حوثی فوج کے چیف آف اسٹاف محمد عبد الکریم الغماری کی شہادت کی تصدیق
اشاعت کی تاریخ: 17th, October 2025 GMT
صنعا:۔ یمن کے حوثیوں نے تصدیق کی ہے کہ اس کے چیف آف اسٹاف محمد عبد الکریم الغماری شہید ہو گئے ہیں۔ غیر ملکی خبررساں ادارے کے مطابق حوثیوں کی جانب سے جاری بیان کے مطابق محمد عبدالکریم الغماری اپنے فرائض کی انجام دہی کے دوران شہید ہوئے۔
اگرچہ حوثیوں نے ان کی ہلاکت کا براہ راست الزام اسرائیل پر عائد نہیں کیا، تاہم بیان میں کہا گیا کہ اسرائیل کے ساتھ ہمارا تصادم ختم نہیں ہوا، اور اسے اپنے جرائم کی سزا ضرور ملے گی۔
خیال رہے کہ اگست میں یمنی دارالحکومت صنعا میں اسرائیلی فضائی حملوں میں حوثی حکومت کے وزیراعظم اور کئی وزرا شہید ہوگئے تھے، اسرائیل نے اس وقت کہا تھا کہ ان حملوں کا ہدف الغماری، وزیر دفاع اور دیگر اعلیٰ حکام تھے۔ غیر ملکی خبررساں ایجنسی کے مطابق الغماری حوثیوں کے جہاد آفس کے رکن تھے جس کی قیادت گروپ کے سربراہ عبدالملک الحوثی کرتے ہیں۔ یہ دفتر حوثیوں کی فوجی کارروائیوں کی نگرانی کا ذمہ دار ہے۔
حوثیوں نے ماضی میں غزہ کے ساتھ اظہارِ یکجہتی کے طور پر اسرائیل پر کئی میزائل اور ڈرون حملے کیے ہیں اور اسرائیلی بندرگاہوں کو جانے والے بحری جہازوں کو بھی نشانہ بنایا ہے۔ حوثی رہنما عبدالملک الحوثی نے گزشتہ ہفتے کہا تھا کہ ان کا گروپ غزہ میں جنگ بندی معاہدے پر نظر رکھے گا اور اگر اسرائیل معاہدے کی خلاف ورزی کرتا ہے تو حوثی ایک بار پھر غزہ کی حمایت میں کارروائیاں شروع کریں گے۔
.
ذریعہ: Al Qamar Online
پڑھیں:
آئی ایم ایف سے اسٹاف لیول معاہدہ ہو چکا: وزیرخزانہ
اسلام آباد(نیوزڈیسک) وزیرِ خزانہ محمد اورنگزیب کا کہنا ہے کہ ’پاکستان فرسٹ‘ کے ایجنڈے کو آگے لے کر چل رہے ہیں، آئی ایم ایف کے ساتھ اسٹاف لیول معاہدہ ہو چکا، معاشی بہتری کے تسلسل کو برقرار رکھنا ہے۔ پریس کانفرنس کرتے ہوئے محمد اورنگزیب نے کہا کہ اصلاحات کے عمل میں پیش رفت جاری ہے، ترسیلاتِ زر میں اضافہ اور مجموعی طور پر برآمدات میں 5 فیصد اضافہ ہوا ہے، مینوفیکچرنگ کے شعبے میں بہتری خوش آئند ہے۔
وزیرِ خزانہ نے کہا کہ پالیسی ریٹ کم ہونے کا قرض کی ادائیگی پر مثبت اثر مرتب ہوا، پائیدار ترقی کے لیے ادائیگیوں کا توازن اور کرنٹ اکاؤنٹ اہم ہیں، آئی ٹی کے شعبے میں ماہانہ بنیادوں پر بہتری دیکھی جا رہی ہے، حکومت نجی شعبے کی حوصلہ افزائی کر رہی ہے۔
محمد اورنگزیب نے کہا کہ کلائمیٹ فنانسنگ بہت اہم ہے، پائیدار ترقی کے لیے ادائیگی کا توازن اور کرنٹ اکاؤنٹ اہم ہیں، مجموعی طور پر برآمدات میں 5 فیصد اضافہ ہوا، معاشی بہتری کے تسلسل کو برقرار رکھنا ہے، ترسیلاتِ زر میں بھی اضافہ ہو رہا ہے، وزیرِاعظم نے ایکسپورٹ ڈیولپمنٹ سرچارج ختم کرنے کی ہدایت کی ہے، ایکسپورٹ ڈیولپمنٹ سرچارج کے خاتمے کی کابینہ سے منظوری کے لیے سمری بھیجی جا چکی، پالیسی ریٹ کم ہونے سے قرض کی ادائیگی پر مثبت اثر پڑا، جلد پانڈا بانڈ کا اجراء کرنے جا رہے ہیں۔
وزیرِ خزانہ نے کہا کہ این ایف سی ایوارڈ سے متعلق آئندہ ہفتے اجلاس ہو گا۔
مرحوم ماں کا روپ دھار کر اسی کی پنشن وصول کرنے والا بہروپیا پکڑا گیا