کراچی: موٹر سائیکل چوری کا ماہر سندھ پولیس کا حاضر سروس اہلکار گرفتار
اشاعت کی تاریخ: 11th, October 2025 GMT
کراچی:
اینٹی وہیکل لفٹنگ سیل (اے وی ایل سی) گلبرگ ڈویژن نے موٹر سائیکل چوری کی وارداتوں میں ملوث پولیس اہلکار کو گرفتار کرلیا۔
ترجمان اے وی ایل سی کے مطابق گرفتار اہلکار وریام خان ولد دینو مگسی گلشن اقبال تھانے میں تعینات تھا، ملزم کے قبضے سے چوری شدہ موٹر سائیکل، اسلحہ اور ماسٹر چابی برآمد ہوئی جو موٹر سائیکلوں کے تالے کھولنے میں استعمال کی جاتی تھی۔
ترجمان نے مزید بتایا کہ وریام خان کی دو مختلف وارداتوں کی سی سی ٹی وی فوٹیج بھی سامنے آگئی ہے جس میں موٹر سائیکل چوری کرنے والے پولیس اہلکار کو ماہرانہ انداز میں موٹر سائیکل لے جاتے ہوئے صاف دیکھا جا سکتا ہے۔
ترجمان کے بیان کے مطابق گرفتار اہلکار اس سے پہلے ناجائز اسلحہ کیس میں بھی پکڑا جا چکا ہے۔ پولیس کا کہنا ہے کہ وریام خان چوری شدہ موٹر سائیکلیں منشیات فروشوں کو فروخت کرتا تھا جبکہ ابتک مختلف تھانوں میں چور پولیس اہلکار کے خلاف 7 مقدمات درج کئے جا چکے ہیں، ملزم سے مزید تفتیش کی جارہی ہے۔
.ذریعہ: Express News
کلیدی لفظ: موٹر سائیکل
پڑھیں:
کراچی، بے قابو ٹینکر نے بائیک سوار نوجوان کو کچل ڈالا
حادثے کے مقام پر موجود نامعلوم مشتعل افراد نے واٹر ٹینکر پر پتھراؤ کرکے شیشے توڑ دیئے۔ اسلام ٹائمز۔ شہر قائد میں میں تیز رفتار واٹر ٹینکر کی ٹکر سے بائیک سوار ایک شخص جاں بحق اور ایک زخمی ہوگیا، مشتعل افراد نے ٹینکر کے شیشے توڑ دیئے۔ ایس ایچ او عوامی کالونی ملک عامر نے بتایا کہ کورنگی سنگر چورنگی کے قریب تیز رفتار واٹر ٹینکر نے 125 موٹر سائیکل کو ٹکر مار دی، ٹریفک حادثے میں موٹر سائیکل پر سوار ایک شخص جاں بحق اور دوسرا زخمی ہوگیا، حادثے کے مقام پر موجود نامعلوم مشتعل افراد نے واٹر ٹینکر پر پتھراؤ کرکے شیشے توڑ دیئے۔ مشتعل افراد واٹر ٹینکر کے ڈرائیور کو تشدد کا نشانہ بنایا، جس سے وہ زخمی ہوگیا۔ ٹریفک حادثے کی اطلاع ملتے ہی پولیس موقع پر پہنچ گئی اور صورتحال کو قابو کیا۔
پولیس نے واٹر ٹینکر کو تحویل میں لے کر تھانہ منتقل کر دیا، واٹر ٹینکر 16 وہیلر ہے، جبکہ موٹر سائیکل مکمل تباہ ہوگئی ہے۔ ترجمان چھیپا کے مطابق موٹر سائیکل پر جو شخص پیھچے بیٹھا تھا، وہ اس حادثے میں جاں بحق ہوا ہے، جبکہ موٹر سائیکل چلانے والا زخمی ہے۔ انہوں نے بتایا کہ جاں بحق شخص کی شناخت 20 سالہ عزیر سے ہوئی، جبکہ زخمی کی شناخت 32 سالہ فہیم کے نام سے ہوئی۔ ایس ایچ او ملک عامر نے بتایا کہ واٹر ٹینکر کے ڈرائیور کی شناخت تاحال نہیں ہو سکی، پولیس اس کی شناخت معلوم کر رہی ہے۔
سابق گورنر پنجاب کے روپ میں فراڈ کرنے والے ملزمان گرفتار