ویمنز ون ڈے ورلڈ کپ: انگلینڈ نے بھارت کو شکست دے کر سیمی فائنل میں جگہ بنالی
اشاعت کی تاریخ: 19th, October 2025 GMT
ویمنز ون ڈے ورلڈ کپ 2025 کے لیگ مرحلے میں انگلینڈ نے بھارت کو سنسنی خیز مقابلے کے بعد 4 رنز سے شکست دے کر سیمی فائنل میں جگہ بنا لی۔
انگلینڈ کے 289 رنز کے ہدف کے تعاقب میں بھارت کی ٹیم ایک موقع پر مضبوط پوزیشن میں تھی۔ 234 رنز پر صرف 3 وکٹوں کے نقصان کے ساتھ اوپنر سمریتی مندھانا 88 رنز پر کریز پر موجود تھیں۔ تاہم 42ویں اوور میں اسپنر لنزی اسمتھ کی گیند پر ان کا کیچ ہونا میچ کا ٹرننگ پوائنٹ ثابت ہوا، جس کے بعد بھارتی بیٹنگ لائن دباؤ میں آ گئی۔
یہ بھی پڑھیں: ویمنز ورلڈ کپ 2025، آسٹریلیا نے پاکستان کو ہرا کر پوائنٹ ٹیبل پر پہلی پوزیشن حاصل کرلی
میچ کے آخری لمحات میں رن ریٹ بڑھ گیا، اگرچہ دیپتی شرما نے نصف سنچری بنا کر امیدیں برقرار رکھیں، لیکن درمیانی آرڈر کی ناکامی نے بھارت کو ہدف سے محروم کر دیا۔ آخری اوور میں بھارت کو 14 رنز درکار تھے، مگر لنزی اسمتھ نے نپی تلی بولنگ سے انگلینڈ کو 284-6 پر روک دیا۔
اس سے قبل انگلینڈ نے پہلے بیٹنگ کرتے ہوئے 8 وکٹوں 288 رنز بنائے۔ سابق کپتان ہیتر نائٹ نے 86 گیندوں پر جارحانہ سنچری اسکور کی، جس میں 15 چوکے اور ایک چھکا شامل تھا۔ اوپنرز نے محتاط آغاز کے بعد 44 رنز کا اوپننگ اسٹینڈ فراہم کیا، جب کہ ایمی جونز نے 56 رنز بنا کر اہم کردار ادا کیا۔
یہ بھی پڑھیں: ویمنز ورلڈ کپ :پاک بھارت ٹاکرا، سیاسی کشیدگی اور ممکنہ ’ہینڈ شیک تنازع‘ نے میچ کو گھیر لیا
ہیتر نائٹ اور نیٹ سیور-برنٹ نے 113 رنز کی شراکت قائم کر کے ٹیم کو مضبوط پوزیشن میں پہنچایا۔ تاہم اختتامی اوورز میں انگلینڈ کے درمیانی آرڈر نے 12 گیندوں میں 3 وکٹیں گنوا دیں، جس سے ٹیم چند رنز کم رہ گئی، لیکن ان کا مجموعی اسکور دفاع کے لیے کافی ثابت ہوا۔
بھارتی کپتان ہرمن پریت کور اور مندھانا کی 125 رنز کی پارٹنرشپ نے ایک وقت میں میچ بھارت کے حق میں کر دیا تھا۔ مگر مندھانا کی ایک غلط شاٹ نے تمام منظرنامہ بدل دیا۔ بھارت کو سیمی فائنل میں جگہ بنانے کے لیے اب اپنے آخری دو میچز لازمی جیتنے ہوں گے، کیونکہ وہ پہلے ہی 3 لگاتار شکستوں کا سامنا کر چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انگلینڈ بھارت سیمی فائنل ویمنز ورلڈ کپ.
ذریعہ
ذریعہ: WE News
کلیدی لفظ: انگلینڈ بھارت سیمی فائنل ویمنز ورلڈ کپ سیمی فائنل بھارت کو ورلڈ کپ
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار