پاکستان کے پی کی کم عقل قیادت اور ٹی ایل پی جیسی منفی سوچ کا متحمل نہیں ہوسکتا، طلال چوہدری
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیر مملکت برائے داخلہ طلال چوہدری نے کہا ہے کہ خیبر پختون خوا ( کے پی کے) جیسی کم عقل قیادت اور تحریک لبیک پاکستان (ٹی ایل پی) جیسی انتہاپسند سوچ والا پاکستان مزید برداشت نہیں کرسکتا، ایسی منفی سیاست ملک کے مفاد، سلامتی اور استحکام کے لیے خطرہ بنتی جا رہی ہے۔
پریس کانفرنس کرتے ہوئے طلال چوہدری نے کہا کہ خیبر پختون خوا کے وزیراعلیٰ دہشت گردی کے خلاف جنگ میں غیر سنجیدہ ہیں، کے پی حکومت کو دی گئی بلٹ پروف گاڑیوں کو انہوں نے ناقص قرار دے کر لینے سے انکار کیا حالانکہ یہی گاڑیاں پہلے وزرا استعمال کرتے رہے ہیں، ایک بلٹ پروف گاڑی کی قیمت 10 کروڑ روپے ہے اور اگر وزیراعلیٰ کو یہ ماڈل پسند نہیں تھا تو وہ اپنی گاڑی دے دیتے۔
انہوں نے کہا کہ یہ گاڑیاں 600 ارب روپے کی لاگت سے خریدی گئیں، جنہیں کے پی حکومت کو اپنے فنڈز سے لینا چاہیے تھا، کے پی حکومت نے سیاسی ضد میں سیکیورٹی معاملات کو نقصان پہنچایا ہے۔
طلال چوہدری نےکہا کہ جب وزیراعلیٰ خود بلٹ پروف گاڑی میں بیٹھے ہیں تو وہ اپنی پولیس کے سامنے کیسے کھڑے ہوں گے جو خطرات کے باوجود بغیر بلٹ پروف گاڑی کے کام کر رہی ہے؟
وزیر مملکت نے کہا کہ کس سے، کب اور کیسے بات کرنی ہے، یہ حکومتِ پاکستان کا اختیار ہے، نہ کہ کسی صوبے کا، صوبائی قیادت اپنی حدود سے تجاوز کر رہی ہے اور اس طرزِ عمل سے خیبر پختون خوا کو ہی نقصان ہو رہا ہے۔
انہوں نے مزید کہا کہ اسلام آباد کے اسپتالوں میں بڑی تعداد میں مریض کے پی سے آتے ہیں کیونکہ وہاں صحت کے شعبے کی حالت ابتر ہے، جنہیں کے پی میں مینڈیٹ دیا گیا ہے، انہیں صوبے کی عوام کے لیے کام کرنا چاہیے، نہ کہ سیاسی تماشے لگانے چاہئیں۔
ٹی ایل پی سے متعلق گفتگو میں طلال چوہدری نے انکشاف کیا کہ 100 ایسے بینک اکاؤنٹس کی نشاندہی ہوئی ہے جن میں کروڑوں روپے سودی منافع کی صورت میں موصول ہوئے جبکہ یہی لوگ سودی نظام کے خلاف نعرے لگاتے ہیں، جو لوگ سود کو حرام کہتے ہیں، ان کے اکاؤنٹس میں سود کے ذریعے کروڑوں روپے آئے ہیں۔
انہوں نے مزید کہا کہ غزہ مارچ کرنے والوں کے نعروں میں بھی غزہ کا کوئی حقیقی درد شامل نہیں تھا، بلکہ ان کے تجوریوں سے 69 قیمتی غیر ملکی برانڈز کی گھڑیاں برآمد ہوئیں، وہی برانڈز جن کے خلاف وہ بائیکاٹ کی بات کرتے تھے۔
طلال چوہدری نے کہا کہ ایک طرف افغانستان ہماری سرزمین پر بمباری کر رہا تھا، اور دوسری جانب ٹی ایل پی والے مرید کے میں پولیس پر گولیاں برسا رہے تھے، ایسی سیاست کرنے والوں کی پاکستان میں کوئی جگہ نہیں۔
انہوں نے کہا کہ پنجاب حکومت کی جانب سے وفاق کو بھجوایا گیا ٹی ایل پی کے خلاف ریفرنس کئی چشم کشا شواہد پر مشتمل ہے اور وفاقی حکومت اس پر سنجیدگی سے کام کر رہی ہے۔
ذریعہ
ذریعہ: Jasarat News
کلیدی لفظ: طلال چوہدری نے ٹی ایل پی نے کہا کہ انہوں نے کے خلاف رہی ہے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا