خیبرپختونخوا کابینہ پر مشاورت مکمل، جلد اعلان متوقع
اشاعت کی تاریخ: 18th, October 2025 GMT
سہیل آفریدی کے وزیر اعلیٰ خیبر پختونخوا بننے کے بعدنئی کابینہ بنانے کا معاملہ جس پرمشاورت تقریباََ مکمل ہوگئی ہے،ایک دو روز میں وزراء کا اعلامیہ جاری ہونے کا امکان ہے۔
کے پی اسمبلی ذرائع کے مطابق پہلے مرحلے میںنو ،دس اہم محکموں کے وزرا ء کا اعلان ہوگا، باقی ارکان کے نام بانی پی ٹی آئی سے ملاقات کے بعد فائنل ہوں گے۔
ذرائع نے مزید بتایا کہ خیبر پختونخوا کابینہ میں نئے اور پرانے چہرے شامل ہوں گے، وزراء کا اعلان اہم محکموں کے امور متاثر ہونے سے بچانے کے لئے کیا گیا ہے۔
ذریعہ: Daily Mumtaz
پڑھیں:
ٹی ایل پی سے اظہارِ یکجہتی، عمران خان کی ہدایت پر خیبر پختونخوا میں کل احتجاج کا اعلان
وزیر اعلیٰ خیبر پختونخوا سہیل آفریدی نے 17 اکتوبر کے مجوزہ احتجاج سے متعلق اپنے ویڈیو پیغام میں صوبے بھر کے کارکنان کو احتجاج میں بھرپور شرکت کی ہدایت کی ہے۔
انہوں نے کہا کہ بانی چیئرمین پی ٹی آئی عمران خان نے جمعے کے روز احتجاج کے حوالے سے جیل سے پیغام بھیجا ہے، جس میں انہوں نے عوام سے اپیل کی ہے کہ وہ 17 اکتوبر بروز جمعہ کو احتجاج میں بھرپور انداز میں شریک ہوں۔
یہ بھی پڑھیں: پنجاب حکومت کا عمران خان کے متنازع بیان پر پیکا ایکٹ کے تحت مقدمہ درج کرانے کا فیصلہ
وزیر اعلیٰ سہیل آفریدی نے اپنے پیغام میں کہا کہ اس احتجاج کا مقصد تحریک لبیک پاکستان کے ان بے گناہ کارکنان سے اظہارِ یکجہتی کرنا ہے جنہیں شہید کیا گیا ہے۔
’یہ ظلم ناقابلِ برداشت ہے، اس لیے کل ہم سب نے اپنے اپنے اضلاع میں سڑکوں پر نکل کر احتجاج کرنا ہے۔‘
انہوں نے مزید بتایا کہ اس سلسلے میں پی ٹی آئی کے ضلعی عہدیداران کو ہدایت جاری کر دی گئی ہے اور وہ کارکنوں کو احتجاج کے لیے متحرک کر رہے ہیں۔
مزید پڑھیں: ٹی ایل پی کے مطالبات میں فلسطین کا ذکر نہیں تھا، جتھوں سے بلیک میل نہیں ہوں گے، طلال چوہدری
سہیل آفریدی نے کہا کہ میں تمام کارکنوں سے اپیل کرتا ہوں کہ وہ کل اپنے اپنے علاقوں میں پرامن احتجاج میں بھرپور شرکت کریں اور اس ظلم کے خلاف آواز بلند کریں۔
ذرائع کے مطابق خیبر پختونخوا کے مختلف اضلاع میں احتجاجی ریلیوں اور اجتماعات کی تیاریاں مکمل کر لی گئی ہیں، جبکہ ضلعی قیادت کارکنان سے رابطے میں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج خیبر پختونخوا سہیل آفریدی وزیر اعلی ویڈیو پیغام
ڈونلڈ ٹرمپ امن سربراہ اجلاس میں شرکت کے لیے شرم الشیخ پہنچ گئے