پاکستان کے عوام نے اقلیت کیخلاف ظلم کو ہمیشہ ناپسند کیا، وزیراعظم شہباز شریف
اشاعت کی تاریخ: 20th, October 2025 GMT
وزیراعظم شہباز شریف کا کہنا ہے کہ پاکستان کے عوام نے اقلیت کے خلاف ظلم کو ہمیشہ ناپسند کیا ہے، ہمیں پاکستان کی اقلیتی برادری پر فخر ہے، تعمیر پاکستان اور دفاع پاکستان میں اقلیتی برادری کا اہم کردار ہے۔
وزیراعظم نے دیوالی کے موقع پر ہندو برادری کے لیے شبھ کامنائیں دیں۔
وزیراعظم ہاؤس میں دیوالی کے موقع پر خصوصی تقریب سے خطاب کرتے ہوئے شہباز شریف نے کہا کہ قومی اقلیتی کمیشن کو مزید فعال کرنے کی منظوری دے دی گئی ہے، وزیراعظم یوتھ پروگرام میں اقلیتوں کو پوری طرح شامل کیا جارہا ہے، سرکاری ملازمتوں میں بھی اقلیتوں کا کوٹہ ہے۔
انہوں نے کہا کہ اقلیتیی برادری کے بچوں کو اسکول سے یونیورسٹی تک وظائف دیے جا رہے ہیں، پاکستان کی تمام سیاسی جماعتوں میں اقلیتیوں کی نمائندگی موجود ہے۔
وزیراعظم نے کہا کہ سرکاری ملازمت میں اقلیتوں کے لیے 5 فیصد کوٹا مختص ہے، پاکستان اجالوں، امن، ہم آہنگی اور برداشت کی سرزمین ہے، پاکستان میں نفرت اور دہشت گردی کے لیے کوئی گنجائش نہیں۔
شہباز شریف نے مزید کہا کہ دہشتگردی کے خلاف جنگ میں قوم پاک فوج کے ساتھ کھڑی ہے۔
.
ذریعہ
ذریعہ: Jang News
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ