اور کھیلوں سے وابستہ سنجیدہ عزم کا واضح ثبوت ہے۔
ریاض میں سعودی وزیر کھیل شہزادہ عبدالعزیز بن ترکی الفیصل سے ملاقات کے دوران دونوں رہنماؤں نے کرکٹ کے فروغ، نوجوانوں کو کھیلوں کے ذریعے مثبت سرگرمیوں کی طرف مائل کرنے اور پاکستان و سعودی عرب کے درمیان اسپورٹس تعاون کو مزید مضبوط بنانے پر تفصیلی بات چیت کی۔
محسن نقوی نے کہا کہ شہزادہ عبدالعزیز بن ترکی الفیصل وژن 2030 کے تحت کھیلوں کے شعبے میں غیر معمولی ترقی لانے کے لیے بھرپور کوشش کر رہے ہیں۔ انہوں نے سعودی عرب کو ای ایف سی ایشین کپ 2027، ایشین ونٹر گیمز 2029، ایشین گیمز 2034 اور فیفا ورلڈ کپ 2034 جیسے بڑے ایونٹس کی میزبانی حاصل کرنے پر خصوصی مبارکباد بھی دی۔
چیئرمین پی سی بی کے مطابق، پاکستان اور سعودی عرب مشترکہ ٹریننگ پروگرامز، جونیئر و یوتھ لیول ٹورنامنٹس، اور اسپورٹس انفراسٹرکچر کی ترقی کے ذریعے نوجوانوں کے لیے نئے مواقع پیدا کر سکتے ہیں۔ انہوں نے زور دیا کہ دونوں ممالک کرکٹ سمیت کھیلوں کو دوستی، تعاون اور علاقائی ہم آہنگی کو مضبوط بنانے کا ذریعہ بنائیں گے۔
ملاقات میں اس بات پر بھی اتفاق کیا گیا کہ دونوں ممالک کے اسپورٹس اداروں کے درمیان رابطوں کو مزید تیز کیا جائے گا، اور عملی منصوبہ بندی کے ذریعے جلد مشترکہ اقدامات کو شکل دی جائے گی تاکہ نوجوان نسل کو زیادہ سے زیادہ مثبت مواقع فراہم کیے جا سکیں۔
ای چالان صرف کراچی والوں کیلئے ہے، جرمانے کم نہیں کیے جائیں گے، ناصر حسین شاہ