کراچی، بے قابو ٹینکر نے بائیک سوار نوجوان کو کچل ڈالا
اشاعت کی تاریخ: 26th, November 2025 GMT
حادثے کے مقام پر موجود نامعلوم مشتعل افراد نے واٹر ٹینکر پر پتھراؤ کرکے شیشے توڑ دیئے۔ اسلام ٹائمز۔ شہر قائد میں میں تیز رفتار واٹر ٹینکر کی ٹکر سے بائیک سوار ایک شخص جاں بحق اور ایک زخمی ہوگیا، مشتعل افراد نے ٹینکر کے شیشے توڑ دیئے۔ ایس ایچ او عوامی کالونی ملک عامر نے بتایا کہ کورنگی سنگر چورنگی کے قریب تیز رفتار واٹر ٹینکر نے 125 موٹر سائیکل کو ٹکر مار دی، ٹریفک حادثے میں موٹر سائیکل پر سوار ایک شخص جاں بحق اور دوسرا زخمی ہوگیا، حادثے کے مقام پر موجود نامعلوم مشتعل افراد نے واٹر ٹینکر پر پتھراؤ کرکے شیشے توڑ دیئے۔ مشتعل افراد واٹر ٹینکر کے ڈرائیور کو تشدد کا نشانہ بنایا، جس سے وہ زخمی ہوگیا۔ ٹریفک حادثے کی اطلاع ملتے ہی پولیس موقع پر پہنچ گئی اور صورتحال کو قابو کیا۔
پولیس نے واٹر ٹینکر کو تحویل میں لے کر تھانہ منتقل کر دیا، واٹر ٹینکر 16 وہیلر ہے، جبکہ موٹر سائیکل مکمل تباہ ہوگئی ہے۔ ترجمان چھیپا کے مطابق موٹر سائیکل پر جو شخص پیھچے بیٹھا تھا، وہ اس حادثے میں جاں بحق ہوا ہے، جبکہ موٹر سائیکل چلانے والا زخمی ہے۔ انہوں نے بتایا کہ جاں بحق شخص کی شناخت 20 سالہ عزیر سے ہوئی، جبکہ زخمی کی شناخت 32 سالہ فہیم کے نام سے ہوئی۔ ایس ایچ او ملک عامر نے بتایا کہ واٹر ٹینکر کے ڈرائیور کی شناخت تاحال نہیں ہو سکی، پولیس اس کی شناخت معلوم کر رہی ہے۔
ذریعہ
ذریعہ: Islam Times
کلیدی لفظ: موٹر سائیکل مشتعل افراد واٹر ٹینکر کی شناخت
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ