این آئی سی وی ڈی میں دوائیوں کی شدید قلت
اشاعت کی تاریخ: 5th, December 2025 GMT
خریداری نظام پر کمیشن نیٹ ورک کا کنٹرول ،بجٹ کا بڑا حصہ غیر ضروری دوروں پر خرچ
اسپتال کا بجٹ اربوں روپے ہونے کے باوجود دوائیں دستیاب نہ ہونے پر سنگین سوالات
کراچی (اسٹاف رپورٹر) کراچی این آئی سی وی ڈی میں دوائیوں کی شدید قلت سنگین صورت اختیار کر گئی ہے ۔ غریب مریض روزانہ پریشان واپس لوٹ رہے ہیں۔ ڈاکٹر چھ دوائیں لکھتے ہیں۔ اسٹور سے بمشکل ایک یا دو ملتی ہیں۔ چار دوائیں مکمل غائب ہیں۔ یہ صورتحال انتظامی غفلت اور مالی بے ضابطگی کو واضح کرتی ہے ۔ ذرائع کے مطابق اسپتال کا بجٹ اربوں روپے ہے ۔ اس کے باوجود دوائیں دستیاب نہ ہونا سنگین سوالات اٹھا رہا ہے ۔ مریضوں کا کہنا ہے کہ انتظامیہ مکمل خاموش ہے ۔ کسی شعبے نے دواؤں کی کمی دور کرنے کا کوئی قدم نہیں اٹھایا۔ اسپتال کے عملے اور مریضوں کا الزام ہے کہ خریداری نظام پر کمیشن نیٹ ورک کا کنٹرول ہے ۔ بجٹ کا بڑا حصہ غیر ضروری دوروں سیمیناروں اور پروٹوکول پر خرچ ہو رہا ہے ۔ بنیادی دوائیں خریدنے کے لیے فنڈز کم پڑ جاتے ہیں عوام مطالبہ کر رہی ہے کہ دواؤں کی کمی کا
ذمہ دار سامنے لایا جائے ۔ اربوں روپے کے بجٹ کا آڈٹ کرایا جائے ۔ مریضوں کے حقوق کے تحفظ کے لیے ہنگامی کارروائی ناگزیر ہے۔
ذریعہ: Juraat
پڑھیں:
مفتی منیب الرحمان ڈینگی وائرس سے متاثر، اسپتال میں زیر علاج
معروف مذہبی اسکالر اور سابق چیئرمین مرکزی رویتِ ہلال کمیٹی مفتی منیب الرحمان ڈینگی وائرس میں مبتلا ہو گئے ہیں۔
ان کے ترجمان نے تصدیق کی کہ مفتی منیب الرحمان کو 2 روز قبل اسپتال منتقل کیا گیا تھا، جہاں ان کی حالت میں بہتری آ رہی ہے۔
یہ بھی پڑھیں:علما کے جائز مسائل حل کیے جائیں گے: محسن نقوی کی مفتی منیب الرحمان سے ملاقات میں اتفاق
ترجمان کے مطابق مفتی منیب کو ڈینگی کی علامات ظاہر ہونے کے بعد فوری طور پر نجی اسپتال پہنچایا گیا، جہاں ڈاکٹروں نے علاج شروع کردیا۔
اپیل برائے دعاۓ صحت وشِفاء
داعی اتحاد مسالک ثلاثہ مفتئ اعظم پاکستان حضرت مولانا قاضی مفتی منیب الرحمن صاحب دامت برکاتہم العالیہ علیل ہیں
تمام اہلِ اسلام سے اُن کی صحت یابی کے لئے خصوصی دعاؤں کی درخواست ہے ????
✍️ مفتی ابو محمد عفی عنہ pic.twitter.com/x1Ri4hWoHE
— Mufti Abu Muhammad (@muftiabumuhamad) December 2, 2025
خاندانی ذرائع اور ان کے چاہنے والوں نے طبیعت میں بہتری کی خبر پر اطمینان کا اظہار کیا ہے۔
مزید پڑھیں:مدرسوں میں چھپے ملک دشمن عناصر کے خلاف کارروائی کے لیے تیار ہیں، علما
واضح رہے کہ مفتی منیب الرحمان طویل عرصے تک مرکزی رویتِ ہلال کمیٹی کے چیئرمین رہے اور ملک بھر میں چاند دیکھنے کے عمل کی نگرانی کی۔
ان کی علالت کی خبر پر ملک بھر سے دعاؤں اور نیک خواہشات کے پیغامات موصول ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپتال ڈینگی رویت ہلال کمیٹی علاج کراچی مفتی منیب الرحمان
غزہ معاہدے کی مکمل پاسداری کی، اسلحہ حوالے کرنا قومی مذاکرات سے مشروط ہوگا: حماس