بچہ گٹر میں کیسے گرا، مکمل حقائق سامنےآگئے
اشاعت کی تاریخ: 3rd, December 2025 GMT
سٹی42: گٹر میں گرکر بچے کی وفات کے سانحہ کو لے کر کراچی کے ادارے ایک دوسرے کی کوتاہیوں کی نشان دہی کر رہے ہیں اور ایک دوسرے کو سانھے کا ذمہ دار ٹھہرا رہے ہیں۔ آج کراچی میونسپل کارپوریشن نے نیپا چورنگی کے گٹر کا مین ہول نہ ہونے کا ذمہ دار کراچی کی بس ریپڈ ٹرانزیشن سسٹم کی انتظامیہ بی آر ٹی کو ٹھہرایا تھا، بی آر ٹی نے کے ایم سی کے الزامات مسترد کر دیئے۔
بھاری ٹریفک جرمانوں کیخلاف ہڑتال کا اعلان
یہ بھی پتہ چل چکا ہے کہ گٹر کا ڈھکن کسی گاڑی کے گزرنے سے ٹوٹا تھا۔ ایک فوٹیج سے یہ تصدیق ہو گئی کہ سانحہ ہونے کے وقت بچہ والدہ کے ہاتھ سے ہاتھ چھڑوا کر سامنے کھڑے والد کے پاس جا رہا تھا۔ چند فٹ کے فاصلہ میں ہی سانحہ ہو گیا۔
اس واقعہ کی ویڈیوز بھی سامنے آ گئی ہیں اور جس گٹر کا ڈھکن غائب تھا، اس ڈھکن کے ہٹنے کی وجہ بھی ویڈیو ایویڈنس کے ساتھ سامنے آ گئی ہے۔
ایک سی سی ٹی وی ویڈیو میں سانحہ میں جان سے جانے والے بچے کو اپنی والدہ کے ساتھ شاپنگ سینٹر سے نکلتے اور پھر والد کی طرف دوڑتے دیکھا جاسکتا ہے۔ ایک طرف بچے کی والدہ تھی، دوسری طرف بچے کا والد تھا، اور اس دوران بچہ کھلے مین ہول میں جاگرا۔
کراچی میٹروپولیٹن کارپوریشن (کے ایم سی) کی جانب سے نیپا چورنگی کے قریب گٹر میں گر کر بچے کی ہلاکت کے واقعے کا ذمہ دار ٹھہرائے جانے پر بی آر ٹی ریڈ لائن انتظامیہ نے مؤقف جاری کر دیا۔
پاکستان میں 2 دہائیوں بعد ٹاپ لیول اسکواش ٹورنامنٹ کی واپسی
بی آر ٹی ریڈ لائن انتظامیہ کے اعلامیے میں کہا گیا کہ واقعے کی جگہ بی آر ٹی ریڈ لائن کے تعمیراتی کاموں سے خاصے فاصلے پر ہے، واقعے کے مقام یا آس پاس بی آر ٹی ریڈ لائن کی کوئی کھدائی یا تعمیراتی سرگرمی نہیں ہے۔
اعلامیے میں کہا گیا کہ بی آر ٹی منصوبے کی اس سیوریج یا نالے کے بنیادی ڈھانچے کی مرمت کی کوئی ذمہ داری نہیں ہے، بی آر ٹی حادثے کے مقام یا اس کے قریب کسی قسم کا سول ورکس بھی انجام نہیں دے رہی۔
پاکستان اور بنگلہ دیش کے درمیان براہ راست فضائی رابطہ میں اہم پیشرفت
اعلامیے کے مطابق بی آر ٹی کے تمام جاری کام متعلقہ اداروں سے این او سی حاصل کرنے کے بعد شروع کیے گئے ہیں، جو کھدائی کی گئی تھی اور بعد میں بند کی گئی وہ واقعے کی جگہ سے تقریباً 300 میٹر دور ہے۔
ایک ویڈیو ریکارڈنگ سے یہ معلوم ہوا ہے کہ نیپا پر نجی اسٹورکے باہر موجود گٹر کا ڈھکن ڈمپر گزرنے کے باعث ٹوٹا تھا۔ کے ایم سی نے اس حادثے کا ذمہ دار بی آر ٹی اور نجی اسٹور انتظامیہ کو قرار دیا۔ بی آر ٹی نے واقعہ کی ذمہ داری قبول کرنے سے انکار کیا۔ وزیراعلیٰ سندھ مراد علی شاہ نے کراچی میونسپلٹی کے کئی ڈائریکٹر اور ڈپٹی ڈائریکٹر سطح کے افسروں، انجینئیروں کے ساتھ ایک اسسٹنٹ کمشنر گلشنِ اقبال کو بھی معطل کر دیا۔
نیپا چورنگی پر مین ہول میں گرنے والے بچے کی لاش 14 گھنٹے بعد مل گئی تھی۔ اس سانحہ نے شہر کو گہرے صدمہ سے دوچار کر دیا تھا۔
فرانسیسی خطروں کے کھلاڑی نے ایک اور بنجی جمپنگ ریکارڈ بنا دیا
کے ایم سی کی رپورٹ
کے ایم سی نے گلشن اقبال ٹاؤن میں نیپا فلائی اوور کے قریب نجی اسٹور کے سامنے بچے کا گٹر میں گرنے کے واقعے سے متعلق تحقیقاتی رپورٹ سیکرٹری محکمہ بلدیات کو بھجوا دی ہے۔
رپورٹ میں کہا گیا ہے کہ معائنے میں ثابت ہوا حادثے کی وجہ بی آر ٹی تعمیرات تھیں، بی آر ٹی منصوبے کی کھدائی کے باعث نالے کے پورے نکاسی کے نظام شدید نقصان پہنچایا، عارضی دو فٹ کے کور لگا کر گٹروں کو بند کرنے کی کوشش کی گئی تھی۔
Waseem Azmet.ذریعہ: City 42
کلیدی لفظ: بی آر ٹی ریڈ لائن کا ذمہ دار کے ایم سی گٹر میں گٹر کا بچے کی
پڑھیں:
27ویں آئینیترمیم پرا قوام متحدہ کو تشویش بے جا‘ ہائی کمشنر کا بناں زمینی حقائق کا عکاس نہیں : پاکستان
اسلام آباد+ نیویارک (نوائے وقت رپورٹ+ این این آئی) پاکستان نے اقوام متحدہ کے انسانی حقوق کمشنر کے بیان کو مسترد کرتے ہوئے کہا ہے کہ 27 ویںآئینی ترمیم پر بیان زمینی حقائق کا عکاس نہیں۔ دفتر خارجہ کے ترجمان نے کہا کہ پارلیمان سے دو تہائی اکثریت سے منظور ہونے والی 27ویں آئینی ترمیم سے متعلق بے بنیاد اور غلط اندیشوں پر گہری تشویش ہے۔ انہوں نے کہا کہ تمام جمہوریتوں کی طرح دیگر قانون سازی کے ساتھ آئینی ترمیم بھی پاکستان کے عوام کے منتخب نمائندوں کا اختیار ہے۔ 27 ویں آئینی ترمیم کے ہوتے ہوئے آئین پاکستان میں درج مناسب طریقہ کار پر عمل کیا گیا۔ ترجمان نے کہا کہ پاکستان اپنے آئین کے مطابق انسانی حقوق، بنیادی آزادیوں اور قانون کی حکمرانی کے لیے پر عزم ہے۔ پاکستان ہائی کمشنر برائے انسانی حقوق کے کام کو اہمیت دیتا ہے۔ افسوسناک ہے کہ جاری کردہ بیان میں پاکستان کے حالات اور زمینی حقائق کی عکاسی نہیں کی گئی۔ وزارت خارجہ کے ترجمان نے کہا کہ اقوام متحدہ کے ہائی کمشنر پر زور دیتے ہیں کہ پاکستان کی پارلیمنٹ کے خود مختار فیصلوں کا احترام کریں۔ ہائی کمشنر ایسے تبصروں سے گریز کریں جو سیاسی تعصب اور غلط معلومات کی عکاسی کرتے ہوں۔ پاکستان نے فلسطینی عوام سے اظہار یکجہتی کے عالمی دن پر ان کی غیر متزلزل سفارتی حمایت کا اعادہ کرتے ہوئے واضح کیا ہے کہ اسرائیلی مظالم نے انسانی ضمیر کو جھنجھوڑ دیا۔ یہ بربریت برداشت نہیں کی جاسکتی۔ جنگی جرائم اور نسل کشی پر جواب دہی ناگزیر ہے۔ دفتر خارجہ نے جاری کردہ بیان میں کہا کہ فلسطینی عوام نسلوں سے جارحیت، محرومی اور بدترین انسانی بحران کا سامنا کر رہے ہیں۔ ترجمان نے کہا کہ اسرائیل کے جنگی جرائم اور نسل کشی جیسے اقدامات پر جواب دہی ناگزیر ہے۔ دو ریاستی حل اور غزہ امن منصوبہ پائیدار امن کا حقیقی موقع فراہم کرتے ہیں۔ فوری اور مستقل جنگ بندی وقت کی اہم ضرورت ہے۔ پاکستان القدس الشریف کو فلسطین کا دائمی دارالحکومت تسلیم کرتا ہے۔ فلسطینی عوام کی جدوجہد آزادی میں پاکستان ہمیشہ ان کے ساتھ کھڑا رہے گا۔ قبل ازیں اقوام متحدہ کے ہائی کمشنر برائے انسانی حقوق وولکر ٹرک نے حال ہی میں پارلیمنٹ سے منظور ہونے والی 27 ویں آئینی ترمیم پر تشویش کا اظہار کیا ہے۔ وولکر ٹرک نے اپنے بیان میں کہا کہ پاکستان میں جلد بازی میں منظور کی گئی آئینی ترامیم عدلیہ کی آزادی کو کمزور کرتی ہیں اور ملک میں اختیارات کی تقسیم کے اصول کے خلاف ہیں۔ یو این ہائی کمشنر کا کہنا تھا آئینی ترامیم فوجی احتساب اور قانون کی حکمرانی کے احترام پر شدید خدشات کو جنم دیتی ہیں اور پاکستانی عوام کی جمہوریت اور قانون کی حکمرانی کے لیے دور رس نتائج کا خطرہ رکھتی ہیں۔ یہ ترامیم گزشتہ سال منظور کی گئی 26 ویں ترمیم کی طرح قانونی برادری اور سول سوسائٹی سے مشاورت اور بحث کیے بغیر منظور کی گئی۔ وولکر ٹرک کا کہنا تھا ججز کی تقرری، ترقی اور تبادلے کے نظام میں تبدیلیوں سے عدلیہ کو سیاسی مداخلت اور انتظامی کنٹرول کا خطرہ لاحق ہوگیا ہے۔ وسیع پیمانے پر دیا جانے والا استثنیٰ مسلح افواج پر جواب دہی کے جمہوری کنٹرول کو کمزور کرتا ہے۔
پشاور ہائی کورٹ نے پی ٹی اے کو ٹک ٹاک سے غیر اخلاقی مواد ہٹانے کا حکم دے دیا