تبدیلی سرکار نے خیبرپختونخوا کو تباہی کے سوا کچھ نہیں دیا، حافظ نعیم الرحمان
اشاعت کی تاریخ: 19th, October 2025 GMT
جماعت اسلامی پاکستان کے امیر حافظ نعیم الرحمان نے کہا ہے کہ خیبر پختونخوا میں 12 سال سے تبدیلی کے نام پر حکومت قائم ہے، مگر عملی طور پر یہاں کوئی مثبت تبدیلی نظر نہیں آتی، تبدیلی سرکار نے صوبے کو بہتری کے بجائے تباہی کی طرف دھکیل دیا ہے۔
لوئر دیر میں ’بنو قابل پروگرام‘ میں شریک طلبا و طالبات سے خطاب کرتے ہوئے حافظ نعیم الرحمان نے کہا کہ پاکستان اور افغانستان کے درمیان جنگ بندی خوش آئند پیش رفت ہے، تاہم خیبر پختونخوا میں امن و امان کی صورتحال تشویشناک ہے اور کوئی بھی اس کی ذمہ داری لینے کے لیے تیار نظر نہیں آتا۔
یہ بھی پڑھیں: بھارت کبھی آپ کا خیرخواہ نہیں ہو سکتا، حافظ نعیم الرحمان کا افغانستان کو مشورہ
انہوں نے کہاکہ افغانستان کو چاہیے کہ اپنی سرزمین پاکستان مخالف سرگرمیوں کے لیے استعمال نہ ہونے دے۔ ساتھ ہی طالبان حکومت کو خبردار کیا کہ وہ بھارت کی ہمدردی حاصل کرنے کی کوشش نہ کرے، کیونکہ بھارت کبھی بھی افغانستان کا حقیقی دوست نہیں بن سکتا۔
امیرِ جماعت اسلامی نے کہاکہ حکومت اپنی ناکامیوں پر پردہ ڈالنے کے لیے سیاسی جماعتوں پر قدغنیں لگانا چاہتی ہے، جو کسی صورت درست طرزِعمل نہیں۔
انہوں نے کہا کہ حکومت عوام سے کہتی ہے کہ تنقید نہ کریں، جلسے جلوس نہ نکالیں، مگر ایسے اقدامات ریاست اور عوام کے درمیان خلیج کو مزید بڑھا رہے ہیں۔
حافظ نعیم الرحمان نے بتایا کہ خیبر پختونخوا میں 37 فیصد بچے اسکولوں سے باہر ہیں، جبکہ ’بنو قابل پروگرام‘ کے تحت جماعت اسلامی 20 لاکھ نوجوانوں کو مفت آئی ٹی کورسز فراہم کر رہی ہے تاکہ وہ اپنے پاؤں پر کھڑے ہو سکیں اور اپنے والدین کا سہارا بنیں۔
ان کا کہنا تھا کہ تعلیم دینا حکومت کی بنیادی ذمہ داری ہے، مگر اس وقت ملک میں 3 کروڑ بچے تعلیم سے محروم ہیں، صرف پنجاب میں ہی ایک کروڑ بچے اسکول نہیں جاتے۔
انہوں نے خبردار کیا کہ اگر حکومت نے نوجوانوں کو روزگار اور جدید تعلیم کے مواقع فراہم نہ کیے تو وہ وقت زیادہ دور نہیں جب یہی نوجوان حکمرانوں کے خلاف کھڑے ہو جائیں گے۔
امیر جماعت اسلامی نے کہا کہ اگر جماعت اسلامی اور الخدمت فاؤنڈیشن نوجوانوں کی تعلیم و روزگار کے لیے کام کر سکتے ہیں تو حکومت کیوں نہیں۔
انہوں نے بتایا کہ ’بنو قابل پروگرام‘ میں نمایاں کارکردگی دکھانے والے طلبہ و طالبات کو بیرونِ ملک روزگار کے مواقع فراہم کیے جائیں گے اور ان کی تعلیمی ڈگریوں کی تکمیل میں مالی معاونت بھی دی جائے گی۔
یہ بھی پڑھیں: حافظ نعیم کو یقین نہیں تو اڈیالہ آ کر عمران خان کا مؤقف سن لیں، پی ٹی آئی کی پیشکش
انہوں نے کہاکہ پاکستان میں دنیا کی قیادت کرنے کی بھرپور صلاحیت موجود ہے، مگر نااہل حکمران اس سمت میں کوئی توجہ نہیں دے رہے اور ذاتی مفادات کی لڑائیوں میں الجھے ہوئے ہیں۔
حافظ نعیم الرحمان نے عوام سے اپیل کی کہ وہ مینارِ پاکستان پر جماعتِ اسلامی کے زیر اہتمام ہونے والے اجتماعِ عام میں بھرپور شرکت کریں اور نظام کی تبدیلی کے لیے جماعت اسلامی کا ساتھ دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امیر جماعت اسلامی تباہی تبدیلی سرکار حافظ نعیم الرحمان خیبرپختونخوا وی نیوز.
ذریعہ
ذریعہ: WE News
کلیدی لفظ: امیر جماعت اسلامی تباہی تبدیلی سرکار حافظ نعیم الرحمان خیبرپختونخوا وی نیوز حافظ نعیم الرحمان نے جماعت اسلامی انہوں نے کے لیے نے کہا
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار