ویسٹ انڈیز نے ون ڈے کرکٹ میں ورلڈ ریکارڈ قائم کردیا
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
ڈھاکا : ویسٹ انڈیز نے بنگلہ دیش کے خلاف دوسرے میچ میں عالمی ریکارڈ بنا دیا، ویسٹ انڈیز نے پہلے بولنگ کی اور تمام 50 اوورز اسپنرز سے کروائے جو ایک روزہ کرکٹ کی تاریخ کا عالمی ریکارڈ ہے۔
ویسٹ انڈیز کی کرکٹ ٹیم بنگلہ دیش کے دورے پر ہے جہاں 3 میچوں کی ایک روزہ سیریز جاری ہے اور پہلے میچ میں شکست کے بعد دوسرے میچ میں ریکارڈ بنا دیا۔
بنگلہ دیش کے شہر میرپور میں جاری ایک روزہ سیریز کے پہلے میچ میں بنگلہ دیش نے باآسانی ویسٹ انڈیز کو 74 رنز سے شکست دے کر سیریز میں 0-1 کی برتری حاصل کرلی تھی جبکہ دوسرے میچ میں ویسٹ انڈیز نے سیریز میں واپسی کے لیے منفرد ریکارڈ قائم کردیا۔
ویسٹ انڈیز نے بنگلہ دیش کے خلاف دوسرے میچ میں پہلے بولنگ کی اور تمام 50 اوورز اسپنرز سے کروائے جو ایک روزہ کرکٹ کی تاریخ کا عالمی ریکارڈ ہے۔
میرپور میں کھیلے گئے میچ میں ویسٹ انڈیز کے 5 اسپنرز نے اپنے کوٹے کے 10،10 اوورز کرائے حالانکہ ٹیم میں فاسٹ بولر رودرفورڈ بھی شامل تھے لیکن انہیں بولنگ کا موقع نہیں دیا گیا۔
ویسٹ انڈیز کی جانب سے عقیل حسین نے 10 اوورز میں 41 رنز دے کر دو وکٹیں حاصل کیں اور ایک اوور میڈن کرایا، روسٹن چیز نے 10 اوور کے کوٹے میں دو میڈن کے ساتھ 44 رنز دیے لیکن وکٹ حاصل کرنے میں ناکام رہے۔
گوداکیش موتی نے سب سے زیادہ 65 رنز دیے اور 3 وکٹیں بھی حاصل کیں، خارے پیئر نے کوئی وکٹ حاصل کیے بغیر 10 اوورز میں 43 رنز دیے۔
الیک ایتھانیز نے 10 اوورز میں صرف 14 رنز دے کر دو وکٹیں اپنے نام کیں اور 3 اوور میڈن کرائے۔
آئی سی سی کے مطابق اس سے قبل سری لنکا نے تین مرتبہ سب سے زیادہ 44 اوورز اسپنرز سے کرائے تھے جو ایک روزہ کرکٹ میں عالمی ریکارڈ تھا۔
سری لنکا نے 1996 میں ویسٹ انڈیز، 1998 میں نیوزی لینڈ اور 2004 میں آسٹریلیا کے خلاف 44 اوورز اسپنرز سے کروائے تھے۔
ذریعہ: Jasarat News
کلیدی لفظ: اوورز اسپنرز سے دوسرے میچ میں ویسٹ انڈیز نے عالمی ریکارڈ بنگلہ دیش کے ایک روزہ
پڑھیں:
آئی ایل ٹی 20 :ابوظہبی نائٹ رائیڈرز نے واریئرز کو شکست دے دی
آئی ایل ٹی 20 :ابوظہبی نائٹ رائیڈرز نے واریئرز کو شکست دے دی WhatsAppFacebookTwitter 0 4 December, 2025 سب نیوز
شارجہ : ڈی پی ورلڈ آئی ایل ٹی ٹوئنٹی سیزن 4 کے افتتاحی میچ میں ابوظہبی نائٹ رائیڈرز نے شاندار کارکردگی دکھاتے ہوئے شارجہ واریئرز کو 39 رنز سے شکست دے دی۔ لیام لِونگسٹن نے دھواں دار بلے بازی کا مظاہرہ کرتے ہوئے 38 گیندوں پر ناقابلِ شکست 82 رنز بنائے اور میچ کے بہترین کھلاڑی قرار پائے۔
ابوظہبی نائٹ رائیڈرز نے ٹاس جیت کر پہلے بیٹنگ کرتے ہوئے 20 اوورز میں 233 رنز بنائے، جو لیگ کی تاریخ کا دوسرا بڑا مجموعہ ہے۔ نائٹ رائیڈرز کی اننگز کا سب سے نمایاں پہلو آخری اوور تھا جس میں لِونگسٹن نے ڈوائن پریٹوریئس کو پانچ چھکے لگا کر 33 رنز حاصل کیے۔ اوپنرز ایلکس ہیلز (32) اور علیشان شرفو (34) نے جارحانہ آغاز فراہم کیا، جبکہ شرفن ردرفورڈ نے 45 رنز کی ذمہ دارانہ اننگز کھیلی۔ شارجہ واریئرز کی جانب سے عدیل رشید 31 رنز کے عوض دو وکٹوں کے ساتھ نمایاں رہے۔236 رنز کے ہدف کے تعاقب میں شارجہ واریئرز کی ٹیم ابتداء سے دباؤ کا شکار رہی اور ابتدائی تین وکٹیں محض 56 رنز پر گر گئیں۔ بعد ازاں ٹم ڈیوڈ نے 24 گیندوں پر 60 رنز کی برق رفتار اننگز کھیل کر ٹیم کو سہارا دینے کی کوشش کی تاہم دوسرے اینڈ سے وکٹیں گرنے کا سلسلہ جاری رہا۔
ڈوائن پریٹوریئس (39) اور عدیل رشید (25) نے مزاحمت کی کوشش کی لیکن مقررہ اوورز میں ٹیم 194 رنز بنا سکی۔ابوظہبی نائٹ رائیڈرز کی جانب سے جارج گارٹن، اولی اسٹون اور آندرے رسل نے دو، دو وکٹیں حاصل کیں۔ میچ کے بعد گفتگو کرتے ہوئے لِونگسٹن نے کہا کہ ابتدائی اوورز میں پچ کچھ سست محسوس ہوئی لیکن اختتامی اوورز میں انہیں رِدم مل گیا۔ شارجہ واریئرز کے کپتان ٹم ساؤدی نے اعتراف کیا کہ ان کی ٹیم درمیانی اوورز میں وکٹیں لینے میں ناکام رہی، جس کا انہیں خمیازہ بھگتنا پڑا۔ابوظہبی نائٹ رائیڈرز نے ٹورنامنٹ کا آغاز شاندار فتح سے کرتے ہوئے اگلے میچوں کے لیے خطرے کی گھنٹی بجا دی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنائب وزیراعظم اسحاق ڈارکی کرغزستان کے صدر سے ملاقات، تعلقات مضبوط بنانے کے عزم کا اعادہ آئی سی سی ٹی ٹوئنٹی رینکنگ میں صائم ایوب نے دوبارہ پہلی پوزیشن حاصل کرلی انٹرنیشنل لیگ ٹی20 : دبئی کیپیٹلز کے کپتان کا اگلے میچ کے لیے عزم ابوظہبی ٹی 10ٹورنامنٹ جیتنا بہت بڑا کارنامہ ہے،ٹم ڈیوڈ ڈی پی ورلڈ آئی ایل ٹی ٹوئنٹی سیزن 4 کا افتتاحی میچ: ڈیزرٹ وائپرز کی دبئی کیپیٹلز کے خلاف 4 وکٹوں سے شاندار فتح انتقال کی خبروں پر معین خان کا ردعمل آ گیا دبئی میں آئی ایل ٹی20 کی حکمرانی کی دوڑ شروعCopyright © 2025, All Rights Reserved
رابطہ کریں ہماری ٹیم
سری لنکا میں طوفان دتواہ سے تباہی، پاک بحریہ نے امدادی کارروائیاں شروع کردیں