صبا قمر کا بغیر میک اپ سین مہنگا پڑ گیا—سوشل میڈیا پر شدید تنقید کا سامنا
اشاعت کی تاریخ: 6th, December 2025 GMT
پاکستانی ڈرامہ انڈسٹری کی ورسٹائل اور باکمال اداکارہ صبا قمر اکثر اپنی غیر معمولی اداکاری کے باعث سرخیوں میں رہتی ہیں، لیکن اس بار وہ ایک مختلف وجہ سے بحث کا مرکز بن گئیں۔
پانی جیسا پیار، باغی، بے شرم، چیخ، ڈائجسٹ رائٹر اور فراڈ جیسے مشہور ڈراموں میں اپنی صلاحیتوں کا لوہا منوانے والی صبا قمر آج کل دو کامیاب ڈراموں کیس نمبر 9 اور پامال میں نظر آرہی ہیں۔
پامال میں ان کی اور عثمان مختار کی آن اسکرین کیمسٹری کو خوب پذیرائی مل رہی ہے، جبکہ کیس نمبر 9 میں ریپ سروائیور کا طاقتور کردار ادا کرنے پر انہیں زبردست تعریفیں بھی مل رہی ہیں۔
صبا قمر اپنی نیچرل بیوٹی اور کم سے کم میک اپ کے استعمال کے حوالے سے بھی جانی جاتی ہیں۔
اسی سلسلے میں کیس نمبر 9 کی تازہ قسط میں وہ تقریباً بغیر میک اپ اسکرین پر دکھائی دیں، اور انسٹا گرام پر ایک پوسٹ میں لکھا:چلیں، اسکرین پر بغیر میک اپ آنے کو نارمل کرتے ہیں۔
تاہم یہی بیان ان کے خلاف سوشل میڈیا پر تنقید کی لہر کا باعث بن گیا۔
بہت سے صارفین کا کہنا تھا کہ شوبز شخصیات، جن میں صبا قمر بھی شامل ہیں، مہنگے بیوٹی ٹریٹمنٹس، فلرز اور اسکِن انجیکشنز کرواتی ہیں، اس لیے “نو میک اپ” دعویٰ حقیقت سے دور ہے۔
کچھ صارفین نے طنز کرتے ہوئے کہا:فلرز اور سرجریز کے بعد تو بغیر میک اپ آنا بڑا آسان ہوتا ہے!جبکہ کئی نے دعویٰ کیا کہ صبا قمر حقیقتاً میک اپ میں تھیں، بس اس کا اسٹائل اور طریقہ مختلف تھا۔
صبا قمر کی اس پوسٹ نے جہاں کچھ لوگوں کو متاثر کیا، وہیں تنقید کرنے والوں کا کہنا ہے کہ “بغیر میک اپ” کا معیار عام لوگوں کے مقابلے میں سلیبرٹیز کے لیے یکسر مختلف ہوتا ہے۔
ذریعہ: Daily Mumtaz
کلیدی لفظ: بغیر میک اپ
پڑھیں:
سندھ میں بغیر نمبر پلیٹس، ڈرائیونگ لائسنس گاڑیاں چلانے والوں کیخلاف کریک ڈاؤن کا فیصلہ
آئی جی سندھ نے اس اقدام کو ٹریفک قوانین پر عملدرآمد یقینی بنانے اور سیکیورٹی اقدامات کو مؤثر بنانے کیلئے انتہائی ضروری قرار دیا ہے اور تمام متعلقہ افسران کو اس مراسلے کو فوری طور پر عملدرآمد کرنے کی ہدات کی۔ اسلام ٹائمز۔ شہر قائد سمیت سندھ بھر میں بغیر نمبر پلیٹس گاڑیاں چلانے والوں اور بغیر ڈرائیونگ لائسنس ڈرائیورز کے خلاف بھرپور کریک ڈاؤن شروع کرنے کا فیصلہ کرلیا گیا۔ تفصیلات کے مطابق کراچی سمیت صوبے بھر میں بغیر نمبر پلیٹس گاڑیاں چلانے والوں اور بغیر ڈرائیونگ لائسنس ڈرائیورز کے خلاف بھرپور کریک ڈاؤن کے سلسلے میں آئی جی سندھ کی جانب سے ایڈیشنل آئی جی کراچی رینج، زونل ڈی آئی جیز، ڈی آئی جی سکھر، لارکانہ، حیدر آباد، میرپورخاص اور شہید بے نظیر آباد ڈی آئی جی سی آئی اے، ڈی آئی جی ٹریفک کراچی، حیدرآباد ضلعی ایس ایس پیز اور ایس پی اے وی ایل سی کو ایک مراسلہ ارسال کیا گیا ہے۔
مراسلے میں بتایا گیا کہ حالیہ مشاہدے میں یہ بات سامنے آئی ہے صوبے بھر میں بڑی تعداد میں گاڑیاں بغیر نمبر پلیٹس سڑکوں پر رواں دواں ہیں، جبکہ متعدد ڈرائیور بغیر لائسنس کے گاڑیاں چلا رہے ہیں، تمام پولیس افسران کو ہدایت جاری کی جاتی ہے کہ ایسی گاڑیوں کی فوری نشاندہی کی جائے اور موٹر وہیکل آرڈیننس کے تحت سخت قانونی کارروائی عمل میں لائی جائے اور قانون کی سختی سے تعمیل کو یقینی بنانے کیلئے سڑکوں پر چلنے والی ایسی گاڑیوں کے خلاف ایک جامع کریک ڈاؤن شروع کیا جائے۔
مراسلے میں تمام یونٹس کو ہدایت جاری کی گئی ہے کہ روزانہ کی بنیاد پر صبح 10 بجے تک رینج وائز اور ڈسٹرکٹ وائزرپورٹس آئی جی پی آپریشنز روم کو ارسال کی جائیں، تاکہ مہم کی پیشرفت کا روزانہ کی بنیاد پر جائزہ لیا جا سکے۔ آئی جی سندھ نے اس اقدام کو ٹریفک قوانین پر عملدرآمد یقینی بنانے اور سیکیورٹی اقدامات کو مؤثر بنانے کیلئے انتہائی ضروری قرار دیا ہے اور تمام متعلقہ افسران کو اس مراسلے کو فوری طور پر عملدرآمد کرنے کی ہدات کی۔
حکومتی اتحاد کے ایم این ایز کیلیے 43 ارب کے ترقیاتی فنڈز جاری