وفاق نے سندھ میں جاری منصوبوں کیلیے 22 ارب 40 کروڑ دے دیے
اشاعت کی تاریخ: 21st, October 2025 GMT
وزیراعظم پروگرام کے تحت سیلاب متاثرہ علاقوں میں مکانات کی تعمیر کے ساڑھے 14 ارب، اسکولوں کی تعمیر کیلئے ایک ارب روپے جاری کیے گئے۔ اسلام ٹائمز۔ وفاقی حکومت نے سندھ میں جاری ترقیاتی منصوبوں کیلئے 22 ارب 40 کروڑ روپے جاری کر دیئے۔ تفصیلات کے مطابق وفاق نے سندھ میں جاری منصوبوں کیلئے 22 ارب 40 کروڑ روپے جاری کرتے ہوئے مالی سال 26-2025ء کی پہلی سہ ماہی کی رقم سے متعلق تفصیلات جاری کر دیئے، جس کے مطابق وفاق کے رواں مالی سال میں سندھ کیلئے 14 منصوبے جاری ہیں۔ جاری دستاویز کے مطابق ٹنڈوالہیار سے ٹنڈو آدم سڑک کیلئے ایک ارب روپے، سانگھڑ سے نیشنل ہائی وے این 5 کیلئے 2 ارب، روہڑی سے گڈو انٹرچینج ایم 5 صادق آباد کیلئے 2 ارب 40 کروڑ روپے جاری کیے گئے، جبکہ کراچی سائٹ ایریا میں سڑکوں کی بحالی کیلئے ڈیڑھ ارب روپے جاری کیے۔ اس کے علاوہ وزیراعظم پروگرام کے تحت سیلاب متاثرہ علاقوں میں مکانات کی تعمیر کے ساڑھے 14 ارب، اسکولوں کی تعمیر کیلئے ایک ارب روپے جاری کیے گئے۔ وفاق نے سندھ میں جاری منصوبوں کیلئے مجموعی طور پر 76 ارب 58 کروڑ روپے جاری کرنے ہیں۔
.
ذریعہ
ذریعہ: Islam Times
کلیدی لفظ: کروڑ روپے جاری روپے جاری کیے ارب 40 کروڑ کی تعمیر ارب روپے
پڑھیں:
حیسکو میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف
فائل فوٹوپبلک اکاؤنٹس کمیٹی کے اجلاس میں حیدرآباد الیکٹرک سپلائی کمپنی (حیسکو) میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف ہوا ہے۔
آڈٹ رپورٹ کے مطابق حیسکو کے ڈی ڈی او، ایکسیئن اور سی ایف او آفس کی ملی بھگت سے خرد برد کی گئی۔
سی ای او حیسکو کے مطابق اس کیس میں چار ملازمین کو برطرف کیا جا چکا ہے۔ تین اکاؤنٹس افسران، ایک فنانس افسر کو نوکری سے نکالا گیا۔
ایف آئی اے حکام کا کہنا ہے کہ اس کیس کے 5 مقدمات درج کیے گئے، 130 سے زائد افراد ملوث تھے، اب تک صرف 13 کروڑ روپے کی ریکوری ہوئی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم