مسلم کانفرنس نے ریاستی تشخص کے تحفظ کے لیے بے مثال قربانیاں دیں، خواجہ دلاور
اشاعت کی تاریخ: 19th, October 2025 GMT
93ویں یومِ تاسیس کے موقع پر میڈیا سے گفتگو کرتے ہوئے ان کا کہنا تھا کہ 93 برس گزرنے کے باوجود مسلم کانفرنس آج بھی اپنی اساس، نظریے اور قیادت پر فخر کرتی ہے۔ مسلم کانفرنس ریاستِ جموں و کشمیر کی سب سے قدیم، نظریاتی اور عوامی جماعت ہے۔ اسلام ٹائمز۔ صوبائی صدر مسلم کانفرنس کے پی کے خواجہ دلاور نے آل جموں و کشمیر مسلم کانفرنس کے 93ویں یومِ تاسیس کے موقع پر میڈیا سے گفتگو کرتے ہوئے کہا ہے کہ ان تقریبات کو منانے کا مقصد جماعت کی تاریخی جدوجہد کو اجاگر کرنا، بانیانِ مسلم کانفرنس کو خراجِ عقیدت پیش کرنا اور تحریکِ آزادی کشمیر کے ساتھ تجدیدِ عہد کرنا ہے۔ مسلم کانفرنس ریاستِ جموں و کشمیر کی پہلی اور نظریاتی بنیادوں پر قائم سیاسی جماعت ہے جس نے عوامی شعور بیدار کیا، تحریکِ آزادی کو سمت دی اور ریاستی تشخص کے تحفظ کے لیے بے مثال قربانیاں دیں۔ انہوں نے کہا کہ 93 برس گزرنے کے باوجود مسلم کانفرنس آج بھی اپنی اساس، نظریے اور قیادت پر فخر کرتی ہے۔ مسلم کانفرنس ریاستِ جموں و کشمیر کی سب سے قدیم، نظریاتی اور عوامی جماعت ہے، جس نے ہمیشہ عوامی خدمت، ریاستی تشخص کے تحفظ اور تحریکِ آزادی کشمیر کے فروغ میں کلیدی کردار ادا کیا۔
انہوں نے کہا کہ مسلم کانفرنس جماعت کسی شخصیت نہیں بلکہ ایک فکر، ایک تحریک اور ایک نظریہ ہے جو بانی ریاست مجاہد اول کے ہاتھوں پروان چڑھا،پاکستان سے ہمارا رشتہ زمین یا مفادات کا نہیں، بلکہ ایمان اور عقیدے کا رشتہ ہے۔ پاکستان ہمارا پشت پناہ، ہمارا مرکزِ عقیدت اور منزلِ آزادی کا ضامن ہے۔ انہوں نے کہا کہ آزاد کشمیر کے عوام نے ہمیشہ پاکستان کے استحکام، یکجہتی اور خوشحالی کے لیے قربانیاں دی ہیں اور یہ رشتہ ہمیشہ قائم و دائم رہے گا۔ خواجہ دلاور نے مزید کہا کہ پاک فوج قوم کا فخر اور ملک کی سلامتی کی ضمانت ہے۔ ہم اپنی مسلح افواج کے ساتھ شانہ بشانہ کھڑے ہیں۔ پاک فوج نے ہر مشکل گھڑی میں قوم کی حفاظت کی، دشمنوں کی سازشوں کو ناکام بنایا اور قربانیوں کی ایسی تاریخ رقم کی جو دنیا میں مثال نہیں رکھتی۔ انہوں نے مزید کہا کہ ہم سب کو مسلم کانفرنس کے نظریے، تاریخ اور اصولوں کو یاد رکھنا چاہیے۔ کارکنان ہی جماعت کا سرمایہ ہیں۔ انہوں نے کہا کہ ہماری سیاست کا مقصد اقتدار نہیں بلکہ خدمتِ خلق ہے۔ مسلم کانفرنس ہمیشہ عوام کے مفادات کی ترجمان رہی ہے اور رہے گی۔ خواجہ ولاور نے سردار عتیق احمد خان کی قیادت پر مکمل اعتماد کا اظہار کیا اور عزم کیا کہ وہ مسلم کانفرنس کے پیغام کو ہر سطح پر عام کریں گے۔
ذریعہ
ذریعہ: Islam Times
کلیدی لفظ: مسلم کانفرنس کے انہوں نے کہا کہ
پڑھیں:
میرپور آزاد کشمیر ، مری ، کھاریاں سمیت ملک کے کئی علاقوں میں تیز ہواؤں کیساتھ بارش
سٹی 42: میرپور آزاد کشمیر ، مری ، کھاریاں سمیت ملک کے کئی علاقوں میں تیز ہواؤں کیساتھ بارش ہورہی ہے ۔
میرپور آزاد کشمیر و گردونواح میں تیز ہواؤں کے ساتھ بارش ہورہی ہے ۔ بارش کے باعث شدید گرمی کا زور ٹوٹ گیا، موسم خوشگوار ہو گیا۔درجہ حرارت میں نمایاں کمی، شہریوں نے سکھ کا سانس لے لیا
منگلا، چیچیاں، جاتلاں، اسلام گڑھ، چکسواری اور ڈڈیال میں بھی بارش ہے ۔ تیز ہواؤں کے باعث مختلف علاقوں میں بجلی کی آنکھ مچولی بھی جاری ہے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
مری میں کالی گھٹائیں برس پڑیں، بارش سے موسم مزید خوشگوار ہو گیا۔بارش اور ٹھنڈی ہواؤں نے مری کے حسن کو چار چاند لگا دیئے۔
گرم علاقوں سے آئے سیاح خوشگوار موسم سے بھرپور لطف اندوز ہونے لگے۔ بارش کے بعد سیاحتی مقامات پر رونقیں بڑھ گئیں۔
کھاریاں میں گرج چمک اور تیز ہوا کیساتھ بارش ہے ۔ بجلی بند موسم خوشگوار ہو گیا۔
بارش سے گرمی کی شدت کم ہو گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ