ہوٹلوں، فاسٹ فوڈ اور بریانی سینٹرز میں مردہ مرغیوں کے گوشت کا اسکینڈل
اشاعت کی تاریخ: 19th, October 2025 GMT
کراچی میں شہریوں کی صحت سے کھیلنے والا ایک خوفناک انکشاف سامنے آیا ہے، جہاں مردہ مرغیوں کا گوشت مختلف ہوٹلوں، فاسٹ فوڈ آؤٹ لیٹس اور بریانی سینٹرز کو فراہم کیا جا رہا تھا۔
نجی چینل کے مطابقگلبرگ پولیس نے ایک خفیہ اطلاع پرموسیٰ کالونی کے قریب ریلوے پھاٹک کے علاقے میں کارروائی کرتے ہوئے ایک گودام سے*80 کلو مردار مرغی کا گوشت برآمد کیا ہے۔ پولیس نے موقع پر دو ملزمان کو گرفتار کر کے ان کے خلاف مقدمہ درج کر لیا ہے۔
پولیس کی جانب سے درج ایف آئی آر کے مطابق، ملزمان مردہ مرغیوں کا گوشت پیک کر کے شہر کے مختلف ہوٹلوں اور کھانے کے مراکز کو سپلائی کرنے کی تیاری میں تھے۔ اطلاع ملنے پر پولیس نے فوری طور پر سندھ فوڈ کنٹرول اتھارٹی کو بھی کارروائی میں شامل کر لیا۔
تحقیقات کے مطابق، یہ گوشت فاسٹ فوڈ سینٹرز، بریانی پوائنٹس اور ہوٹلوں کو فراہم کیا جاتا تھا، جہاں نہ صرف ہزاروں لوگ روزانہ کھانا کھاتے ہیں بلکہ ان میں بچے، بزرگ اور بیمار افراد بھی شامل ہوتے ہیں — جو اس خطرناک گوشت سے شدید متاثر ہو سکتے تھے۔
پولیس کا کہنا ہے کہ گرفتار ملزمان سے مزید تفتیش جاری ہے، اور امکان ہے کہ اس نیٹ ورک میں مزید افراد بھی ملوث ہوں۔
یہ واقعہ شہریوں اور انتظامیہ دونوں کے لیے ایک لمحۂ فکریہ ہے، کیونکہ عوام کی صحت سے اس طرح کا کھلا کھلواڑ کسی صورت برداشت نہیں کیا جا سکتا۔ حکام سے مطالبہ کیا جا رہا ہے کہ نہ صرف اس نیٹ ورک کو بے نقاب کیا جائے بلکہ ذمہ داروں کو سخت سے سخت سزا دی جائے۔
ذریعہ: Daily Mumtaz
پڑھیں:
راولپنڈی: خاتون کے بال کاٹنے کے واقعے میں اہم پیشرفت، 3 مرکزی ملزمان گرفتار
سوشل میڈیا پر خاتون کے بال کاٹنے کی وائرل ویڈیو کے حوالے سے درج مقدمے میں راولپنڈی پولیس نے اہم پیشرفت کرتے ہوئے 3 مرکزی ملزمان کو گرفتار کر لیا ہے۔
گرفتار ملزمان میں واقعے میں براہ راست ملوث ایک مرد اور ایک خاتون بھی شامل ہیں۔ واقعے کا مقدمہ پولیس کی مدعیت میں تھانہ نصیر آباد میں درج کیا گیا تھا۔
یہ بھی پڑھیے: تشدد اور بال کاٹنے کی وائرل ویڈیو، متاثرہ لڑکی کا بیان سامنے آگیا
متاثرہ خاتون کا ویڈیو بیان سامنے آنے کے بعد پولیس نے مقدمہ درج کیا، جبکہ یہ واقعہ تقریباً ایک ماہ قبل پیش آیا تھا لیکن اس وقت پولیس کو رپورٹ نہیں کیا گیا تھا۔
ابتدائی تحقیقات کے مطابق وائرل ویڈیو کے بعد مرکزی ملزمان فرار ہو گئے تھے، تاہم راولپنڈی پولیس نے تمام ٹیکنیکل اور انسانی انٹیلی جنس ذرائع استعمال کرتے ہوئے انہیں ٹریس کر کے گرفتار کیا۔
یہ بھی پڑھیے: مساج سیلون میں خاتون کے بال کاٹنے کا واقعہ، ملزمان گرفتار
سی پی او سید خالد ہمدانی نے بتایا کہ گرفتار ملزمان کے دیگر ساتھیوں اور سہولت کاروں کو بھی جلد گرفتار کر کے قانون کے کٹہرے میں لایا جائے گا۔
ترجمان راولپنڈی پولیس نے مزید بتایا کہ مقدمے کی کارروائی جاری ہے اور متاثرہ خاتون کو انصاف فراہم کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خاتون راولپنڈی پولیس گرفتاری ملزم
بھارت میں ’گوبر دودھ‘ کی فروخت پر ہنگامہ کھڑا ہوگیا