پاکستان کیخلاف کسی طرز کی جارحیت برداشت نہیں ،اپنے دفاع کا حق محفوظ رکھتے ہیں، شیری رحمان
اشاعت کی تاریخ: 12th, October 2025 GMT
اسلام آباد(ڈیلی پاکستان آن لائن)نائب صدر پیپلزپارٹی سینیٹرشیری رحمان نے افغانستان کی جانب سے پاک افغان بارڈر پر بلااشتعال فائرنگ کی شدید مذمت کرتے ہوئے کہاکہ پاک سرزمین کے خلاف کسی طرز کی جارحیت برداشت نہیں کی جائے گی،پاکستان اپنے دفاع کا حق محفوظ رکھتا ہے۔
نجی ٹی وی چینل جیو نیوز کے مطابق شیری رحمان کا اپنے بیان میں کہناتھا کہ اپنی سکیورٹی فورسز کو دشمن کے مذموم عزائم ناکام بنانے پر خراج تحسین پیش کرتی ہوں،دہشتگردوں کی نقل و حرکت روکنے کیلئے پاک فوج کی حکمت عملی قابل ستائش ہے،پاک فوج نے افغان چیک پوسٹس تباہ کرکے خارجی دہشتگردوںں کو بھاری نقصان پہنچایا۔
پاکستان کا جواب افغانستان میں فتنہ الہند کے دہشتگردوں کو بے اثر کرنے کیلئے ہے،اسحاق ڈار
پی پی رہنما کاکہناتھا کہ بھارت افغانستان کے ذریعے دہشتگردی سے پاکستان کو غیرمستحکم کرنا چاہتا ہے،پاکستان کسی ملک کے خلاف نہیں لیکن اپنے دفاع میں کوئی سمجھوتہ نہیں کرے گا،ان کاکہناتھا کہ پاکستان کی سلامتی پر آنچ آنے نہیں دی جائے گی،قوم اپنی افواج کے ساتھ چٹان کی طرح کھڑی ہے،ہماری سرحدوں کی حفاظت پر مامور جوان قوم کا فخر ہیں،ہماری سرحدوں کی حفاظت پر مامور جوانوں کی قربانیاں کبھی رائیگاں نہیں جائیں گی۔
شیری رحمان کاکہناتھا کہ بھارت خطے میں بدامنی پھیلانے کیلئے افغان سرزمین کو استعمال کررہا ہے،بھارتی پشت پناہی سے خارجیوں کی فائرنگ کا عالمی برادری کو بھی نوٹس لینا چاہئے،ہمیں اپنی سرزمین پرامن و سلامتی کی خاطر ہر محاذ پر مضبوطی سے کھڑے رہنا ہے،قوم متحد ہے، کسی بھی دہشتگرد حملے یا سازش کو کامیاب نہیں ہونے دیں گے۔
سندھ حکومت نے صوبے بھر میں ایک ماہ کیلئے دفعہ 144نافذ کردی
ان کا کہناتھا کہ بھارت افغانستان کے ذریعے دہشتگردی سے پاکستان کو غیرمستحکم کرنا چاہتا ہے،پاکستان کسی ملک کے خلاف نہیں لیکن اپنے دفاع میں کوئی سمجھوتہ نہیں کرے گا،پاکستانی عوام اور افواج نے ہر بار دہشتگردی کا ڈٹ کر مقابلہ کیا ہے،پاکستانی عوام اور افواج اب بھی ایک آواز ہیں اور ہمیشہ رہیں گے۔
مزید :.ذریعہ: Daily Pakistan
پڑھیں:
بھارتی آبی جارحیت سے نمٹنے کیلئے دریائے چناب پر ڈیم بنانے کا فیصلہ
لاہور (ڈیلی پاکستان آن لائن)بھارتی آبی جارحیت سے نمٹنے کے لیے دریائے چناب پر چنیوٹ کے مقام پر ڈیم بنایا جائے گا۔
سینیٹر شہادت اعوان کی زیر صدارت سینیٹ کی قائمہ کمیٹی برائے آبی وسائل کا اجلاس ہوا جس میں کمیٹی کو بریفنگ دیتے ہوئے بتایا گیا کہ ڈیم کی فزیبلٹی اسٹڈی مکمل ہو چکی ہے، پی سی ون تیاری کے مراحل میں ہے، 824 ارب روپے کا قومی فلڈ پروٹیکشن پلان مشترکہ مفادات کونسل سے منظوری کا منتظر ہے۔
اس کے علاوہ سینیٹ کمیٹی نے صوبوں کو فوری طور پر دریاؤں پر تجاوزات مکمل طور پر ہٹانے کی ہدایت کر دی۔
9 مئی سمیت دیگر 5 مقدمات: بانی پی ٹی آئی اور بشریٰ بی بی کی گرفتاری سے روک دیا گیا
چیئرمین کمیٹی نے پنجاب اور سندھ سمیت دریاؤں کے راستوں سے تجاوزات کے خاتمے کو یقینی نہ بنانے پر سخت برہمی کا اظہار کیا، انہوں نے کہا کہ اگر اگلے مون سون سے قبل یہ تجاوزات نہ ہٹائی گئیں تو یہ مجرمانہ فعل ہوگا۔
واپڈا حکام نے کمیٹی کو ملک بھر میں واٹر فلو کی نگرانی اور سیلاب سے قبل وارننگ سسٹم کے لیے نصب کیے جانے والے ٹیلی میٹری سسٹم پر بھی آگاہ کیا۔
مزید :
سابق گورنر پنجاب کے روپ میں فراڈ کرنے والے ملزمان گرفتار