پی ایم اے کاکول میں پاسنگ آؤٹ پریڈ: کیڈٹس کا دفاع وطن کے لیے ہر قربانی دینے کے عزم کا اعادہ
اشاعت کی تاریخ: 18th, October 2025 GMT
پاکستان ملٹری اکیڈمی کاکول میں شاندار پاسنگ آؤٹ پریڈ کا انعقاد کیا گیا، جہاں تربیت مکمل کرنے والے کیڈیٹس نے وطنِ عزیز کے دفاع کے لیے دل و جان سے قربانی دینے کے عزم کا اعادہ کیا۔ اس موقع پر کیڈیٹس نے اپنے جذبات اور عزمِ خدمتِ وطن کو مختلف انداز میں بیان کیا۔
اکیڈمی سینیئر انڈر آفیسر احمد مجتبٰی عارف راجا نے کہاکہ میں نے پاکستان ملٹری اکیڈمی میں قوم سے گہری محبت اور وابستگی کے اظہار کے لیے شمولیت اختیار کی۔ جوش، لگن اور عزم کے ساتھ ہمیشہ قوم کی توقعات پر پورا اترنے کی کوشش کروں گا۔
یہ بھی پڑھیں: 148ویں پی ایم اے لانگ اور دیگر کورسز کے کیڈٹس کی پاسنگ آؤٹ پریڈ
پریذیڈنٹ گولڈ میڈل حاصل کرنے والے بٹالین سینیئر انڈر آفیسر زوہیر حسین نے اپنے جذبات کا اظہار کرتے ہوئے کہاکہ پی ایم اے نے شخصیت نکھارنے کے ساتھ قوم کی خدمت، وفاداری اور بہادری کا گہرا احساس پیدا کیا۔
جینٹل مین کیڈٹ سید حاشر حسن نے کہاکہ پی ایم اے نے حوصلے اور ایمانداری کے ساتھ پاکستان کا دفاع کرنے کا جذبہ پیدا کیا۔
کورس انڈر آفیسر شہیر علی نے بتایا کہ پاکستان ملٹری اکیڈمی میں گزارا وقت ایک بہترین سفر رہا، پی ایم اے نے ہمیں چیلنجز سے بھرپور دنیا میں عزت و وقار کے ساتھ خدمت کے لیے تیار کیا ہے۔
نیپال سے تعلق رکھنے والے کمپنی جونیئر انڈر آفیسر ٹیکراج راوت کو چیئرمین جوائنٹ چیفس آف اسٹاف کمیٹی اوورسیز گولڈ میڈل سے نوازا گیا۔
انہوں نے کہاکہ پاکستان میں اپنے وطن نیپال کی نمائندگی کرنا میرے لیے بے حد اعزاز کی بات ہے۔ یہ سفر نظم و ضبط، دوستی اور ناقابلِ فراموش یادوں سے بھرپور رہا، پی ایم اے کا دل کو چھو لینے والا سفر بہت یاد آئے گا۔
کورس انڈر آفیسر سید محمد ہادی نے کہاکہ مجموعی طور پر بہترین کیڈٹ ہونے پر کمانڈنٹ کین حاصل کرنا فخر کا لمحہ ہے۔
انہوں نے مزید کہا کہ پی ایم اے نے صلاحیت دریافت کرنے اور مشکل حالات میں ثابت قدمی سے کارکردگی دکھانے کے قابل بنایا۔
کورس انڈر آفیسر ہادیہ نے بتایا کہ مجھے اپنے کورس کی مجموعی طور پر بہترین لیڈی کیڈٹ ہونے پر کمانڈنٹ کین سے نوازا گیا۔ قوم کی خدمت کا خواب دیکھنے والی نوجوان خواتین کے لیے ایک رول ماڈل بننا چاہتی ہوں۔
بنگلہ دیش سے تعلق رکھنے والی کورس سپورٹس سارجنٹ جنت ال ماویٰ کو بہترین فرینڈلی کنٹری لیڈی کیڈٹ قرار دیا گیا۔
انہوں نے کہاکہ اس معزز ادارے میں تربیت کے دوران ترقی، نظم و ضبط، اور دوستی کا سفر گزرا۔ ان کے مطابق سخت تربیت کے دوران مشترکہ چیلنجز، کامیابیوں اور تجربات نے دائمی دوستی کا رشتہ قائم کر دیا۔
اکیڈمی اسپورٹس سارجنٹ شاہ فیاض نے اپنے خیالات کا اظہار کرتے ہوئے کہا کہ یہ سفر عزم، غیرت اور ایمان کا سفر تھا۔
سارجنٹ عاصم منظور نے کہا کہ یہ وردی صرف لباس نہیں بلکہ ذمہ داری، عزت اور شہداء کی امانت ہے۔
کمپنی سارجنٹ میجر محمد ابراہیم نے کہاکہ میرا پاک فوج میں شمولیت اختیار کرنے کا مقصد قوم کا دفاع اور ملک کی خدمت ہے۔
انہوں نے کہا کہ میرے علاقے (بلوچستان) کے لوگ کسی بھی شعبے میں کسی سے کم نہیں۔
جینٹل مین کیڈٹ احمد نے بتایا کہ میرے والد اور بڑے بھائی اس وطن کی بقا کی خاطر اپنی جانوں کا نذرانہ پیش کر چکے ہیں، اور میں اپنے خاندان کی روایات کے مطابق ملک کی حفاظت کے لیے جان کا نذرانہ پیش کرنے سے دریغ نہیں کروں گا۔
یہ بھی پڑھیں: پاکستان ملٹری اکیڈمی میں آرمی، نیوی اور فضائیہ کے کیڈٹس کی مشترکہ عسکری تربیت کا آغاز
کمپنی جونیئر انڈر آفیسر احمد نعمان نے کہاکہ میرے والد بھی ملک کے مختلف علاقوں میں اپنے فرائض سرانجام دے رہے ہیں، بچپن سے اپنے والد صاحب کو اس وردی میں دیکھ کر پاک فوج میں شمولیت کا جذبہ پیدا ہوا۔
پاسنگ آؤٹ پریڈ کے اختتام پر یہ بات واضح ہوئی کہ بہترین کیڈٹس کی صورت میں پاکستان ملٹری اکیڈمی نے ایک بار پھر نظم و ضبط، عزم اور کردار کی اعلیٰ مثال قائم کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی ایم اے دفاع وطن عزم کا اعادہ کاکول کیڈٹس وی نیوز.ذریعہ: WE News
کلیدی لفظ: پی ایم اے دفاع وطن عزم کا اعادہ کاکول کیڈٹس وی نیوز پاکستان ملٹری اکیڈمی پی ایم اے نے انڈر آفیسر انہوں نے نے کہاکہ کے ساتھ کے لیے کہا کہ نے کہا
پڑھیں:
انڈر 19 ایشیا کپ کے لیے قومی ٹیم کا اعلان، سرفراز احمد کو اہم عہدہ مل گیا
گزشتہ سال کے اے سی سی انڈر 19 ایشیا کپ میں شرکت کرنے والے نوجوان کرکٹر فرحان یوسف کو اس سال ہونے والے ایونٹ کے لیے پاکستان انڈر 19 ٹیم کا کپتان مقرر کر دیا گیا ہے۔
ٹورنامنٹ 12 سے 21 دسمبر تک دبئی میں ہوگا، جبکہ یہ 50 اوورز پر مشتمل ہوگا جس میں 8 ٹیمیں مدمقابل ہوں گی۔
یہ بھی پڑھیں: اظہر علی کرکٹ بورڈ سے الگ، وجہ سرفراز احمد کی انٹری پر تحفظات یا کچھ اور؟
دوسری جانب سابق پاکستانی کرکٹ کپتان سرفراز احمد بھی بطور مینیجر انڈر 19 کرکٹ ٹیم کا حصہ ہوں گے۔
Farhan Yousaf to lead Pakistan squad announced for ACC U19 Asia Cup ????????©️
Read more ➡️ https://t.co/0cqsjXMLMN#PakistanFutureStars pic.twitter.com/skLacycfLl
— Pakistan Cricket (@TheRealPCB) December 2, 2025
گزشتہ سال پاکستان کو سیمی فائنل میں بنگلہ دیش نے شکست دی تھی، اس بار پاکستان کو گروپ اے میں رکھا گیا ہے جہاں اس کے ساتھ بھارت، کوالیفائر 1 اور کوالیفائر 3 شامل ہیں۔
گروپ بی میں افغانستان، بنگلہدیش، کوالیفائر 2 اور سری لنکا شامل ہیں۔
ورلڈ کپ کی تیاری کا بہترین موقعمجموعی طور پر 8 ٹیموں پر مشتمل یہ ٹورنامنٹ پاکستان کے لیے آئی سی سی انڈر 19 ورلڈ کپ 2026 کی تیاری کا اہم حصہ ہوگا، جو 15 جنوری سے 6 فروری 2026 تک زمبابوے اور نمیبیا میں منعقد ہوگا۔
مزید پڑھیں:پی سی بی کا بڑا اقدام، نوجوان کرکٹرز کے تعلیمی اخراجات بھی برداشت کرے گا
پاکستان اپنا پہلا میچ 12 دسمبر کو کوالیفائر 3 کے خلاف دی سیونز اسٹیڈیم، دبئی میں کھیلے گا، دوسرا میچ 14 دسمبر کو بھارت کے خلاف آئی سی سی اکیڈمی گراؤنڈ، دبئی میں ہوگا، جبکہ گروپ کا آخری میچ 16 دسمبر کو کوالیفائر 1 کے خلاف اسی مقام پر ہوگا۔
سیمی فائنلز 19 دسمبر کو کھیلے جائیں گے، ایک سیونز اسٹیڈیم میں اور دوسرا آئی سی سی اکیڈمی میں، جبکہ فائنل 21 دسمبر کو کھیلا جائے گا۔
فرحان اور عثمان کی شاندار کارکردگی18 سالہ فرحان یوسف نے حال ہی میں نیشنل مینز انڈر 19 کپ میں لاہور ریجن وائٹس کی قیادت کی، اور 7 میچوں میں 369 رنز بنائے، جن میں ایک سینچری اور 2 نصف سینچریاں شامل ہیں۔
گزشتہ ایشیا کپ میں سینچری اسکور کرنیوالے عثمان خان اس بار ٹیم کے نائب کپتان ہوں گے، انہوں نے فاٹا کی نمائندگی کرتے ہوئے نیشنل انڈر 19 کپ میں 7 میچوں میں 429 رنز بنائے، جن میں 2 سینچریاں اور ایک نصف سینچری شامل ہیں۔
ٹیم کیمپ اور اسکواڈپاکستان انڈر 19 ٹیم کا کیمپ آج سے کراچی میں شروع ہو رہا ہے، جو ٹیم کی روانگی تک جاری رہے گا۔
15 رکنی اسکواڈ
فرحان یوسف (کپتان)، عثمان خان (نائب کپتان)، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور (وکٹ کیپر)، حذیفہ احسن، مومن قمر، محمد حذیفہ، محمد سیام، محمد شایان (وکٹ کیپر)، نقاب شفیق، سمیر منہاس۔
مزید پڑھیں: پاکستان کرکٹ بورڈ میں اربوں روپوں کے گھپلوں کا انکشاف، محسن نقوی بھی زد میں آسکتے ہیں؟
نان ٹریولنگ ریزرو
عبدالقدیر، حسنین ڈار، محمد حسن خان، ابتسام اظہر، عمر زیب۔
سپورٹ اسٹاف
سرفراز احمد (مینجر/مینٹر)، شاہد انور (ہیڈ کوچ/بیٹنگ کوچ)، راؤ افتخار (بولنگ کوچ)، منصور امجد (فیلڈنگ کوچ)، ابرار احمد (ٹرینر)، عبیداللہ (فزیو) اور علی حمزہ (اینالسٹ)۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی انڈر 19 ایشیا کپ دبئی سرفراز احمد فرحان یوسف کرکٹ لاہور ریجن
پاک افغان بارڈر بندش سے پریشان تاجر مدد کیلئے فضل الرحمان کے پاس پہنچ گئے